1 Crónicas 27:1-34
-
Le máaxoʼob tsʼaʼan autoridad tiʼob meyajtik le reyoʼ (1-34)
27 Le israelitaʼob yanoʼob ichil u ejército le reyoʼ+ jaʼatsoʼob ich grupoʼob. Ichil le grupoʼobaʼ tiaʼan le u nuuktakil le familiaʼoboʼ, u nuuktakil le grupoʼob de 1,000 máakoʼob yéetel de 100 máakoʼoboʼ,+ bey xan le máaxoʼob tsʼaʼanoʼob u kanáantoʼob le grupoʼob yanoʼob ichil le ejércitooʼ. Le grupoʼobaʼ ku turnarkubaʼob utiaʼal ka meyajnakoʼob junpʼéel mes tiʼ cada año. Ichil cada grupoeʼ yaan 24,000 máakoʼobiʼ.
2 Jasobeam+ u hijo Zabdieleʼ letiʼe máax nuʼuktik le yáax grupo tsʼaʼab meyaj teʼ yáax mesoʼ. Tuláakloʼobeʼ 24,000 u túulaloʼob.
3 Jasobeameʼ ku taal tiʼ u familia Pérez,+ letiʼ kaʼach u nojchil tuláakal u nuuktakil le mejen grupoʼob kun meyajoʼob teʼ yáax mesoʼ.
4 Doday+ le ajojitaoʼ+ letiʼe máax nuʼuktik le u kaʼapʼéel grupo tsʼaʼab meyaj teʼ tu kaʼapʼéel mesoʼ, yéetel Mikloteʼ juntúul líder ichiloʼob. Tuláakloʼobeʼ 24,000 u túulaloʼob.
5 Benayaeʼ+ letiʼe máax nuʼuktik le u yóoxpʼéel grupo tsʼaʼab meyaj teʼ tu yóoxpʼéel mesoʼ. Letiʼeʼ u hijo Jeoyadá+ u nojchil le sacerdoteʼoboʼ.* Tuláakloʼobeʼ 24,000 u túulaloʼob.
6 Benaya kaʼacheʼ juntúul tiʼ le 30 soldadoʼob jach u yojloʼob baʼateloʼ, letiʼ nuʼuktik kaʼach le 30 soldadoʼoboʼ. U grupo Benayaeʼ nuʼuktaʼan kaʼach tumen Amizabad u hijo.
7 Asael+ u yíitsʼin Joabeʼ+ letiʼe máax nuʼuktik le kanpʼéel grupo tsʼaʼab meyaj teʼ kanpʼéel mesoʼ. Zebadíaseʼ letiʼ jeelint Asael u papá. Tuláakloʼobeʼ 24,000 u túulaloʼob.
8 Samut le izraítaoʼ letiʼe máax nuʼuktik le grupo cinco tsʼaʼab meyaj teʼ mes cincooʼ. Tuláakloʼobeʼ 24,000 u túulaloʼob.
9 Irá+ u hijo Ikés le tekoítaoʼ+ letiʼe máax nuʼuktik le grupo seis tsʼaʼab meyaj teʼ mes seisoʼ. Tuláakloʼobeʼ 24,000 u túulaloʼob.
10 Élez,+ le pelonita ku taal tiʼ le efraimitaʼoboʼ, letiʼe máax nuʼuktik le grupo siete tsʼaʼab meyaj teʼ mes sieteoʼ. Tuláakloʼobeʼ 24,000 u túulaloʼob.
11 Sibekay,+ le usatita ku taal tiʼ le zeraítaʼoboʼ,+ letiʼe máax nuʼuktik le grupo ocho tsʼaʼab meyaj teʼ mes ochooʼ. Tuláakloʼobeʼ 24,000 u túulaloʼob.
12 Abí-ézer,+ le anatotil+ ku taal tiʼ le benjaminitaʼoboʼ, letiʼe máax nuʼuktik le grupo nueve tsʼaʼab meyaj teʼ mes nueveoʼ. Tuláakloʼobeʼ 24,000 u túulaloʼob.
13 Maaray,+ le netofatita ku taal tiʼ le zeraítaʼoboʼ,+ letiʼe máax nuʼuktik le grupo diez tsʼaʼab meyaj teʼ mes diezoʼ. Tuláakloʼobeʼ 24,000 u túulaloʼob.
14 Benaya,+ le piratonita ku taal tiʼ u hijoʼob Efraínoʼ, letiʼe máax nuʼuktik le grupo once tsʼaʼab meyaj teʼ mes onceoʼ. Tuláakloʼobeʼ 24,000 u túulaloʼob.
15 Elday, le netofatita ku taal tiʼ Otnieloʼ, letiʼe máax nuʼuktik le grupo doce tsʼaʼab meyaj teʼ mes doceoʼ. Tuláakloʼobeʼ 24,000 u túulaloʼob.
16 Leloʼobaʼ letiʼe u nuuktakil le tribuʼob yanoʼob Israeloʼ: ichil le rubenitaʼoboʼ u nojchileʼ Eliezer u hijo Zicrí, ichil le simeonitaʼoboʼ u nojchileʼ Sefatías u hijo Maaká.
17 Ichil le levitaʼoboʼ u nojchileʼ Asabías u hijo Kemuel, ichil u paalal Aaróneʼ u nojchileʼ Sadok.
18 Ichil u tribu Judáeʼ u nojchileʼ Eliú,+ letiʼeʼ juntúul tiʼ u sukuʼunoʼob David. Ichil u tribu Isacareʼ u nojchileʼ Omrí u hijo Miguel.
19 Ichil u tribu Zabulóneʼ u nojchileʼ Ismayá u hijo Abdías. Ichil u tribu Neftalíeʼ u nojchileʼ Jerimot u hijo Azriel.
20 Ichil le efraimitaʼoboʼ u nojchileʼ Osea u hijo Azazías. Ichil u táanchumuk tribu Manaséseʼ u nojchileʼ Joel u hijo Pedaya.
21 Ichil u táanchumuk tribu Manasés yaan tu luʼumil Galaadoʼ u nojchileʼ Idó u hijo Zacarías. Ichil u tribu Benjamíneʼ u nojchileʼ Jaasiel u hijo Abner.+
22 Ichil u tribu Daneʼ u nojchileʼ Azarel u hijo Jeroam. Tuláakal le jeʼeloʼobaʼ letiʼe príncipeʼob yanoʼob ichil u tribuʼob Israeloʼ.
23 Davideʼ maʼ tu beetaj u xoʼokol le israelitaʼob yaan menos tiʼ 20 años tiʼoboʼ, tumen Jéeobaeʼ u prometermaj u yaʼabkuntik le israelitaʼob jeʼex u yaʼabil le estrellaʼob yanoʼob teʼ kaʼanoʼ.+
24 Joab, u hijo Zeruyáeʼ, tu káajsaj u xokik le israelitaʼoboʼ, chéen baʼaleʼ maʼ tu tsʼoʼoksaj u beetkiʼ tumen Dioseʼ pʼuʼuj tu contra Israel.+ Yoʼolal le jeʼelaʼ le ka xoʼokoʼobeʼ maʼ tsʼíibtaʼab jaytúuloʼob teʼ tuʼux ku tsʼíibtaʼal le baʼaxoʼob ku yúuchul tu kʼiiniloʼob le rey Davidoʼ.
25 Azmávet, u hijo Adieleʼ, letiʼ tsʼaʼan kaʼach u yil u tesoreríaʼob le reyoʼ.+ Jonatán, u hijo Uzíaseʼ, letiʼ tsʼaʼan kaʼach u yil le bodegaʼob* yanoʼob teʼ tuʼux ku yúuchul paakʼaloʼ, teʼ kaajoʼob yéetel teʼ mejen kaajoʼoboʼ, bey xan le yanoʼob teʼ torreʼoboʼ.
26 Ezrí, u hijo Kelubeʼ, letiʼ tsʼaʼan kaʼach u yil le máaxoʼob ku pakʼikoʼob le luʼumoʼ.
27 Simey le ramatitaoʼ letiʼ tsʼaʼan kaʼach u yil le luʼumoʼob tuʼux ku paʼakʼal uvaoʼ. Yéetel Zabdí le sifmitaoʼ letiʼ tsʼaʼan kaʼach u yil le bodegaʼob tuʼux yaan le vinooʼ, le vino ku beetaʼal yéetel le uvaʼob tsʼoʼok u cosechartaʼaloʼ.
28 Baal-anán le guederitaoʼ letiʼ tsʼaʼan kaʼach u yil le olivoʼob yéetel le higoʼob+ pakʼaʼanoʼob teʼ Sefeláoʼ.+ Joáseʼ letiʼ tsʼaʼan kaʼach u yil le bodegaʼob tuʼux ku líiʼsaʼal le aceiteoʼ.
29 Sitray le saronitaoʼ letiʼ tsʼaʼan kaʼach u yil le wakaxoʼob ku janaloʼob tu luʼumil Sarónoʼ.+ Yéetel Safat, u hijo Adlayeʼ, letiʼ tsʼaʼan kaʼach u yil le wakaxoʼob yanoʼob teʼ táax luʼumoʼoboʼ.
30 Obil le ismaelitaoʼ letiʼ tsʼaʼan kaʼach u yil le camelloʼoboʼ. Yéetel Jedeyá le meronotitaoʼ letiʼ tsʼaʼan kaʼach u yil le burroʼoboʼ.*
31 Jaziz le agritaoʼ letiʼ tsʼaʼan kaʼach u yil le tamanoʼob yéetel le chivoʼoboʼ. Tuláakal le jeʼeloʼobaʼ letiʼe máaxoʼob tsʼaʼan u yiloʼob le baʼaloʼob yaan tiʼ le rey Davidoʼ.
32 Jonatán+ u sobrino Davideʼ juntúul tiʼ le máaxoʼob tsʼáaik consejooʼ, juntúul máak jach yaan u naʼat yéetel ku meyaj xan bey secretarioeʼ. Jeyel, u hijo Akmoníeʼ, letiʼ tsʼaʼan kaʼach u kanáant u paalal le reyoʼ.+
33 Aitofeleʼ+ juntúul tiʼ le máaxoʼob tsʼáaik consejo tiʼ le reyoʼ, yéetel Usay+ le arkitaoʼ u amigo kaʼach le reyoʼ.
34 Le kéen tsʼoʼokok Aitofeleʼ le uláakʼ máaxoʼob ku tsʼáaikoʼob consejo kaʼachoʼ Jeoyadá u hijo Benaya+ bey xan Abiatar.+ Joabeʼ+ letiʼ kaʼach u nojchil u soldadoʼob le reyoʼ.
Notas
^ Ilawil «U nojchil le sacerdoteʼoboʼ», página 2586.
^ Wa «tesoreríaʼob».
^ Ich hebreoeʼ ku yaʼalaʼal kaʼach «le x-burraʼoboʼ».
