Ezequiel 41:1-26
41 Le ka tsʼoʼokeʼ letiʼeʼ tu yoksen teʼ Cuarto Santo yaan teʼ templooʼ. Letiʼeʼ tu pʼisaj le columnaʼob yaan tu yookbaloʼ. U kóochil junpʼéel columnaeʼ seis codos* yéetel le yaan tuláakʼ tséeloʼ seis codos.
2 U yookbaleʼ diez codos u kóochil. Tiʼ juntséeleʼ yaan junpʼéel pakʼ de cinco codos yéetel tuláakʼ tséeleʼ yaan uláakʼ pakʼ de cinco codos. Letiʼeʼ tu pʼisaj le Cuarto Santooʼ, u chowakileʼ 40 codos, yéetel u kóochileʼ 20 codos.
3 Le ka tsʼoʼokeʼ ook tuláakʼ cuartoeʼ* ka tu pʼisaj le columna yaan tu yookbaloʼ, u kóochileʼ kaʼapʼéel codo. U yookbal le cuartooʼ seis codos u kóochil. Le pakʼoʼob yaan tu tséelikoʼ ku pʼisik siete codos.
4 Le ka tsʼoʼokeʼ tu pʼisaj le cuarto yaan aktáan tiʼ le Cuarto Santooʼ, u chowakil le cuartooʼ 20 codos yéetel u kóochileʼ 20 codos.+ Letiʼeʼ tu yaʼalajten: «Lelaʼ letiʼe Cuarto Maas Jach Santooʼ».+
5 Le ka tsʼoʼokeʼ tu pʼisaj u pakʼil le templooʼ, u piimileʼ seis codos. Le cuartoʼob yanoʼob tu baʼpach le templooʼ cuatro codos u kóochiloʼob.+
6 Le cuartoʼob yanoʼob tu baʼpachoʼ óoxpʼéel piso yaantiʼob, junpʼéel cuartoeʼ tiaʼan tu yóokʼol uláakʼ cuartoeʼ, tiʼ cada pisoeʼ 30 u pʼéelal cuartoʼob yaniʼ. Tiʼ u pakʼiloʼob le templooʼ yaan junpʼéel baʼal ku tíipʼil utiaʼal u yetsʼtal u vigasil le cuartoʼoboʼ. Bey túunoʼ le vigasoʼ maʼ tsʼoopol tu pakʼil le templooʼ.+
7 Tu kaʼatséelil le templooʼ yaan kaʼach junpʼéel escalera de caracol, lelaʼ ku bin u kóochtal le táan u naʼakal teʼ cuartoʼob yanoʼob maas kaʼanaloʼ.+ Le kéen naʼakak máak teʼ kaʼapʼéel pisooʼ le cuartoʼoboʼ maas nuuktak tiʼ le yanoʼob teʼ yáax pisooʼ yéetel le cuartoʼob yanoʼob teʼ óoxpʼéel pisooʼ maas nuuktak tiʼ le yanoʼob teʼ kaʼapʼéel pisooʼ.
8 Tin wileʼ le templooʼ tiaʼan kaʼach tu yóokʼol junpʼéel kaʼanal plataformaeʼ, le plataformaaʼ ku tíipʼil tu baʼpach le templooʼ. U medidail u cimientoiloʼob le cuartoʼob yanoʼob tu baʼpach le templooʼ junpʼéel cheʼ de seis codos desde luʼum tak kaʼanal.
9 Le pakʼ baʼpachtik le cuartoʼob yanoʼob tu baʼpach le templooʼ de cinco codos. Tu baʼpach le cuartoʼobaʼ yaan xan junpʼéel chan espacioiʼ.*
10 Entre le templo yéetel le lugaroʼob tuʼux ku yúuchul janaloʼ+ yaan junpʼéel espacio de 20 codos u kóochil, lelaʼ bey yanil tu kaʼatséelil le templooʼ.
11 Tu tojil xamaneʼ yaan kaʼach junpʼéel entrada entre le chan espacio yéetel le cuartoʼob yanoʼob tu tséelil le templooʼ, yéetel tu tojil noojoleʼ yaan xan kaʼach junpʼéel entradaiʼ. Le chan espacio yaan tu baʼpach le templooʼ cinco codos u kóochil.
12 Le nojoch naj yaan chikʼin ku paakat tu tojil le espacio yaan paachil tiʼ le templooʼ 70 codos u kóochil yéetel 90 codos u chowakil. Le pakʼ baʼpachtmil le nojoch najoʼ cinco codos u piimil.
13 Letiʼeʼ tu pʼisaj le templooʼ, 100 codos u chowakil. Le espacio, le nojoch naj yéetel u pakʼiloʼ 100 codos u chowakil.
14 U fachadail le templo yaan tu tojil lakʼin paʼteʼ yéetel le espacio yaan tu kaʼatséeliloʼ 100 codos u kóochil.
15 Letiʼeʼ tu pʼisaj u chowakil le nojoch naj yaan aktáan tiʼ le espacio yaan paachil tiʼ le templooʼ bey xan le pasilloʼob yaan tu kaʼatséeliloʼ, u kóochileʼ 100 codos.
Tu pʼisaj xan le Cuarto Santooʼ, le Cuarto Maas Jach Santooʼ+ bey xan le pórticoʼob ku paakatoʼob táankaboʼ.
16 Letiʼeʼ tu pʼisaj xan le marcoʼoboʼ, le ventanas ku bin u nuʼutʼtal u jooliloʼoboʼ+ bey xan le pasilloʼob yanoʼob teʼ óoxpʼéel lugaroʼoboʼ. Naatsʼ tiʼ le marcooʼ yaan kaʼach tablas+ ku káajaloʼob desde teʼ piso yéetel ku kʼuchloʼob tak teʼ ventanasoʼ, le ventanasoʼ piixiloʼob.
17 Tu pʼisaj u kaʼanlil le entradaoʼ, tu pʼisaj ichil le templooʼ bey xan paachil, tsʼoʼoleʼ tu pʼisaj tuláakal le pakʼ yaan tu baʼpachoʼ.
18 Teʼ templooʼ póolaʼan kaʼach querubínoʼob+ bey xan palmeraʼobiʼ,+ cada palmeraeʼ tiaʼan kaʼach chúumuk tiʼ kaʼatúul querubínoʼobeʼ, yéetel cada querubíneʼ yaan kaʼapʼéel u táan u yich.
19 Junpʼéel u táan u yicheʼ de wíinik, lelaʼ ku paakat tu tojil le palmera yaan tu tséeloʼ, yéetel le u yich de leónoʼ ku paakat tu tojil le palmera yaan tuláakʼ tséeloʼ.+ Bey úuchik u póolaʼaloʼob tiʼ tuláakal le templooʼ.
20 Tu pakʼil le templooʼ póolaʼan querubínoʼob yéetel palmeraʼobiʼ, bey beetaʼanil desde teʼ pisooʼ tak tu kaʼanlil le entradaoʼ.
21 Le columnaʼob yaan tu yookbal* le templooʼ cuadradoʼob.+ Aktáan tiʼ le lugar santooʼ* yaan junpʼéel baʼal bey
22 junpʼéel altar de cheʼeʼ,+ óoxpʼéel codo u kaʼanlil yéetel kaʼapʼéel codo u chowakil, kantiʼits yaan kaʼach tiʼ, u baseil yéetel u tséelikoʼobeʼ de cheʼ. Letiʼ túuneʼ tu yaʼalajten: «Lelaʼ letiʼe mesa yaan tu táan Jéeobaaʼ».+
23 Le Cuarto Santo bey xan le Cuarto Maas Jach Santooʼ kaʼapʼéel hoja u joonajiloʼob.+
24 Le kaʼapʼéel hojaʼob yaan teʼ joonajoʼoboʼ ku wúutsʼloʼob, cada joonajeʼ kaʼapʼéel u hojail.
25 Póolaʼan kaʼach querubínoʼob yéetel palmeraʼob tu joonajiloʼob le templooʼ jeʼex le póolaʼanoʼob teʼ pakʼoʼoboʼ.+ Yaan xan kaʼach junpʼéel volado de cheʼ tu fachadail u pórticoil le templooʼ.
26 Yaan xan kaʼach ventanas ku bin u nuʼutʼtal u jooliloʼob+ yéetel u figura palmeraʼob tu kaʼatséelil le pórticooʼ, tu chowakil le cuartoʼob yanoʼob tu tséelil le templooʼ bey xan tu chowakil le voladoʼoboʼ.
Notas
^ Teʼelaʼ táan u tʼaan tiʼ codo largo.
^ Lelaʼ u kʼáat u yaʼaleʼ ook teʼ Cuarto Maas Jach Santooʼ.
^ Lelaʼ maʼ xaaneʼ junpʼéel nuʼutʼ pasillo yaan tu baʼpach le templooʼ.
^ Maʼ xaaneʼ táan u tʼaan tiʼ u yookbal le Cuarto Santooʼ.
^ Maʼ xaaneʼ táan u tʼaan tiʼ le Cuarto Maas Jach Santooʼ.
