Job 28:1-28
28 Yaan tuʼux ku jóoʼsaʼal plata,yaan xan tuʼux ku jóoʼsaʼal le oro ku finokíintaʼaloʼ.+
2 Le fierrooʼ ku jóoʼsaʼal teʼ luʼumoʼ,le cobreoʼ ku jóoʼsaʼal teʼ tuunichoʼoboʼ.+
3 Máakeʼ ku beetik u sáasiltal tuʼux éeʼjochʼeʼen,ku kʼuchul tak tuʼux jach táaj éeʼjochʼeʼenutiaʼal u kaxtik metal koʼoj u tojol.
4 Ku páanik junpʼéel jool náach tiʼ le kaajoʼoboʼ,teʼ tuʼux maʼatech u máan máakoʼ, hasta bey tuʼubsaʼan le lugaroʼobaʼ,yaan jujuntúul máakoʼob ku yéemloʼob ichil, hasta ku yúumbaloʼob táan u yéemloʼob.
5 Tu yóokʼol le luʼumoʼ ku jóokʼol baʼal utiaʼal jaantbiliʼ,pero tu yáanaleʼ yaan baʼax ku woʼoltikubaiʼ.
6 Teʼ tuunichoʼoboʼ yaan zafiroiʼ,yéetel teʼ luʼumoʼ yaan oroiʼ.
7 Le águilaoʼ maʼ u yojel u bejiliʼ,mix le milano negro u yil tuʼux yanoʼ.
8 Mix juntúul tsʼíitsʼik baʼalcheʼ kʼuchkiʼ,le táankelem leónoʼ maʼ máankiʼ.
9 Máakeʼ ku paʼik le chichich tuunichoʼoboʼ,ku jenik le montañaʼob desde tu chuunoʼoboʼ.
10 Ku xotik le tuunichoʼob utiaʼal u beetik u beel le jaʼoʼ,+u yich túuneʼ ku yilik tuláakal le baʼaloʼob jatsʼutstakoʼ.
11 Ku kʼatik u beel le jaʼ ku máan yáanal luʼumoʼ,yéetel ku jóoʼsik yóoʼkabil le baʼax muukloʼ.
12 Pero le naʼatoʼ, ¿tuʼux jeʼel u kaxtaʼaleʼ?+
¿Tuʼux yaan u sayabil le naʼatoʼ?+
13 Mix máak u yojel bukaʼaj u tojol,+yéetel maʼ tu béeytal u kaxtaʼal way luʼumeʼ.
14 Le taamkach jaʼoʼ ku yaʼalik: ‹¡Minaʼan wayeʼ!›.
Le kʼáaʼnáab xanoʼ ku yaʼalik: ‹¡Minaʼan tin wiknal!›.+
15 Maʼ tu béeytal u maʼanal yéetel jach maʼalob oro,mix tu béeytal u kʼeʼexel yéetel yaʼabkach plata.+
16 Maʼ tu béeytal u maʼanal yéetel u oroil Ofir,*+mix yéetel ónice mix yéetel zafiro.
17 Maʼ tu béeytal u comparartaʼal yéetel oro mix yéetel vidrio,mix tu béeytal u kʼeʼexel yéetel junpʼéel vaso beetaʼan yéetel maʼalob oro.+
18 Le coral yéetel le cristaloʼ hasta mix tsaaj u yaʼalaʼaliʼ,+tumen junpʼéel bolsa chuup yéetel naʼateʼ maas koʼoj u tojol ke junpʼéel bolsa chuup yéetel perlaʼob.
19 Maʼ tu béeytal u comparartaʼal yéetel le topacio+ ku jóoʼsaʼal tu luʼumil Cusoʼ,maʼ tu béeytal u maʼanal mix yéetel maʼalob oro.
20 ¿Tuʼux túun u taal le naʼatoʼ?
¿Tuʼux yaan u sayabil le naʼatoʼ?+
21 Maʼ chíikaʼan u yilaʼal tumen mix baʼal kuxaʼaniʼ,+mix chíikaʼan u yilaʼal tumen le chʼíichʼoʼob ku máanoʼob kaʼanoʼ.
22 Le muknal* yéetel le kíimiloʼ ku yaʼalikoʼob:
‹Chéen k-uʼuymaj u yúuchul tʼaan tiʼ letiʼ›.
23 Pero Dioseʼ u yojel u bejil utiaʼal u kaxtaʼal,chéen letiʼ u yojel tuʼux yaan,+
24 tumen letiʼeʼ chíikaʼan u yilik tuláakal yóokʼol kaab,ku yilik tuláakal baʼax yaan yáanal kaʼan.+
25 Le ka tu tsʼáaj u muukʼ le iikʼoʼ,+le ka tu pʼisaj tuláakal le jaʼoʼ,+
26 le ka tu tsʼáaj junpʼéel ley tiʼ le jaʼ ku kʼáaxal+yéetel le ka tu tsʼáaj le bej unaj u bisik le box múuyal ku kíilbaloʼ,+
27 tu yilaj le naʼatoʼ ka tu tsolaj baʼaxiʼ,tu taasaj le naʼatoʼ yéetel tu tsʼáaj a pruebail.
28 Ka tsʼoʼokeʼ tu yaʼalaj tiʼ wíinik:
‹¡Uʼuyeʼex lelaʼ! Máax ku respetartik Jéeobaeʼ ku yeʼesik yaan u naʼat,+máax xan ku náachkuntkuba tiʼ baʼax kʼaaseʼ ku yeʼesik yaan u naʼat›».+
Notas
^ Junpʼéel lugar jach kʼaj óolaʼan tumen tiʼ ku jóoʼsaʼal kaʼach yaʼabkach maʼalob oroiʼ.
^ Wa «Le tuʼux ku kʼastal u wíinklil máakoʼ».
