Levítico 15:1-33
-
Le kéen jóokʼok wa baʼax tiʼ xiib wa tiʼ koʼolel (1-33)
15 Jéeobaeʼ seguernaj u yaʼalik tiʼ Moisés yéetel tiʼ Aarón:
2 «Aʼaleʼex tiʼ le israelitaʼoboʼ: ‹Wa juntúul xiib ku jóokʼol wa baʼax tu xiibil yoʼolal kʼojaʼanileʼ, leloʼ ku beetik u pʼáatal maʼ limpio tu táan Diosiʼ.+
3 Letiʼeʼ maʼ limpio yoʼolal le baʼax ku jóokʼol tiʼoʼ, kex wa sigue u jóokʼol wa kex maʼ tu páajtal u jóokʼoleʼ letiʼeʼ maʼ limpio yanil tu táan Diosiʼ.
4 Tiʼ jeʼel baʼalak camail ka chilak wa tiʼ jeʼel baʼalak nuʼukulil ka kulakeʼ yaan u pʼáatal maʼ limpio yaniliʼ.
5 Jeʼel máaxak ka u mach u cama le kʼojaʼanoʼ kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.+
6 Jeʼel máaxak ka kulak tiʼ junpʼéel nuʼukul tuʼux tsʼoʼok u kutal le máax kʼojaʼanoʼ, kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.
7 Jeʼel máaxak ka u mach le máax kʼojaʼanoʼ kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.
8 Wa juntúul máak limpio ku túubaʼal tumen le máax kʼojaʼanoʼ, le máak túubaʼaboʼ kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.
9 Tiʼ jeʼel baʼalak monturail ka kulak le máax kʼojaʼanoʼ yaan u pʼáatal maʼ limpioiʼ.
10 Jeʼel máaxak ka u mach jeʼel baʼalak nuʼukulil tuʼux kulaj le máax kʼojaʼanoʼ yaan u pʼáatal maʼ limpio tak ken tʼúubuk le kʼiinoʼ, yéetel jeʼel máaxak ka u mach u bis le nuʼukuloʼoboʼ kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.
11 Wa le máax kʼojaʼan+ maʼ u pʼoʼomaj u kʼab le kéen u mach wa máaxeʼ, le máax maʼachoʼ kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.
12 Wa le máax kʼojaʼan ku machik junpʼéel nuʼukul de kʼateʼ, le nuʼukuloʼ kʼaʼabéet u paʼabal. Wa ku machik junpʼéel nuʼukul de cheʼeʼ, le nuʼukuloʼ kʼaʼabéet u pʼoʼobol.+
13 Le kéen xuʼuluk u jóokʼol le baʼax ku máansikoʼ yéetel le kéen utsak le máak tiʼ u kʼojaʼaniloʼ, letiʼeʼ yaan u páaʼtik siete días utiaʼal ka aʼalaʼak limpio yanil. Yaan túun u pʼoʼik u nookʼ, yéetel yaan u yichkíil yéetel jaʼ limpio, letiʼ túuneʼ yaan u pʼáatal limpioil.+
14 Le kéen u chuk ocho díaseʼ unaj u chʼaʼik kaʼatúul mukuy wa kaʼatúul mejen palomaʼob,+ yéetel unaj u bisik tu táan Jéeoba teʼ tu entradail le najil reuniónoʼ. Le chʼíichʼoʼobaʼ yaan u tsʼáaik tiʼ le sacerdoteoʼ.
15 Le sacerdote túunoʼ yaan u kʼubik le chʼíichʼoʼoboʼ, juntúuleʼ utiaʼal le ofrenda yoʼolal le kʼebanoʼ, yéetel le uláakʼoʼ utiaʼal le tóokbil ofrendaoʼ. Le sacerdoteoʼ yaan u kʼubik le ofrendaʼob tu táan Jéeoba utiaʼal ka pʼáatak limpioil le máak tiʼ u kʼojaʼaniloʼ.
16 Wa ku jóokʼol u semen juntúul xiibeʼ, letiʼeʼ yaan u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.+
17 Unaj u pʼoʼik jeʼel baʼalak nookʼil wa jeʼel baʼalak nuʼukulil beetaʼan de kʼéewel tuʼux páakʼ le semenoʼ, le baʼaloʼoboʼ yaan u pʼáatloʼob maʼ limpioʼob tak ken tʼúubuk le kʼiinoʼ.
18 Wa juntúul xiib ku jóokʼol u semen le kéen yanak baʼal u yil yéetel juntúul koʼoleleʼ, letiʼobeʼ unaj u yichkíiloʼob, yéetel yaan u pʼáatloʼob maʼ limpio yaniloʼob tak ken tʼúubuk le kʼiinoʼ.+
19 Wa juntúul koʼolel tiaʼan tu kʼiiniloʼob u menstruacióneʼ, yoʼolal u menstruaciónoʼ letiʼeʼ yaan u pʼáatal maʼ limpio durante siete díasiʼ.+ Jeʼel máaxak ka u mach le koʼoleloʼ yaan u pʼáatal maʼ limpio tak ken tʼúubuk le kʼiinoʼ.+
20 Jeʼel tuʼuxak ka kulak wa ka chilak durante u kʼiiniloʼob u menstruacióneʼ, le nuʼukul jeʼeloʼ yaan u pʼáatal maʼ limpioiʼ.+
21 Jeʼel máaxak ka u mach u cama le koʼoleloʼ, kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.
22 Jeʼel máaxak ka u mach junpʼéel nuʼukul tuʼux tsʼoʼok u kutal le koʼoleloʼ kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.
23 Jeʼel máaxak ka u mach le cama wa uláakʼ nuʼukul tuʼux kulaj le koʼoleloʼ yaan u pʼáatal maʼ limpio tak ken tʼúubuk le kʼiinoʼ.+
24 Wa le táan u yantal baʼal u yil juntúul xiib yéetel juntúul koʼolel, ku káajal u menstruación le koʼoleloʼ,+ le xiiboʼ yaan u pʼáatal maʼ limpio durante siete díasiʼ. Yéetel tiʼ jeʼel baʼalak camail ka chilak le xiiboʼ yaan u pʼáatal maʼ limpioiʼ.
25 Wa juntúul koʼolel ku xáantal táan u máansik kʼiʼikʼ+ kex maʼ tu kʼiiniloʼob u menstruación yaneʼ,+ letiʼeʼ yaan u pʼáatal maʼ limpio yanil tuláakal le kʼiinoʼob táan u máansik kʼiʼikʼoʼ. Wa tiaʼan tu kʼiiniloʼob u menstruación, pero maas ku xáantal táan u máansik kʼiʼikʼ tiʼ le bix suukiloʼ, le koʼoleloʼ yaan xan u pʼáatal maʼ limpio yanil tuláakal le kʼiinoʼob táan u máansik kʼiʼikʼoʼ.
26 Tiʼ jeʼel baʼalak camail ka chilak le koʼoleloʼ wa tiʼ jeʼel baʼalak nuʼukulil ka kulak teʼ kʼiinoʼob táan u máansik kʼiʼikʼoʼ,+ le baʼaloʼobaʼ yaan u pʼáatal maʼ limpio yaniloʼob, jeʼex u yúuchul tu kʼiiniloʼob u menstruación le koʼoleloʼ.
27 Jeʼel máaxak ka u mach le baʼaloʼobaʼ yaan u pʼáatal maʼ limpioiʼ, kʼaʼabéet u pʼoʼik u nookʼ yéetel u yichkíil, yéetel yaan u pʼáatal maʼ limpio tak ken tʼúubuk le kʼiinoʼ.+
28 Chéen baʼaleʼ le kéen xuʼuluk u máansik le kʼiʼikʼoʼ yaan u páaʼtik u máan siete días, le kéen tsʼoʼokkeʼ yaan u pʼáatal limpioil.+
29 Le kéen u chuk ocho díaseʼ unaj u chʼaʼik kaʼatúul mukuy wa kaʼatúul mejen palomaʼob,+ yéetel unaj u biskoʼob tiʼ le sacerdote tu entradail le najil reuniónoʼ.+
30 Le sacerdoteoʼ yaan u kʼubik juntúul utiaʼal le ofrenda yoʼolal le kʼebanoʼ, yéetel le uláakʼoʼ utiaʼal le tóokbil ofrendaoʼ. Le sacerdoteoʼ yaan u kʼubik le ofrendaʼob tu táan Jéeoba utiaʼal ka pʼáatak limpioil le koʼolel tiʼ le kʼiʼikʼ ku máansik kaʼachoʼ.+
31 Teʼexeʼ unaj a wáantkeʼex le israelitaʼob utiaʼal ka pʼáatkoʼob limpioil tin táanoʼ, tumen wa maʼeʼ jeʼel u kʼaskúuntikoʼob in tabernáculo* yaan chúumuk tiʼ teʼexoʼ,+ yéetel yoʼolal leloʼ letiʼobeʼ jeʼel u kíimloʼobeʼ.
32 Lelaʼ letiʼe ley ku yaʼalik baʼax unaj u beetaʼal wa yoʼolal junpʼéel kʼojaʼanileʼ juntúul xiibeʼ ku jóokʼol wa baʼax tu xiibil yéetel wa ku pʼáatal maʼ limpio tumen ku jóokʼol semen tiʼiʼ.+
33 Le ley xanaʼ utiaʼal le koʼolel le kéen yanak u menstruaciónoʼ,+ utiaʼal juntúul xiib wa juntúul koʼolel ku jóokʼol wa baʼax tu wíinkliloʼob,+ yéetel utiaʼal le xiib ku yantal baʼal u yil yéetel juntúul koʼolel maʼ limpio yaniliʼ›».
Notas
^ Ilawil página 2581.
