Salmos 97:1-12
97 ¡Jéeobaeʼ tsʼoʼok u kʼuchul u beetuba Reyil!+
Kiʼimakchajak u yóol le luʼumoʼ.+
Kiʼimakchajak u yóol le yaʼabkach islaʼoboʼ.+
2 Baʼpachtaʼan tumen múuyaloʼob yéetel jach táaj éeʼjochʼeʼen.+
Mantatsʼ ku gobernar yéetel justicia, yéetel ku beetik baʼax toj.*+
3 Yaan junpʼéel kʼáakʼ ku bin táanil tiʼ letiʼ.+
Ku tóokik tuláakal u enemigoʼob baʼpachtmiloʼ.+
4 Ku sáasiltal le luʼum yéetel le rayoʼob ku beetik u yantaloʼ.
Le luʼumoʼ hasta bey ku kikilankil kéen u yil le rayoʼoboʼ.+
5 Le montañaʼoboʼ beyoʼob ceraeʼtumen ku yíibiloʼob tu táan Jéeoba,+ u Yuumil tuláakal le luʼumaʼ.
6 Le kaʼanoʼ ku tsʼáaik ojéeltbil u justicia Dios,ku yilaʼal xan bukaʼaj u poder tumen tuláakal le kaajoʼoboʼ.+
7 Pʼaʼatak ich suʼtsilil tuláakal le máaxoʼob ku adorarkoʼob imagenoʼoboʼ,+le máaxoʼob ku tʼaanoʼob maʼalob tiʼ u diosoʼob mix baʼal u biilaloʼoboʼ.+
U maasil diosoʼobeʼ yaan u chintaloʼob tu táan* u jaajil Dios.+
8 Jéeoba Dios, kéen u yuʼub Sión bix a beetik justiciaeʼ,+ku kiʼimaktal u yóol,+ku kiʼimaktal u yóol xan u kaajiloʼob* Judá.
9 Jéeoba Dios, teech le Maas Nojoch Dios yaan tiʼ tuláakal le luʼumaʼ,ta táaneʼ mix baʼal le u maasil diosoʼoboʼ.+
10 Teʼex a yaabiltmeʼex Jéeobaeʼ, pʼekteʼex baʼax kʼaas.+
Letiʼeʼ ku kanáantik u kuxtal le máaxoʼob maʼ tu náachtaloʼob tiʼ letiʼoʼ.+
Junpuliʼ maʼ tu pʼatkoʼob tu kʼab* le kʼasaʼan máakoʼoboʼ.+
11 Ku sáasiltal tuʼux yaan le máaxoʼob ku beetkoʼob baʼax maʼaloboʼ+yéetel ku kiʼimaktal u yóol le máaxoʼob uts u puksiʼikʼaloʼoboʼ.
12 Kiʼimakchajak u yóol le utsul máakoʼob tu yoʼolal le baʼaxoʼob ku beetik Jéeobaoʼ,u alabartoʼob u kʼaabaʼ tumen jach santo.
Notas
^ Ich hebreoeʼ ku yaʼalaʼal kaʼach «U tronoeʼ etsʼekbal yóokʼol justicia bey xan baʼax toj».
^ Wa «u adorarkoʼob».
^ Ich hebreoeʼ ku yaʼalaʼal kaʼach «u hijaʼob».
^ Wa «tu poder».
