Números 26:1-65
-
Ku beetaʼal uláakʼ censo tiʼ le israelitaʼoboʼ (1-65)
26 Le ka tsʼoʼok u kíimsaʼal le israelitaʼoboʼ+ Jéeobaeʼ tu yaʼalaj tiʼ Moisés yéetel tiʼ Eleazar, u hijo Aarón le sacerdoteoʼ:
2 «Beeteʼex junpʼéel censo tiʼ tuláakal le israelitaʼob yaantiʼob 20 años wa maasoʼ, tsʼíibteʼex u kʼaabaʼob según tiʼ baʼax familiail u taaloʼob, tsʼíibteʼex u kʼaabaʼ tuláakal le máaxoʼob jeʼel u páajtal u beetik u soldadoiloʼob tu kaajil Israeloʼ».+
3 Moisés yéetel Eleazar+ le sacerdote túunoʼ tʼaanajoʼob tu táan le kaaj le tiaʼanoʼob teʼ tu desiertoil Moaboʼ,+ naatsʼ tiʼ le Jordánoʼ yéetel aktáan tiʼ Jericó,+ ka tu yaʼaloʼob:
4 «Beeteʼex junpʼéel censo tiʼ tuláakal le máaxoʼob yaantiʼob 20 años wa maasoʼ, beeteʼex jach jeʼex tsʼoʼok u yaʼalik Jéeoba tiʼ Moisésoʼ».+
U paalal túun Israel jóokʼoʼob tiʼ u luʼumil Egiptoeʼ letiʼe jeʼeloʼobaʼ:
5 Rubén,+ u yáax hijo Israel. U hijoʼob Rubéneʼ+ letiʼe jeʼeloʼobaʼ: tiʼ Anokeʼ tiʼ taal u familia le anokitaʼoboʼ, tiʼ Palúeʼ tiʼ taal u familia le paluitaʼoboʼ,
6 tiʼ Ezróneʼ tiʼ taal u familia le ezronitaʼoboʼ, tiʼ Karmíeʼ tiʼ taal u familia le karmitaʼoboʼ.
7 Leloʼobaʼ letiʼe u familiaʼob le rubenitaʼoboʼ, tuláakal le xiiboʼob tsʼíibtaʼab u kʼaabaʼoboʼ tu chukaj 43,730.+
8 U hijo Palúeʼ Eliab.
9 U hijoʼob Eliabeʼ letiʼe jeʼeloʼobaʼ: Nemuel, Datán yéetel Abiram. Datán yéetel Abirameʼ letiʼob u nuuktakil le máaxoʼob tu tsʼáajubaʼob tu contra Moisés+ yéetel Aarónoʼ. Tiaʼanoʼob kaʼach ichil le máaxoʼob apoyart Coré+ yéetel tu tsʼáajubaʼob tu contra Jéeobaoʼ.+
10 Le luʼum túunoʼ jeʼepajeʼ* ka tu lukʼaj le máakoʼoboʼ. Chéen baʼaleʼ Coréeʼ kíim le ka tóokaʼab le 250 máakoʼob apoyarkoʼ.+ Le baʼax úuchtiʼoboʼ meyajnaj utiaʼal u kʼaʼajsaʼal u yiikʼ le kaajoʼ.+
11 Chéen baʼaleʼ u paalal Coréeʼ maʼ kíimoʼobiʼ.+
12 U hijoʼob Simeón,+ según u familiaʼobeʼ, letiʼe jeʼeloʼobaʼ: tiʼ Nemueleʼ tiʼ u taal u familia le nemuelitaʼoboʼ, tiʼ Jamíneʼ tiʼ u taal u familia le jaminitaʼoboʼ, tiʼ Jakíneʼ tiʼ u taal u familia le jakinitaʼoboʼ,
13 tiʼ Zeraeʼ tiʼ u taal u familia le zeraítaʼoboʼ, tiʼ Xaúleʼ tiʼ u taal u familia le xaulitaʼoboʼ.
14 Leloʼobaʼ letiʼe u familiaʼob le simeonitaʼoboʼ, tuláakal le xiiboʼob tsʼíibtaʼab u kʼaabaʼoboʼ tu chukaj 22,200.+
15 U hijoʼob Gad,+ según u familiaʼobeʼ, letiʼe jeʼeloʼobaʼ: tiʼ Zefóneʼ tiʼ u taal u familia le zefonitaʼoboʼ, tiʼ Aguíeʼ tiʼ u taal u familia le aguitaʼoboʼ, tiʼ Suníeʼ tiʼ u taal u familia le sunitaʼoboʼ,
16 tiʼ Ozníeʼ tiʼ u taal u familia le oznitaʼoboʼ, tiʼ Eríeʼ tiʼ u taal u familia le eritaʼoboʼ,
17 tiʼ Arodeʼ tiʼ u taal u familia le aroditaʼoboʼ, tiʼ Arelíeʼ tiʼ u taal u familia le arelitaʼoboʼ.
18 Leloʼobaʼ letiʼe u familiaʼob u hijoʼob Gadoʼ, tuláakal le xiiboʼob tsʼíibtaʼab u kʼaabaʼoboʼ tu chukaj 40,500.+
19 U hijoʼob Judáeʼ+ letiʼe jeʼeloʼobaʼ: Er yéetel Onán.+ Chéen baʼaleʼ tu kaʼatúulaloʼobeʼ kíimoʼob tu luʼumil Canaán.+
20 Le jeʼeloʼobaʼ letiʼe uláakʼ u hijoʼob Judá según u familiaʼoboʼ: tiʼ Selaeʼ+ tiʼ u taal u familia le selanitaʼoboʼ, tiʼ Pérezeʼ+ tiʼ u taal u familia le perezitaʼoboʼ, tiʼ Zeraeʼ+ tiʼ u taal u familia le zeraítaʼoboʼ.
21 U hijoʼob Pérezeʼ letiʼe jeʼeloʼobaʼ: tiʼ Ezróneʼ+ tiʼ u taal u familia le ezronitaʼoboʼ, tiʼ Amuleʼ+ tiʼ u taal u familia le amulitaʼoboʼ.
22 Leloʼobaʼ letiʼe u familiaʼob Judáoʼ, tuláakal le xiiboʼob tsʼíibtaʼab u kʼaabaʼoboʼ tu chukaj 76,500.+
23 U hijoʼob Isacar,+ según u familiaʼobeʼ, letiʼe jeʼeloʼobaʼ: tiʼ Toláeʼ+ tiʼ u taal u familia le tolaítaʼoboʼ, tiʼ Puváeʼ tiʼ u taal u familia le punitaʼoboʼ,
24 tiʼ Jasubeʼ tiʼ u taal u familia le jasubitaʼoboʼ, tiʼ Simróneʼ tiʼ u taal u familia le simronitaʼoboʼ.
25 Leloʼobaʼ letiʼe u familiaʼob Isacaroʼ, tuláakal le xiiboʼob tsʼíibtaʼab u kʼaabaʼoboʼ tu chukaj 64,300.+
26 U hijoʼob Zabulón,+ según u familiaʼobeʼ, letiʼe jeʼeloʼobaʼ: tiʼ Séredeʼ tiʼ u taal u familia le sereditaʼoboʼ, tiʼ Elóneʼ tiʼ u taal u familia le elonitaʼoboʼ, tiʼ Jaleeleʼ tiʼ u taal u familia le jaleelitaʼoboʼ.
27 Leloʼobaʼ letiʼe u familiaʼob le zabulonitaʼoboʼ, tuláakal le xiiboʼob tsʼíibtaʼab u kʼaabaʼoboʼ tu chukaj 60,500.+
28 U hijoʼob José,+ según u familiaʼobeʼ, letiʼe jeʼeloʼobaʼ: Manasés yéetel Efraín.+
29 U hijoʼob Manaséseʼ+ letiʼe jeʼeloʼobaʼ: tiʼ Makireʼ+ tiʼ u taal u familia le makiritaʼoboʼ. Makireʼ u papá Galaad.+ Tiʼ Galaadeʼ tiʼ u taal u familia le galaaditaʼoboʼ.
30 U hijoʼob Galaadeʼ letiʼe jeʼeloʼobaʼ: tiʼ Yézereʼ tiʼ u taal u familia le yezeritaʼoboʼ, tiʼ Élekeʼ tiʼ u taal u familia le elekitaʼoboʼ,
31 tiʼ Asrieleʼ tiʼ u taal u familia le asrielitaʼoboʼ, tiʼ Sikemeʼ tiʼ u taal u familia le sikemitaʼoboʼ,
32 tiʼ Semidáeʼ tiʼ u taal u familia le semidaítaʼoboʼ, tiʼ Éefereʼ tiʼ u taal u familia le éeferitaʼoboʼ.
33 Chéen baʼaleʼ Zelofead u hijo Éefereʼ maʼ yanchaj u hijoʼobiʼ, chéen hijaʼob yanchajtiʼ,+ u kʼaabaʼ u hijaʼobeʼ letiʼe jeʼeloʼobaʼ:+ Malá, Noá, Oglá, Milká yéetel Tirzá.
34 Leloʼobaʼ letiʼe u familiaʼob Manasésoʼ, tuláakal le xiiboʼob tsʼíibtaʼab u kʼaabaʼoboʼ tu chukaj 52,700.+
35 U hijoʼob Efraín,+ según u familiaʼobeʼ, letiʼe jeʼeloʼobaʼ: tiʼ Sutelaeʼ+ tiʼ u taal u familia le sutelaítaʼoboʼ, tiʼ Békereʼ tiʼ u taal u familia le bekeritaʼoboʼ, tiʼ Taaneʼ tiʼ u taal u familia le taanitaʼoboʼ.
36 U hijoʼob Sutelaeʼ letiʼe jeʼeloʼobaʼ: tiʼ Eráneʼ tiʼ u taal u familia le eranitaʼoboʼ.
37 Leloʼobaʼ letiʼe u familiaʼob u hijoʼob Efraínoʼ, tuláakal le xiiboʼob tsʼíibtaʼab u kʼaabaʼoboʼ tu chukaj 32,500.+ Leloʼobaʼ letiʼe u hijoʼob José xoʼokoʼob según u familiaʼoboʼ.
38 U hijoʼob Benjamín,+ según u familiaʼobeʼ, letiʼe jeʼeloʼobaʼ: tiʼ Belaeʼ+ tiʼ u taal u familia le belaítaʼoboʼ, tiʼ Asbeleʼ tiʼ u taal u familia le asbelitaʼoboʼ, tiʼ Airameʼ tiʼ u taal u familia le airamitaʼoboʼ,
39 tiʼ Sefufameʼ tiʼ u taal u familia le sufamitaʼoboʼ, tiʼ Ufameʼ tiʼ u taal u familia le ufamitaʼoboʼ.
40 U hijoʼob Belaeʼ letiʼe jeʼeloʼobaʼ: Ard yéetel Naamán.+ Tiʼ Ardeʼ tiʼ u taal u familia le arditaʼoboʼ, tiʼ Naamáneʼ tiʼ u taal u familia le naamitaʼoboʼ.
41 Leloʼobaʼ letiʼe u hijoʼob Benjamín xoʼokoʼob según u familiaʼoboʼ, tuláakal le xiiboʼob tsʼíibtaʼab u kʼaabaʼoboʼ tu chukaj 45,600.+
42 U hijoʼob Dan,+ según u familiaʼobeʼ, letiʼe jeʼeloʼobaʼ: tiʼ Suameʼ tiʼ u taal u familia le suamitaʼoboʼ. Leloʼobaʼ letiʼe u familiaʼob Danoʼ.
43 Leloʼobaʼ letiʼe u familiaʼob le suamitaʼoboʼ, tuláakal le xiiboʼob tsʼíibtaʼab u kʼaabaʼoboʼ tu chukaj 64,400.+
44 U hijoʼob Aser,+ según u familiaʼobeʼ, letiʼe jeʼeloʼobaʼ: tiʼ Imnajeʼ tiʼ u taal u familia le imnitaʼoboʼ, tiʼ Isvíeʼ tiʼ u taal u familia le isvitaʼoboʼ, tiʼ Beríaseʼ tiʼ u taal u familia le beritaʼoboʼ.
45 U hijoʼob Beríaseʼ letiʼe jeʼeloʼobaʼ: tiʼ Éebereʼ tiʼ u taal u familia le eeberitaʼoboʼ, tiʼ Malkieleʼ tiʼ u taal u familia le malkielitaʼoboʼ.
46 U kʼaabaʼ u hija Asereʼ Séra.
47 Leloʼobaʼ letiʼe u familiaʼob u hijoʼob Aseroʼ, tuláakal le xiiboʼob tsʼíibtaʼab u kʼaabaʼoboʼ tu chukaj 53,400.+
48 U hijoʼob Neftalí,+ según u familiaʼobeʼ, letiʼe jeʼeloʼobaʼ: tiʼ Jazeeleʼ tiʼ u taal u familia le jazeelitaʼoboʼ, tiʼ Guníeʼ tiʼ u taal u familia le gunitaʼoboʼ,
49 tiʼ Jézereʼ tiʼ u taal u familia le jezeritaʼoboʼ, tiʼ Silemeʼ tiʼ u taal u familia le silemitaʼoboʼ.
50 Leloʼobaʼ letiʼe u familiaʼob Neftalíoʼ, tuláakal le xiiboʼob tsʼíibtaʼab u kʼaabaʼoboʼ tu chukaj 45,400.+
51 Tuláakal le xiiboʼob tiʼ u kaajil Israel tsʼíibtaʼab u kʼaabaʼoboʼ tu chukaj 601,730.+
52 Le ka tsʼoʼok leloʼ Jéeobaeʼ tu yaʼalaj tiʼ Moisés:
53 «Ichil tuláakal leloʼobaʼ unaj u tʼoʼoxol le luʼum bey herencia según bix yanil u kʼaabaʼob teʼ listaoʼ.*+
54 Utiaʼal le grupoʼob maas nuuktakoʼ kʼaʼabéet a tsʼáaiktiʼob maas yaʼab u herenciaʼob, yéetel utiaʼal le grupoʼob maas chichantakoʼ kʼaʼabéet a tsʼáaiktiʼob menosiʼ.+ Le herencia kun tsʼaabil tiʼ cada grupooʼ kʼaʼabéet u tsʼaʼabal según jaytúul le máaxoʼob tsʼíibtaʼan u kʼaabaʼoboʼ.
55 Chéen baʼaleʼ le luʼumoʼ kʼaʼabéet u yilaʼal bix kun tʼoxbil.+ Letiʼobeʼ yaan u kʼamkoʼob u herenciaʼob según u kʼaabaʼ u tribu u papáʼob.
56 Cada herenciaeʼ yaan u yilaʼal tiʼ máax kun tsʼaabil yéetel yaan u tʼoʼoxol ichil le grupoʼob maas nuuktakoʼoboʼ bey xan ichil le maas chichnoʼoboʼ».
57 Tiʼ le levitaʼoboʼ leloʼobaʼ letiʼe tsʼíibtaʼab u kʼaabaʼob+ según u familiaʼoboʼ: tiʼ Guersóneʼ tiʼ u taal u familia le guersonitaʼoboʼ, tiʼ Koateʼ+ tiʼ u taal u familia le koatitaʼoboʼ, tiʼ Meraríeʼ tiʼ u taal u familia le meraritaʼoboʼ.
58 Leloʼobaʼ letiʼe u familiaʼob le levitaʼoboʼ: u familia le libnitaʼoboʼ,+ u familia le hebronitaʼoboʼ,+ u familia le malitaʼoboʼ,+ u familia le musitaʼoboʼ+ yéetel u familia le coreítaʼoboʼ.+
Koateʼ u papá Amram.+
59 U kʼaabaʼ u yatan Amrameʼ Jokébed,+ letiʼeʼ u hija Leví. Jokébedeʼ síij le tiaʼan kaʼach Leví tu luʼumil Egiptooʼ. Jokébedeʼ yanchaj u paalal yéetel Amram, u kʼaabaʼobeʼ Aarón, Moisés yéetel Míriam.+
60 Aarón túuneʼ yanchaj u hijoʼob, u kʼaabaʼobeʼ Nadab, Abiú, Eleazar yéetel Itamar.+
61 Chéen baʼaleʼ Nadab yéetel Abiúeʼ kíimoʼob tumen maʼ maʼalob yaniloʼob ka tu tóokoʼob incienso tu táan Jéeobaiʼ.+
62 Tuláakal le xiiboʼob tsʼíibtaʼab u kʼaabaʼoboʼ tu chukaj 23,000. Tsʼíibtaʼab u kʼaabaʼ tuláakal le yaantiʼob desde junpʼéel mes wa maasoʼ.+ Letiʼobeʼ maʼ xoʼokoʼob ichil le israelitaʼoboʼ,+ tumen maʼ tsʼaʼab u herenciaʼob ichil le israelitaʼoboʼ.+
63 Le jeʼeloʼobaʼ letiʼe tsʼíibtaʼab u kʼaabaʼob tumen Moisés yéetel Eleazar le sacerdote, le tiaʼanoʼob teʼ tu desiertoil Moaboʼ, naatsʼ tiʼ le Jordánoʼ yéetel aktáan tiʼ Jericó.
64 Chéen baʼaleʼ ichiloʼobeʼ minaʼan mix juntúul tiʼ le máaxoʼob yáax tsʼíibtaʼab u kʼaabaʼob tumen Moisés yéetel Aarón le sacerdote le ka tu beetoʼob le censo teʼ tu desiertoil Sinaíoʼ.+
65 Tumen Jéeobaeʼ tu yaʼalaj tu yoʼolaloʼob: «Letiʼobeʼ jach tu jaajil yaan u kíimloʼob teʼ desiertooʼ».+ Le oʼolaleʼ tuláakloʼob kíimoʼob, chéen Caleb u hijo Jefuné yéetel Josué u hijo Nun maʼ kíimoʼobiʼ.+
Notas
^ Ich hebreoeʼ ku yaʼalaʼal kaʼach «jeʼepaj u chiʼ».
^ Wa «según jaytúul le máaxoʼob tsʼíibtaʼan u kʼaabaʼob teʼ listaoʼ».
