Tu kʼiinil 24 tiʼ enero tiʼ 2023, le científicoʼoboʼ tu marcartoʼob tu relojil le juicio final a jach bukaʼaj tiempo u bin u xuʼulul tiʼ le yóokʼol kaaboʼ.

•   «Le relojaʼ ku chíikbesik le talamiloʼob táan u aktáantaʼal teʼ yóokʼol kaabaʼ. Tu kʼiinil martes le táan le guerra Ucraniaoʼ le científicoʼoboʼ tu yaʼaloʼobeʼ le relojaʼ séeb avanzarnajik yéetel jach taʼaytak u chukik chúumuk áakʼab. Le relojaʼ avanzarnaj yoʼolal le bomba nuclearoʼob ku yaʼalaʼal u waʼakʼloʼoboʼ yéetel tumen jach táan u kʼastal le climaoʼ» (AFP International Text Wire).

•   «Tu kʼiinil marteseʼ le científicoʼoboʼ tu yaʼaloʼobeʼ jach chéen 90 segundos u bin utiaʼal u xuʼulul tiʼ le yóokʼol kaabaʼ, tu yaʼaloʼob xaneʼ yáax u jach náatsʼal le yóokʼol kaab tiʼ le Armagedónoʼ» (ABC News).

•   «U jaats científicoʼob tiʼ tuláakal yóokʼol kaabeʼ tu yaʼaloʼobeʼ jach yáax u yantal en peligro u kuxtal tuláakal wíinik teʼ yóokʼol kaabaʼ» (The Guardian).

 ¿Jach wa tu jaajil taʼaytak u xuʼulul tiʼ wíinik bey xan tiʼ le yóokʼol kaabaʼ? ¿Unaj wa k-chʼaʼik saajkil tiʼ baʼax ku taal u kʼiinil u yúuchul? ¿Baʼax ku yaʼalik le Biblia yoʼolal leloʼ?

 Le Bibliaoʼ ku yaʼalikeʼ «le luʼumaʼ yaan u pʼáatal utiaʼal mantatsʼ» yéetel le máaxoʼob ku beetkoʼob baʼax maʼaloboʼ «way kun kajtaloʼob utiaʼal mantatsʼeʼ» (Eclesiastés 1:4; Salmo 37:29). K-ilik túuneʼ wíinikeʼ maʼ ken u xuʼuls tiʼ le yóokʼol kaabaʼ baʼaxeʼ mantatsʼ kun kajtal máakiʼ.

 Chéen baʼaleʼ le Bibliaoʼ ku tʼaan tiʼ junpʼéel xuʼulsajil, ku yaʼalikeʼ «le yóokʼol kaabaʼ táan u bin u xuʼulultiʼ» (1 Juan 2:17).

•   Utiaʼal a wojéeltik jach baʼax u kʼáat u yaʼal le Biblia le ken tʼaanak tiʼ u xuʼulsaʼal tiʼ le yóokʼol kaabaʼ ilawil le xook «¿Se acerca el fin del mundo? ¿Qué es el apocalipsis?».

•   Utiaʼal a wojéeltik baʼax ku kaʼansik le Biblia yoʼolal le baʼaloʼob ku taal u kʼiin u yúuchloʼ ilawil le xook «¿Baʼax kʼiin kéen xuʼulsaʼak le yóokʼol kaaboʼ?».

 Le Bibliaoʼ jeʼel u yáantkoʼon utiaʼal maʼ k-sen chiʼichnaktal yoʼolal tuláakal le problemas táan u yilaʼal way yóokʼol kaabaʼ. Koʼox ilik bix u yáantkoʼon.

•   Le Bibliaoʼ ku tsʼáaik maʼalob consejoʼob (2 Timoteo 3:16,17). Ilawil le xook «Qué puedo hacer para no preocuparme tanto». Le xookaʼ ku yeʼesik bix u yáantkoʼon le Biblia utiaʼal maʼ k-sen chiʼichnaktal yoʼolal le problemas k-aktáantik ichil k-kuxtaloʼ.

•   Le Bibliaoʼ ku tsʼáaiktoʼon esperanza (Romanos 15:4). Ku yaʼalik kuxaʼanoʼon tu tsʼook kʼiinoʼob. Ku tʼaan xan tiʼ le baʼaloʼob táan k-aktáantik teʼ kʼiinoʼobaʼ, baʼax ku taal u kʼiin u yúuchul yéetel ku yáantkoʼon utiaʼal maʼ k-sen chiʼichnaktal.

 Wa a kʼáat a kan u maasileʼ kʼáat ka tsʼaʼabaktech xook yéetel le Bibliaoʼ, lelaʼ gratis.