Zacarías 13:1-9
13 Teʼ kʼiin jeʼeloʼ yaan u páanaʼal junpʼéel chʼeʼen utiaʼal u familia David yéetel utiaʼal u kajnáaliloʼob Jerusalén, lelaʼ yaan u meyaj utiaʼal u pʼoʼobloʼob tiʼ u kʼebanoʼob yéetel tiʼ le baʼaloʼob kʼaastak u beetmoʼoboʼ».+
2 Jéeoba, le máax gobernartik le ángeloʼoboʼ, ku yaʼalik: «Teʼ kʼiin jeʼeloʼ yaan in luʼsik tuláakal le imagenoʼob yanoʼob tiʼ tuláakal le luʼumaʼ+ yéetel maʼ kun kaʼa kʼaʼajsbiloʼob. Yaan in luʼsik le maʼ jaajil profetaʼob teʼ luʼumoʼ,+ yéetel mix máak ken u tsʼíibolt u beetik baʼaloʼob kʼaastak.
3 Wa juntúul máak ku kaʼa profetizartik junpʼéel baʼal maʼ jaajeʼ, u papá yéetel u maama, le máaxoʼob beet u síijiloʼ, yaan u yaʼalikoʼobtiʼ: ‹Techeʼ yaan a kíimil, tumen tsʼoʼok a waʼalik baʼaloʼob maʼ jaajtak tu kʼaabaʼ Jéeobaiʼ›. U papá yéetel u maama le máak túunoʼ yaan u táatsʼlomtikoʼob tumen tu profetizartaj junpʼéel baʼal maʼ jaajiʼ.+
4 Teʼ kʼiinoʼob jeʼeloʼ cada juntúul tiʼ le profetaʼoboʼ yaan u suʼlaktaloʼob yoʼolal le baʼaloʼob maʼ jaajtak ku profetizarkoʼoboʼ, tsʼoʼoleʼ le kéen tuusnakoʼobeʼ maʼ ken u búukintoʼob le nookʼ beetaʼan yéetel u tsoʼotsel baʼalcheʼoʼ.+
5 Cada juntúul tiʼ le profetaʼob túunoʼ yaan u yaʼalikoʼob: ‹Teneʼ maʼ profetaeniʼ chéen juntúul j-kolnáalen.* Teneʼ desde tin paalil ka maʼanen bey esclavoeʼ›.
6 Wa yaan máax kʼáatik tiʼ juntúul tiʼ letiʼob: ‹¿Tuʼux beetaʼabtech le heridaʼob yaan ta hombrooʼ?›, letiʼ túuneʼ yaan u núukik: ‹Tu yotoch in amigoʼob* beetaʼabten›».
7 Jéeoba, le máax gobernartik le ángeloʼoboʼ, ku yaʼalik: «Espada, aajkech, xeen tu contra le in j-kanan tamanoʼ,+aajkech tu contra le máax in amigooʼ.
Beet loob tiʼ le j-kanan tamanoʼ+ yéetel chaʼa u kʼiʼitpajal le tamanoʼoboʼ.+
Teneʼ yaan in líiʼsik in kʼab tu contra le máaxoʼob mix baʼal u biilaloʼoboʼ».
8 Jéeobaeʼ ku yaʼalik: «Tiʼ tuláakal le luʼumoʼtiʼ cada óoxtúul máakeʼ kaʼatúul kun kíimsbiliʼ,yéetel juntúul kun pʼáatal kuxaʼanil teʼ luʼumoʼ.
9 Jeʼel bix u máansaʼal ich kʼáakʼ le oro+ yéetel le plata utiaʼal u finokíintaʼaloʼ,teen xaneʼ yaan in tsʼáaik a pruebail le máaxoʼob pʼáatoʼob kuxaʼaniloʼyéetel yaan in pʼatkoʼob limpioil.
Letiʼobeʼ yaan u oraroʼob tin kʼaabaʼ,teen túuneʼ yaan in núukiktiʼob.
Teneʼ yaan in waʼalik: ‹Letiʼobeʼ in kaajal›,+letiʼob túuneʼ yaan u yaʼalikoʼob: ‹Jéeobaeʼ letiʼ k-Dios›».
Notas
^ Ich hebreoeʼ ku yaʼalaʼal kaʼach «juntúul máax ku meyajtik le luʼumoʼ».
^ Wa «Tu yotoch máaxoʼob yaabiltmilen».
