Job 29:1-25
29 Job túuneʼ seguernaj u yaʼalik:
2 «Bukaʼaj maʼalobil ka suunak le tiempo paachiloʼ,teʼ kʼiinoʼob ku kanáantken kaʼach Diosoʼ,
3 teʼ kʼiinoʼob ku beetik kaʼach u juul u sáasil tin wóokʼoloʼ,teʼ kʼiinoʼob ku julik kaʼach in beel le táan in xíimbal ich éeʼjochʼeʼeniloʼ,+
4 teʼ kʼiinoʼob jach maʼalob yanilen kaʼachoʼ,teʼ kʼiinoʼob maʼalob in biskinba kaʼach yéetel Diosoʼ,+
5 teʼ kʼiinoʼob tiaʼan tin wiknal le Máax jach táaj yaan u poderoʼ,teʼ kʼiinoʼob baʼpachtaʼanen tumen in paalaloʼ,*
6 teʼ kʼiinoʼob kin pʼoʼik in wookoʼob yéetel maʼalob leche,teʼ kʼiinoʼob tuul ku beetik aceite tiʼ le tuunichoʼoboʼ.+
7 Le kéen jóokʼken kaʼach tu jool le kaaj+utiaʼal in kutal teʼ tuʼux suuk u muchʼtal le máakoʼoboʼ,+
8 le kéen u yilen le táankelmoʼoboʼ ku jutsʼkubaʼob utiaʼal in máan,le yaan u jaʼabiloʼoboʼ ku líikʼloʼob yéetel ku pʼáatloʼob waʼatalil.+
9 Le príncipeʼoboʼ ku pʼáatal maʼ tu tʼaanoʼob,ku pixik u chiʼob yéetel u kʼaboʼob.
10 U nuuktakil le kaajoʼ ku xuʼulul u tʼaanoʼob,bey taakʼal u yaakʼoʼob tu náaʼkaʼanoʼobeʼ.
11 Jeʼel máaxak ku yuʼubik baʼax kin waʼalikeʼ ku tʼaan maʼalob tin woʼolal,le máaxoʼob ku yilkenoʼoboʼ ku tʼaanoʼob xan tin favor.
12 Tumen kin wáantik kaʼach le máaxoʼob óotsiloʼoboʼ,+le paalaloʼob minaʼan u papáʼoboʼ bey xan jeʼel máaxak minaʼan máax áantkeʼ.+
13 Le máaxoʼob tiaʼanoʼob kaʼach tu chiʼ kíimiloʼ ku bendecirkenoʼob.+
Ku kiʼimaktal xan u yóol le viudaʼob ikil in wáantkoʼoboʼ.+
14 Mantatsʼ kin beetik kaʼach baʼax toj,*mantatsʼ kin beetik kaʼach baʼax maʼalob.*
15 Teen kaʼach u yich le máax chʼóopoʼ,teen kaʼach u yook le máax móochoʼ.
16 Beyen kaʼach u papá le máax óotsiloʼ.+
Kin wilik kaʼach ka beetaʼak justicia tak tiʼ le máaxoʼob maʼ in kʼaj óoloʼoboʼ.+
17 Kin kachik u kamaʼach* le kʼasaʼan máakoʼ+yéetel kin tokik tu chiʼ le baʼax u náachmoʼ.
18 Suuk kaʼach in waʼalik: ‹Tin wotoch kin kíimil,+u kʼiiniloʼob in kuxtaleʼ yaan u yaʼabtal jeʼex le arenaoʼ.
19 Jeʼex junkúul cheʼeʼ in mootsoʼobeʼ yaan u kʼuchul yiknal jaʼ,yéetel bul áakʼab kun antal pʼuuljaʼ tu yóokʼol in kʼaboʼob.
20 Cada kʼiin ku máaneʼ yaan in maas respetartaʼal,yéetel maʼ kun xuʼulul in chʼiin yéetel le arco yaan tin kʼaboʼ›.
21 Mientras táan in tʼaan kaʼacheʼ le máakoʼoboʼ maʼ tu tʼaanoʼob,tumen táan u páaʼtkoʼob baʼax ken in tsoltiʼob.+
22 Le kéen tsʼoʼokok in tʼaaneʼ mix baʼal ku yaʼalikoʼob,le baʼaxoʼob kin waʼalikoʼ suave u yokol tu xiknoʼob.
23 Ku páaʼtkenoʼob kaʼach jeʼex u páaʼtaʼal u kʼáaxal jaʼeʼ,beyoʼob kaʼach jeʼex le máaxoʼob jach ku tsʼíiboltkoʼob u káajal le jaʼajaʼaloʼ.+
24 Le kéen sam cheʼejnaken tu yéeteloʼobeʼ, hasta óoliʼ maʼ tu creerkoʼob,le kéen u yiloʼob táan in cheʼejeʼ ku kiʼimaktal u yóoloʼob.
25 Teen kaʼach u nojchil ichiloʼob,beyen juntúul rey ichil u soldadoʼobeʼ,+teen kaʼach líiʼsik u yóol le máaxoʼob ku muʼyajoʼoboʼ.+
Notas
^ Wa «le máaxoʼob ku meyajoʼob tin wiknaloʼ».
^ Ich hebreoeʼ ku yaʼalaʼal kaʼach «Le justiciaoʼ bey junpʼéel nookʼ kin takikeʼ».
^ Ich hebreoeʼ ku yaʼalaʼal kaʼach «in justiciaeʼ bey kaʼach junpʼéel nookʼ minaʼan u kʼabileʼ yéetel bey junpʼéel nookʼ ku bakʼik tu pool máakeʼ».
^ Tuláakʼ tuʼuxeʼ ku yaʼalaʼal «noʼoch».
