LE MÁAKOʼOBAʼ yaan upʼéel talmil tiʼob. Kʼaʼabéet u púutsʼloʼob yoʼolal maʼ u kíimsaʼaloʼob. Letiʼobeʼ israelitaʼob bijaʼanoʼob chʼúuk, le koʼolel áantkoʼoboʼ, Rahab. U yotoch Rahabeʼ tiaʼan tu baʼpakʼil u noj kaajil Jericoeʼ. Koʼox ilik bix úuchik tuláakal lelaʼ.

Le israelitaʼoboʼ jach taʼaytak u kʼáatloʼob tu áalkab jaʼi Jordán ka okokoʼob tu luʼumil Canaán. Baʼaleʼ táanileʼ, Josueiʼ tu túuxtaj le kaʼatúul j-chʼúukoʼoboʼ. Ka tiaʼalajtiʼob: Jach ilawileʼex bix u luʼumil yéetel u noj kaajil Jericó.

Le ka ook le j-chʼúukoʼob tu kaajil Jericoeʼ binoʼob tu yotoch Rahab. Baʼaleʼ yaan máax aʼal tiʼ u reyil Jericó: Áaʼbeakeʼ taal kaʼatúul israelitaʼob u yiloʼob le luʼumaʼ. Le ka tu yuʼubaj le reyoʼ ka tu túuxtaj aʼalbil tiʼ Rahab: ¡Jóoʼs le máakoʼob yaan ta wotochoʼ! Baʼaleʼ Rahabeʼ tsʼoʼok u taʼakik le j-chʼúukoʼob tu yóokʼol u yotochoʼ. Le oʼolal tiaʼalaj: Yaan máakoʼob taaloʼob wayeʼ, baʼaleʼ maʼ in wojel tuʼux u taaloʼobiʼ. Táan u éeʼjochʼeʼental ka binoʼob, le maʼiliʼ kʼalaʼak u joonai le noj kaajoʼ. ¡Wa ka áalkabnakeʼexeʼ, jeʼel a chukpachkeʼexoʼobeʼ! Le máakoʼob túunoʼ binoʼob áalkabil u chukpachtoʼob.

Ka lukʼoʼobeʼ, Rahabeʼ naʼak tu yóokʼol u yotoch, ka tiaʼalaj tiʼe j-chʼúukoʼoboʼ: Teneʼ in wojel yaan u tsʼaʼabalteʼex le luʼum tumen Jéeobaoʼ. In wojel xan tu tikinkúuntaj u jaʼi le Chak kʼáaʼnáab ka jóokʼeʼex Egiptooʼ, yéetel ta kíimseʼex xan le rey Sehón yéetel le rey Ogoʼ. Bey tsʼoʼok in weʼesik in wutsil teʼexoʼ in kʼáat xan ka waʼaleʼex yaan a weʼesik a wutsileʼex tiʼ teen. Maʼ kíimskeʼex in taata, in mama, in sukuʼunoʼob yéetel in kiikoʼob.

Le j-chʼúukoʼoboʼ tiaʼaloʼob bey ken u beetiloʼoboʼ, baʼaleʼ yaan baʼax kʼaʼabéet u beetik Rahab. Le j-chʼúukoʼoboʼ tiaʼaloʼob: Chʼaʼa le chak suumaʼ ka chʼúuykʼaxt tu ventanai a wotoch, ku tsʼoʼokleʼ ka muchʼik tuláakal a láakʼtsilil way ta wotocheʼ. Bey túunoʼ, ken suunakoʼon utiaʼal k-xuʼuls tiʼ u kaajil Jericoeʼ, le ken k-il le suumaʼ, maʼatan k-kíimsik mix máak ta wotoch. Ka suunaj le j-chʼúukoʼob yiknal Josueoʼ, tu tsikbaltoʼob tiʼ tuláakal le baʼax tsʼoʼok u yúuchloʼ.