Salmos 80:1-19
Utiaʼal máax ku nuʼuktaj. Unaj u paʼaxal jeʼex le kʼaay ku kʼaabaʼtik «Lirioʼob». Utiaʼal u kʼaʼajsaʼal wa baʼax uchaʼan. Le kʼaayaʼ Asaf+ tsʼíibte.
80 Kexiʼ ka u chʼenxikinten le máax kanáantik Israeloʼ,le máax nuʼuktik u paalal José jeʼex u nuʼuktaʼal tamanoʼobeʼ.+
Kexiʼ ka juulnak le sáasil ku taal tiʼ le máax kulukbalteʼ trono maas kaʼanal yanil* tiʼ le querubínoʼoboʼ.+
2 In Dios, beet u yilaʼal a poder+tumen Efraín, Benjamín yéetel Manasés.
Koʼoten a salvartoʼon.+
3 In Dios, beet u kaʼa bintoʼon utsil.+
Eʼestoʼon a wutsil, salvartoʼoniʼ.+
4 Jéeoba,* ¿baʼax kʼiin u xuʼulul a rechazartik u oración a kaajal?+
5 Ka beetik u jaantik u jaʼil u yichoʼob,ka beetik u yukʼik u jaʼil u yichoʼob tak ken pʼáatak maʼ tu páajtal u maasil.
6 Techeʼ chéen táan a wilik u baʼateʼel le kaajoʼob utiaʼal u chʼaʼikoʼob le luʼum tuʼux yanoʼonoʼ.
K-enemigoʼobeʼ táan u burlarkubaʼob tiʼ toʼon jeʼex u kʼáatoʼobeʼ.+
7 In Dios,* beet u kaʼa bintoʼon utsil.
Eʼestoʼon a wutsil, salvartoʼoniʼ.+
8 Ta chʼaʼaj junkúul uva+ tu luʼumil Egipto,ka ta pakʼaj teʼ tuʼux ta jóoʼsaj le kaajoʼoboʼ.+
9 Ta limpiartaj tuʼux ta pakʼaj,tu tabuba* u mootseʼ ka tu chupaj tuláakal le luʼumoʼ.+
10 Tak le montañaʼob tu pixaj yéetel u boʼoyoʼ,tak le cedroʼob u pakʼmaj Dios tu pixaj yéetel u gajosoʼ.
11 U gajoseʼ kʼuch tak jáal kʼáaʼnáab,u kʼuʼukʼeʼ kʼuch tak tu jáal Río Éufrates.+
12 ¿Baʼaxten ta jenaj le koot yaan tu baʼpach le uvaoʼ?+
Beoraaʼ ku tʼoʼokol u yich tumen tuláakal le máaxoʼob ku máanoʼob teʼ bejoʼ.+
13 Ku kʼaskúuntaʼal tumen le kitamoʼoboʼ,ku jaantaʼal u yich tumen le baʼalcheʼob ku máanoʼob teʼ kʼáaxoʼ.+
14 In Dios,* suunen t-iknal.
Desde teʼ kaʼan tuʼux yanechoʼ, ¡ilawil baʼax ku yúuchul!
Kanáant a pakʼal uva,+
15 le uva ta pakʼaj yéetel a x-noʼoj kʼaboʼ,+yéetel ilawil le paal* ta beetaj u muʼukʼaʼantal utiaʼal u taasiktech alabanzaoʼ.+
16 Kúulchʼaktaʼabeʼ ka tóokaʼabi.+
Kéen tsʼíikilnakecheʼ ku xuʼulul tiʼ u kaajil Israel.
17 Áant le máak yaan ta x-noʼoj kʼaboʼ,le máax ta beetaj u muʼukʼaʼantal utiaʼal u taasiktech alabanzaoʼ.+
18 Beyoʼ maʼ ken k-náachtal tiʼ teech.
Chaʼa u seguer k-kuxtal utiaʼal k-alabartik a kʼaabaʼ.
19 Jéeoba,* beet u kaʼa bintoʼon utsil.
Eʼestoʼon a wutsil, salvartoʼoniʼ.+
Notas
^ Uláakʼ bix u traducirtaʼaleʼ «yaan chúumuk».
^ Wa «Jéeoba, le Dios gobernartik le ángeloʼoboʼ».
^ Wa «In Dios, le gobernartik le ángeloʼoboʼ».
^ Wa «tu machuba».
^ Wa «In Dios, le máax gobernartik le ángeloʼoboʼ».
^ Wa «u gajos le mata».
^ Wa «Jéeoba, le Dios gobernartik le ángeloʼoboʼ».
