15 Xookil

 U amigoʼob Dioseʼ ku beetkoʼob baʼaloʼob maʼalobtak

Wa yaan utúul k-amigoeʼ k-ilik k-beetik le baʼaloʼob maʼalobtak ku beetik letiʼoʼ. Le Bibliaoʼ ku yaʼalik: «Yuumtsil[eʼ] uts yéetel toj» (Salmo 25:8). Utiaʼal a beetkaba u amigo Dioseʼ, unaj a beetik baʼaloʼob maʼalobtak. Le Bibliaoʼ ku yaʼalik: «Ilawileʼex a béeytaleʼex jeʼel bix [Dioseʼ]. Kuxleneʼex ich yaakunaj» (Efesoiloʼob 5:1, 2). Koʼox ilik bix jeʼel k-beetik le baʼax ku yaʼalik le tekstoaʼ.

K-áantik u maasil. «Unaj k-beetik uts tiʼ tuláakal.» (Galaciailoʼob 6:10.)

Kʼaʼabéet k-meyaj. «Le máax ku yookol kaʼachoʼ u pʼat u yookol ka u tsʼáauba meyaj, ka meyajnak maʼalob yéetel u kʼaboʼob.» (Efesoiloʼob 4:28.)

Kʼaʼabéet limpio k-wíinklil bey xan k-kuxtal. «Unaj k-pʼoʼikba tiʼ jeʼel baʼalak ku páajtal u paʼapaʼakʼik k-wíinklil yéetel k-pixaneʼ. Yéetel unaj chúukaʼan k-kʼubikba tiʼ Jajal Dios ichil u sajakilil.» (2 Corintoiloʼob 7:1.)

 Kʼaʼabéet k-eʼesik yaabilaj yéetel k-tsikik k-láakʼtsiloʼob. «Cada utúul tiʼ teʼexeʼ u yaabilt u yatan jeʼel bix u yaabiltikubaeʼ, yéetel le atantsiloʼ u tsik u yíicham. Paalaleʼex, [...] unaj a wuʼuyikeʼex u tʼaan a taataʼex.» (Efesoiloʼob 5:33-6:1.)

Kʼaʼabéet k-yaabiltik u maasil. «Unaj k-yaabiltikba t-baatsil, tumen le yaakunajoʼ tiʼ Jajal Dios u taal.» (1 Juan 4:7.)

Kʼaʼabéet k-uʼuyik u tʼaan le gobiernoʼoboʼ. «Tuláakal máak unaj u yantal tu yáanal u páajtalil le jalach wíinikoʼoboʼ. [...] Boʼot tiʼ tuláakal máakeʼ le baʼax unajeʼ. [...] Tiʼ máax unaj a boʼotikeʼex le [impuestoʼoboʼ], boʼoteʼex le impuestoʼoboʼ.» (Romailoʼob 13:1, 7.)