Tiʼ tuláakal yóokʼol kaabeʼ, yaʼab máakoʼobeʼ ku yuʼubikubaʼob chéen tu juunaloʼob tumen minaʼan u amigoʼob. Le doctoroʼoboʼ ku yaʼalikoʼobeʼ junpʼéel baʼax jeʼel u yáantik máak utiaʼal u xuʼulul u yuʼubikuba beyoʼ letiʼe u yáantik u maasiloʼ.

•   «Wa k-áantik u maasileʼ jeʼel u tsʼáaik u biilal k-kuxtaleʼ yéetel jeʼel u beetik u xuʼulul k-uʼuyikba chéen t-juunaleʼ» (Institutos Nacionales de la Salud, de Estados Unidos).

 Le Bibliaoʼ ku yaʼaliktoʼon baʼax jeʼel u páajtal k-beetik utiaʼal k-áantik u maasileʼ. Wa k-beetik baʼax ku yaʼalikeʼ jeʼel u yáantkoʼon utiaʼal u xuʼulul k-uʼuyikba chéen t-juunaleʼ.

 Eʼes a wutsil. Eʼes a wutsil tiʼ u maasil, compartirt tu yéeteloʼob le baʼaxoʼob yaantechoʼ. Ilawil a máansik tiempo yéetel u maasil, leloʼ yaan u yáantaj utiaʼal a maas biskaba tu yéeteloʼob, beyoʼ yaan u yilkechoʼob bey u amigoʼobeʼ.

•   Teksto jeʼel u yáantajeʼ: «Maʼ u xuʼulul a weʼeskeʼex utsil tiʼ u maasil, beyoʼ letiʼobeʼ yaan xan u yeʼeskoʼobteʼex utsil» (Lucas 6:38).

 Ilawil a wáantik u maasil. Wa yaan máax táan u máansik junpʼéel problemaeʼ ilawil a wáantik. Por ejemploeʼ jeʼel u páajtal a chʼenxikintikeʼ, a naʼatik bix u yuʼubikuba wa a beetik uláakʼ wa baʼax tu yoʼolal.

•   Teksto jeʼel u yáantajeʼ: «Juntúul jach maʼalob amigoeʼ ku yeʼesik yaabilaj tiʼ tuláakal súutukil» (Proverbios 17:17).

 Utiaʼal a wojéeltik bix jeʼel u yantaltech maʼalob amigoʼobeʼ, ilawil le xook «Bisaba maʼalob yéetel u maasil».