Job 20:1-29
20 Zofar+ le naamatita túunoʼ tu yaʼalaj:
2 «Tu yoʼolal baʼaxoʼob tsʼoʼok a sen aʼalikteneʼkin wuʼuyik kʼaʼabéet in tʼaan.
3 Tsʼoʼok a pochʼken yéetel baʼaxoʼob ka waʼalik.
Teneʼ yaan in núukiktech yéetel baʼaxoʼob in wojel.
4 Jach in waʼalikeʼ a wojel le baʼax ken in waʼaltechaʼ,tumen bey u yúuchul desde ka tsʼaʼab wíinik way luʼumeʼ.+
5 Le kiʼimak óolal ku yantal tiʼ le kʼasaʼan máakoʼ jach maʼatech u xáantal,le kʼasaʼan máakoʼ chéen junsúutuk kiʼimak u yóol.+
6 Kex ku taaskuba nojbaʼalilyéetel hasta bey ku náakal u pool teʼ múuyal le kéen u satsʼ u kaaloʼ,
7 bíin tsʼoʼokok jeʼex u tsʼoʼokol basuraeʼ.
Le máaxoʼob kʼaj óoltmiloʼ yaan u yaʼalikoʼob: ‹¿Tuʼux tsʼoʼoki?›.
8 Séeb kun tuʼubsbil jeʼex u tuʼubsaʼal junpʼéel wayakʼeʼ,* yéetel maʼ kun kaʼa ilbil,yaan u tuʼubsaʼal jeʼex junpʼéel baʼal ku wayakʼtaʼal de áakʼabeʼ.
9 Maʼ kun kaʼa ilbil tumen le máaxoʼob ilik kaʼachoʼ,maʼ kun kaʼa antal teʼ tuʼux suuk u yantaloʼ.+
10 U paalaloʼobeʼ yaan u kaxtikoʼob u lúubloʼob utsil tiʼ le óotsiloʼoboʼ,letiʼeʼ yaan u sutik tuláakal le baʼaxoʼob u chʼaʼamaj tiʼ u maasiloʼ.+
11 U baakeloʼobeʼ láayliʼ maʼalobtak jeʼex tu táankelmileʼ,kex beyoʼ yaan u bin tu tsʼuʼ le luʼumoʼ.
12 Utiaʼal letiʼeʼ bey junpʼéel baʼal chʼujuk u beetik baʼax kʼaaseʼhasta ku taʼakik yáanal u yaakʼ,
13 ku máansik ichil u chiʼ utiaʼal u disfrutartik,maʼ tu jáan lukʼik,
14 chéen baʼaleʼ suʼutsʼ le kéen kʼuchuk ichil u nakʼ,yaan u pʼáatal bey u veneno kaaneʼ.*
15 Tuláakal le ayikʼalil u lukʼmoʼ yaan u xéeik,Dios kun beetik u láaj jóoʼsik le baʼax yaan ichil u nakʼoʼ.
16 U veneno juntúul kaan* ken u yukʼe,u chiʼibal juntúul kaan kun kíimsik.
17 Mix bikʼin ken u disfrutart le leche yéetel le kaabku tuul jeʼex u tuul jaʼoʼ.
18 Tuláakal le baʼaxoʼob yaantiʼoʼ maʼ kun pʼáataltiʼ, yaan u láaj sutik,maʼ ken u disfrutart le ayikʼalil yanchajtiʼoʼ.+
19 Tumen tsʼoʼok u pechʼik yéetel u xúumpʼattik le óotsiloʼoboʼ,tsʼoʼok u chʼaʼik junpʼéel naj maʼ letiʼ beetmiliʼ.
20 Yaan u yuʼubik minaʼan jeetsʼelil tiʼ.
Maʼ kun áantbil púutsʼul tumen le baʼaxoʼob yaantiʼoʼ.
21 Mix baʼal pʼaatal utiaʼal u chʼaʼe.
Séeb kun pʼáatal mix baʼal yaantiʼ.
22 Le kéen sen ayikʼalchajkeʼ yaan u sen chiʼichnaktal,tuláakal baʼal kʼaas kun taal tu yóokʼol.
23 Mientras táan u janaleʼ yaan u pʼuʼujul Dios tu contra,bey kʼáaxal ken u beet u pʼujaʼanil Dios tu yóokʼoleʼ,yaan tak u bin ichil u nakʼ.
24 Le táan u púutsʼul tiʼ le espadaoʼ,u flechailoʼob junpʼéel arco de cobre kun tsʼóopol tiʼ.
25 Ku jíitsʼtik junpʼéel flecha tsʼoopol tu puʼuch,*táatsʼmáansaʼan u táamnel* tumen junpʼéel flecha ku léetsʼbal.
Le oʼolal ku joʼopʼol u kikilankil.+
26 Yaan u perdertik tuláakal baʼax yaantiʼ.
Letiʼeʼ yaan u tóokaʼal tumen junpʼéel kʼáakʼ mix máak pikmil utiaʼal ka tʼaʼabak.
Le máaxoʼob yanoʼob tu yotoch maʼ kíimoʼoboʼ yaʼab baʼaloʼob kʼaastak kun taal tu yóokʼoloʼob.
27 Le kaʼanoʼ yaan u yeʼesik baʼax maʼ maʼalob u beetmiʼ.
Le luʼumoʼ yaan u líikʼil tu contra.
28 Tu kʼiinil u pʼuʼujul Dioseʼ yaan u búulul tuʼux kajaʼan,yaan u bisaʼal u yotoch tumen le jaʼoʼ.
29 Letiʼe baʼax u yaʼalmaj Dios kun úuchul tiʼ le kʼasaʼan máakoʼ,letiʼe baʼax u yaʼalmaj Dios u tsʼáaiktiʼoʼ».
Notas
^ Tuláakʼ tuʼuxeʼ ku yaʼalaʼal «náay».
^ Wa «cobra».
^ Wa «cobra».
^ Tuláakʼ tuʼuxeʼ ku yaʼalaʼal «paach».
^ Ich hebreoeʼ ku yaʼalaʼal kaʼach «u kʼaaj».
