Génesis 10:1-32
10 Lelaʼ u tsikbalil u kuxtal Sem,+ Cam yéetel Jafet, u hijoʼob Noé.
Letiʼobeʼ yanchaj u paalaloʼob ka tsʼoʼok le Búulkabaloʼ.+
2 U hijoʼob Jafeteʼ letiʼe jeʼeloʼobaʼ: Gómer,+ Magog,+ Maday, Javán, Tubal,+ Mesek+ yéetel Tirás.+
3 U hijoʼob Gómereʼ letiʼe jeʼeloʼobaʼ: Askenaz,+ Rifat yéetel Togarmá.+
4 U hijoʼob Javáneʼ letiʼe jeʼeloʼobaʼ: Elisá,+ Tarsis,+ Kitim+ yéetel Dodanim.
5 Tiʼ le máakoʼobaʼ tiʼ u taal le máaxoʼob kajlajoʼob teʼ islaʼoboʼ, según le idioma ku tʼankoʼoboʼ, según tiʼ baʼax familia u taaloʼob yéetel según tiʼ baʼax naciónil u taaloʼob.
6 U hijoʼob Cameʼ letiʼe jeʼeloʼobaʼ: Cus, Mizraim,+ Fut+ yéetel Canaán.+
7 U hijoʼob Cuseʼ letiʼe jeʼeloʼobaʼ: Seeba,+ Avilá, Sabtá, Raamá+ yéetel Sabteká.
U hijoʼob Raamáeʼ letiʼe jeʼeloʼobaʼ: Seba yéetel Dedán.
8 Cuseʼ u papá Nemrod. Nemrodeʼ letiʼe yáax máax yanchaj u páajtalil way luʼumeʼ.
9 Letiʼeʼ juntúul kʼasaʼan máak jach yaan u páajtalil, uts tu tʼaan u kíimsik baʼalcheʼob* yéetel u tsʼaamuba tu contra Jéeoba. Le oʼolal suuk u yaʼalaʼal: «Jeʼex Nemrod, juntúul kʼasaʼan máak jach yaan u páajtalil, uts tu tʼaan u kíimsik baʼalcheʼob yéetel u tsʼaamuba tu contra Jéeoba».
10 Le yáax kaajoʼob tu gobernartoʼ Babel,+ Erek,+ Akad yéetel Calné, leloʼobaʼ tiaʼanoʼob tu luʼumil Sinareʼ.+
11 Nemrodeʼ lukʼ tu luʼumil Sinareʼ ka bin tu luʼumil Asiria,+ ka tu beetaj u kaajil Nínive,+ u kaajil Reobot-ir, u kaajil Kála
12 yéetel u kaajil Resen, le yaan chúumuk tiʼ Nínive yéetel Kálaoʼ: lelaʼ letiʼe nojoch kaajoʼ.*
13 Mizraimeʼ u papá Ludim,+ Anamim, Leabim, Naftuim,+
14 Patrusim,+ Casluim (tiʼ letiʼ u taal le filisteoʼoboʼ)+ yéetel Caftorim.*+
15 U yáax hijo Canaáneʼ Sidón,+ le ka tsʼoʼokeʼ síij Et.+
16 Tiʼ Canaáneʼ tiʼ u taal xan le jebuseoʼoboʼ,+ le amorreoʼoboʼ,+ le guirgaseoʼoboʼ,
17 le eveoʼoboʼ,+ le arkeoʼoboʼ, le sineoʼoboʼ,
18 le arvadeoʼoboʼ,+ le zemareoʼoboʼ yéetel le amateoʼoboʼ.+ Ka tsʼoʼok túuneʼ le cananeoʼoboʼ kʼiʼitpajoʼob tuláakal tuʼux.
19 U luʼum le cananeoʼoboʼ ku káajal desde Sidón yéetel ku tsʼoʼokol tak Guerar,+ junpʼéel kaaj yaan naatsʼ tiʼ Gaza.+ U luʼumoʼobeʼ ku kʼuchul tak Sodoma, Gomorra,+ Admá yéetel Zeboyim,+ naatsʼ tiʼ Lasa.
20 Tuláakal leloʼobaʼ u paalaloʼob Cam según le familia tuʼux u taaloʼoboʼ, según le idioma ku tʼankoʼoboʼ, según le tuʼux kajaʼanoʼoboʼ yéetel según le nación tuʼux u taaloʼoboʼ.
21 Sem, u yíitsʼin* Jafeteʼ yanchaj xan u paalal. Éber+ yéetel tuláakal u paalaleʼ tiʼ Sem u taaloʼob.
22 U hijoʼob Semeʼ letiʼe jeʼeloʼobaʼ: Elam,+ Asur,+ Arpaksad,+ Lud yéetel Aram.+
23 U hijoʼob Arameʼ letiʼe jeʼeloʼobaʼ: Uz, Uul, Guéter yéetel Mas.
24 Arpaksadeʼ u papá Sela,+ yéetel Selaeʼ u papá Éber.
25 Ébereʼ yanchaj kaʼatúul u hijoʼob. U kʼaabaʼ juntúuleʼ Péleg,*+ tumen tu kʼiinileʼ le máakoʼoboʼ u jatsmubaʼob yéetel kʼiʼitpajaʼanoʼob. U kʼaabaʼ le uláakʼoʼ Joktán.+
26 U hijoʼob Joktáneʼ letiʼe jeʼeloʼobaʼ: Almodad, Sélef, Azarmávet, Jéra,+
27 Aadoram, Uzal, Diklá,
28 Obal, Abimael, Seba,
29 Ofir,+ Avilá yéetel Jobab. Tuláakloʼobeʼ u hijoʼob Joktán.
30 Le tuʼux kajlajoʼoboʼ ku káajal desde Mesá tak Sefar, teʼ Lakʼin tuʼux yaan le montañaʼoboʼ.
31 Tuláakal leloʼobaʼ u paalaloʼob Sem según le familia tuʼux u taaloʼoboʼ, según le idioma ku tʼankoʼoboʼ, según le tuʼux kajaʼanoʼoboʼ yéetel según le luʼum tuʼux u taaloʼoboʼ.+
32 Tuláakal leloʼobaʼ u familiaʼob u paalal Noé según le familia yéetel le luʼum tuʼux u taaloʼoboʼ. Le naciónoʼob formarnajoʼob le ka tsʼoʼok le Búulkabaloʼ tiʼ u taal tiʼ le familiaʼobaʼ.+
Notas
^ Wa «uts tu tʼaan u kíimsik máakoʼob».
^ Uláakʼ bix u traducirtaʼaleʼ «tuláakloʼobeʼ ku formarkoʼob junpʼéel nojoch kaaj».
^ Maʼ xaaneʼ tuláakal le kʼaabaʼob ku chíikpajal teʼ versículo 13 yéetel 14, tribuʼob yéetel kaajoʼob taaloʼob tiʼ Mizraim.
^ Maʼ xaan xaneʼ «u sukuʼun».
^ U kʼáat u yaʼal «U Jatsmubaʼob».
