Job 22:1-30
22 Elifaz+ le temanita túunoʼ tu yaʼalaj:
2 «Juntúul kʼeban máakeʼ mix baʼal u biilal tiʼ Dios,kex yaan u naʼat máakeʼ mix junpʼéel utsil jeʼel u taasik tiʼ Dioseʼ.+
3 Wa táan a beetik baʼax maʼalobeʼ, ¿ku interesar wa tiʼ le Máax jach táaj yaan u poderoʼ?
¿Yaan wa utsil ku jóoʼsik Dios ikil u chúukpajal a wóol a beet baʼax maʼalob?+
4 Wa ka respetarkeʼ, ¿jeʼel wa u castigarkechyéetel u biskech tu táan juezeʼ?
5 Chéen baʼaleʼ letiʼeʼ ku beetik tumen jach táaj kʼasaʼanechyéetel minaʼan u xookil le baʼaloʼob kʼaastak ka beetkoʼ.+
6 Kex minaʼan baʼax oʼolaleʼ ka chʼaʼik baʼax u tiaʼal a wéet máakil,ka tokik u nookʼ yéetel ka pʼatik x-maʼ nookʼil.+
7 Maʼ ta tsʼáaik mix junpʼíit jaʼ tiʼ le máax kaʼanaʼanoʼ,yéetel maʼ ta tsʼáaik baʼal u jaant le máax wiʼijoʼ.+
8 Le máaxoʼob yaantiʼob páajtaliloʼ letiʼob u yuumiloʼob le luʼumoʼ,+yéetel letiʼob kajaʼanoʼobiʼ.
9 Mix baʼal ka tsʼáaik kaʼach tiʼ le viudaʼob le kéen a túuxtoʼoboʼ,yéetel ka beetik a kʼasaʼanil tiʼ le paalaloʼob minaʼan u papáʼoboʼ.
10 Le oʼolaleʼ jeʼel tuʼuxak ka a sutabaeʼ yaan junpʼéel trampaiʼ,+le kéen téek úuchuk wa baʼax sajbeʼentsileʼ ka sajaktal.
11 Tiaʼanech ich éeʼjochʼeʼenileʼ, le oʼolal mix baʼal ku páajtal a wilik,yéetel bey táan a búulul ich taamkach jaʼeʼ.
12 ¿Maʼ wa tiaʼan Dios tu maas kaʼanlil le kaʼanoʼ?
Tsʼoʼoleʼ ilawil bukaʼaj kaʼanlil yaan tuláakal le estrellaʼoboʼ.
13 Techeʼ ka waʼalik: ‹U jaajileʼ Dioseʼ mix baʼal u yojel.
¿Jeʼel wa u páajtal u yilik baʼax ku beetik máak wa yaan box múuyaloʼobeʼ?
14 Mientras táan u xíimbal tu maas kaʼanlil le kaʼanoʼ,mix baʼal ku páajtal u yilik tumen pixaʼan u paakat tumen le múuyaloʼoboʼ›.
15 ¿Yaan wa a xíimbal teʼ úuchben bejtuʼux xíimbalnaj le kʼasaʼan máakoʼoboʼ?
16 Letiʼobeʼ kíimoʼob antes u kʼuchul u kʼiinil u kíimloʼob,*beyoʼob junpʼéel naj jaantaʼab u cimientoil tumen jaʼeʼ.*+
17 Tu yaʼaloʼob tiʼ u jaajil Dios: ‹¡Náachkuntaba tiʼ toʼon!›.
Tu yaʼaloʼob xan: ‹¿Baʼax jeʼel u páajtal u beetiktoʼon Dioseʼ?›.*
18 Kex beyoʼ Dioseʼ tu chupaj u yotochoʼob yéetel baʼaloʼob maʼalobtak.
(Teneʼ junpuliʼ maʼ tin tuukul jeʼex le kʼasaʼan máakoʼoboʼ).
19 Le kéen ilaʼak bix u tsʼoʼokoltiʼobeʼ, le máaxoʼob beetik baʼax maʼaloboʼ yaan u kiʼimaktal u yóoloʼob.
Le máax mix baʼal kʼaas u beetmoʼ yaan u cheʼejtik yéetel yaan u yaʼalik:
20 ‹Tsʼoʼok u xuʼulsaʼal le máaxoʼob pʼekmiloʼonoʼ,yaan u yelel tuláakal baʼax pʼaataltiʼob›.
21 Wa ka a kʼaj óolt Dioseʼ yaan u yantaltech jeetsʼelil,yéetel yaan u bintech utsil.
22 Kʼam baʼax ku yaʼalik,ilawil u pʼáatal ta puksiʼikʼal.+
23 Wa ka suut yiknal Dioseʼ* yaan u kaʼa bintech utsil.+
Wa ka wilik ka xuʼuluk u beetaʼal baʼax kʼaas ichil a wotoch,
24 wa ka píikchʼintik luʼum a oro,yéetel wa ka píikchʼintik u oroil Ofir*+ ichil le nukuch tuunichoʼoboʼ,
25 le Máax jach táaj yaan u poderoʼ yaan u suut bey oro a tiaʼaleʼ,yéetel yaan u pʼáatal bey maas maʼalob plata a tiaʼaleʼ.
26 Le oʼolaleʼ le baʼax kun kiʼimakkúuntik a wóoloʼ letiʼe a biskaba yéetel Diosoʼ,*yéetel le u páajtal a líiʼsik a wich tu táanoʼ.
27 Le kéen a kʼáat wa baʼax tiʼeʼ, yaan u yuʼubik.
Teech xaneʼ yaan a beetik le baʼax a waʼalmajtiʼoʼ.
28 Yaan u jóokʼol utsil tuláakal baʼax ka chʼaʼtuklik a beetik,yéetel yaan u sáasiltal le bej tuʼux ka máanoʼ.
29 Wa ka creerkabaeʼ yaan a mixbaʼalkúuntaʼal,tumen letiʼeʼ yaan u salvartik le máax maʼatech u creerkubaoʼ.*
30 Yaan u salvartik le máax mix baʼal kʼaas u beetmoʼ,le oʼolaleʼ wa mix baʼal kʼaas a beetmeʼ yaan a salvartaʼal».
Notas
^ Wa «xotʼaʼab u kʼiinil u kuxtaloʼob».
^ Ich hebreoeʼ ku yaʼalaʼal kaʼach «tumen junpʼéel ríoeʼ».
^ Wa «le Máax jach táaj yaan u poderoʼ».
^ Wa «le Máax jach táaj yaan u poderoʼ».
^ Junpʼéel lugar jach kʼaj óolaʼan tumen tiʼ ku jóoʼsaʼal kaʼach yaʼabkach maʼalob oroiʼ.
^ Wa «le Máax jach táaj yaan u poderoʼ».
^ Wa «juntúul máax ku chinik u pool».
