Oseas 12:1-14
12 «Efraíneʼ chéen iikʼ táan u jaantik.
Letiʼeʼ bul kʼiin táan u yáalkab tu paach le iikʼ ku taal desde lakʼinoʼ.*
Letiʼeʼ yaʼab u tuus yéetel chéen baʼaloʼob kʼaastak ku sen beetik.
Letiʼeʼ tsʼoʼok u chʼaʼik junpʼéel acuerdo yéetel Asiria,+ tsʼoʼoleʼ ku bisik aceite tiʼ Egipto.+
2 Jéeobaeʼ yaan u juzgartik Judá.+
Letiʼeʼ yaan u kʼáatik cuenta tiʼ Jacob yoʼolal le bix u kuxtaloʼ,yéetel yaan u boʼotiktiʼ tuláakal le baʼaxoʼob tsʼoʼok u beetkoʼ.+
3 Le tiaʼan tu jobnel u maamaeʼ letiʼeʼ tu machaj u tuunkuy u sukuʼun.+
Letiʼeʼ yéetel tuláakal u muukʼ mukʼulmuukʼnaj yéetel Dios.+
4 Letiʼeʼ seguernaj u mukʼulmuukʼ yéetel juntúul ángeleʼ ka ganarnaji.
Okʼolnaji yéetel tu sen kʼáat óoltaj ka eʼesaʼak utsil tiʼ».+
Letiʼeʼ kaxtaʼab tumen Dios teʼ Beteloʼ, teʼeloʼ Dioseʼ tʼaanaj t-éetel.+
5 Jéeobaeʼ, letiʼe Dios gobernartik le ángeloʼoboʼ,+yéetel le máakoʼoboʼ unaj u kʼaʼajskoʼobeʼ Jéeoba u kʼaabaʼ.+
6 «Le oʼolaleʼ suunen tu yiknal a Dios,+eʼes nojoch yaabilaj, beet baʼax toj+yéetel maʼ u xuʼulul a kʼubik a wóol tiʼ a Dios.
7 Chéen baʼaleʼ tiʼ le j-koonoloʼ ku meyaj balanzaʼob* maʼ maʼalob u pesaroʼobiʼ.
Letiʼeʼ uts tu tʼaan u yookol.+
8 Efraíneʼ maʼ tu xuʼulul u yaʼalik: ‹Teneʼ jach tu jaajil tsʼoʼok in ayikʼaltal.+
Tsʼoʼok u yantalten yaʼab koʼokoj baʼaloʼob.+
Tiʼ tuláakal baʼax tsʼoʼok in beetik utiaʼal u yantalten ayikʼalileʼ letiʼobeʼ maʼ kun páajtal u yeʼeskoʼob wa yaan baʼax kʼaas in beetmaj bey xan wa tsʼoʼok in kʼebantal›.
9 Desde teʼ kʼiinoʼob tiaʼaneʼex tu luʼumil Egiptoeʼ,+ teen Jéeobaeʼ, teen a Dioseʼex.
Teneʼ yaan in beetik a kaʼa kajtaleʼex tiʼ najoʼob de nookʼoʼob,jeʼex a beetkeʼex teʼ kʼiinoʼob aʼalaʼanteʼex ka a beeteʼexoʼ.*
10 Teen tʼan le profetaʼoboʼ,+teen tsʼáa u yiloʼob yaʼab baʼaloʼob,teen beet u yaʼalikoʼob kettʼaanoʼob.
11 Teʼ Galaadoʼ tsʼoʼok u yúuchul tuusiʼ,*+ tsʼoʼok u yaʼalaʼal baʼaloʼob maʼ jaajtakiʼ.
Teʼ Guilgaloʼ le máakoʼoboʼ tsʼoʼok u kíimskoʼob toroʼob utiaʼal u kʼuboʼob.+
U altaroʼobeʼ beyoʼob tuunichoʼob muchʼkíintaʼan teʼ surcoʼob tuʼux ku yúuchul paakʼaloʼ.+
12 Jacobeʼ yanchaj u púutsʼul tak tu luʼumil Aram.*+
Teʼeloʼ Israeleʼ+ yanchaj u meyaj utiaʼal ka tsʼaʼabak juntúul u yatan,+yanchaj u kanáantik tamanoʼob utiaʼal ka yanak u yatan.+
13 Jéeobaeʼ tu tsʼáaj juntúul profeta utiaʼal u jóoʼsik u kaajil Israel tu luʼumil Egipto,+letiʼeʼ tu tsʼáaj juntúul profeta utiaʼal u kanáantik Israel.+
14 Efraíneʼ jach kʼaas le bix tu ofendertil Diosoʼ.+
Yaan u kuchik u kʼebanil le máaxoʼob tu kíimsoʼ.
Dios kun boʼotik tiʼ Efraín le suʼtsilil tsʼoʼok u taasik tu yóokʼol Diosoʼ».+
Notas
^ Wa «este».
^ Lelaʼ junpʼéel nuʼukul ku meyaj kaʼach utiaʼal u pesartaʼal wa baʼax.
^ Uláakʼ bix u traducirtaʼaleʼ «jeʼex a beetkeʼex tu kʼiiniloʼob junpʼéel fiestaeʼ».
^ Wa «tsʼoʼok u beetaʼal magiaiʼ».
^ Wa «Siria».
