Job 11:1-20
11 Zofar+ le naamatita túunoʼ tu yaʼalaj:
2 «A tuklikeʼ, ¿mix baʼal wa kun núukbiltech yoʼolal le baʼaxoʼob ka waʼalikoʼ?
¿Yaan wa u yaʼalaʼal yaan razón tiʼ máak chéen ikil u sen tʼaan?
3 Le baʼaxoʼob minaʼan u biilal ka waʼalikoʼ, ¿jeʼel wa u beetik u makik u chiʼ máakeʼ?
¿Mix máak wa kun kʼeykech yoʼolal le baʼaxoʼob ka waʼalik utiaʼal a burlartik máakoʼ?+
4 Techeʼ ka waʼalik: ‹Jach maʼalob baʼax kin waʼalik,+yéetel mix baʼal kʼaas in beetmaj tu táan Dios›.+
5 Pero ¿baʼax jeʼel u yaʼalik Dios wa ka tʼaanakyéetel ka u núuktech le baʼax ka waʼalikoʼ?+
6 Letiʼeʼ yaan u yeʼesiktech bix jeʼel u yantal naʼat tiʼ máakeʼ,tumen yaʼab baʼax jeʼel u páajtal u kanik máak tiʼ le u jaajil naʼatiloʼ.
Yaan a wilkeʼ yaʼab tiʼ le baʼaxoʼob kʼaastak a beetmoʼ tsʼoʼok u tuʼubsaʼal tumen Dios.
7 ¿Jeʼel wa u páajtal a wojéeltik tak tuʼux ku náakal u naʼat Dioseʼ?
¿Jeʼel wa u páajtal a wojéeltik tuláakal baʼal yoʼolal le Máax jach táaj yaan u poderoʼ?
8 ¿Baʼax jeʼel a beetik wa u naʼateʼ maas kaʼanal yanil ke le kaʼanoʼ?
¿Jeʼel wa u páajtal a wilik u naʼat wa maas taam yanil ke le Muknaloʼ?*
9 U naʼateʼ maas nojoch ke le luʼumoʼ,yéetel maas kóoch ke le kʼáaʼnáaboʼ.
10 Wa ka u mach Dios juntúul máakutiaʼal u bisik tu táan juezeʼ, ¿máax jeʼel u beetik frente tiʼeʼ?
11 Letiʼeʼ u yojel wa chéen táan u tuus máak.
Wa ku yilik yaan baʼax kʼaas ku beetaʼaleʼ, ¿mix baʼal wa ken u beete?
12 Le kʼiin ken síijik juntúul máak tiʼ juntúul burroeʼ,*letiʼe kʼiin ken anak u naʼat le máax minaʼan u naʼatoʼ.
13 Jeʼekʼabt a puksiʼikʼal tiʼ Diosyéetel tichʼ a kʼab utiaʼal a orar tiʼ letiʼ.
14 Wa a kʼab táan u beetik baʼax kʼaaseʼ, náachkuntaba tiʼ.
Maʼ a chaʼik u seguer u beetaʼal baʼax kʼaas ta wotoch.
15 Beyoʼ maʼ kan suʼlaktal a líiʼs a wich.
Yaan a pʼáatal waʼatal, mix baʼal kun beetik a sajaktal.
16 Yaan a tuʼubsik le baʼax ka muʼyajtikoʼ,yaan a kʼaʼajsik chéen bey jaʼ tsʼoʼok u kʼáatmáaneʼ.
17 U kʼiiniloʼob a kuxtaleʼ yaan u maas sáasiltal ke u sáasilil chúumuk kʼiin,kex bey ich éeʼjochʼeʼen yanecheʼ yaan a wilik bey de kʼiineʼ.
18 Maʼ kan sajaktal tumen a wojel yaan baʼax maʼalob ku taal u kʼiin,yéetel kéen a wil tuláakal baʼax yaantecheʼ kiʼ kan wenel.
19 Le kéen chilakecheʼ mix máak kun beetik a sajaktal,yaʼab máaxoʼob kun kaxtikech utiaʼal a weʼesik a wutsil tiʼob.
20 Pero le kʼasaʼan máakoʼoboʼ yaan u bin u sáasilil u yichoʼobyéetel maʼ ken u kaxt tuʼux u púutsʼloʼob.
Chéen yaan u páaʼtik u kíimloʼob».+
Notas
^ Ilawil página 2572.
^ Wa «burro salvaje». Lelaʼ junpʼéel clase burro maʼ suukbesaʼaniʼ yéetel chéen tiʼ kʼáax wa tiʼ desierto ku máan.
