Adán yéetel Evaeʼ maʼ tu yuʼuboʼob u tʼaan Diosiʼ, le oʼolal toʼoneʼ kʼebanoʼon, k-sufrir yéetel k-kíimil. a Chéen baʼaleʼ Jéeobaeʼ yaan baʼax tu beetaj utiaʼal maʼ u pʼatik chéen bey le baʼax úuchoʼ. Letiʼeʼ tu tsʼáaj u kuxtal u Hijo utiaʼal k-jáalkʼabtaʼal tiʼ le kʼeban yéetel le kíimiloʼ. Le Bibliaoʼ ku yaʼalikeʼ Jesúseʼ tu tsʼáaj u kuxtal bey junpʼéel boʼoleʼ (xok Mateo 20:28). Le ka síij Jesús way Luʼumeʼ perfecto, le oʼolal maʼ tun kíimil kaʼachi. Chéen baʼaleʼ letiʼeʼ tu tsʼáaj u kuxtal utiaʼal ka páajchajak u yantaltoʼon le kuxtal tu perdertaj Adán yéetel Evaoʼ. Yoʼolal le baʼax tu beetoʼ tu yeʼeseʼ letiʼ yéetel Jéeobaeʼ jach u yaabiltmoʼob wíinik. Le xookaʼ yaan u yáantkech utiaʼal a wilik jach nojoch baʼal le baʼax tu beetaj Jesús ta woʼolaloʼ.

1. ¿Baʼax utsil k-kʼamik úuchik u tsʼáaik u kuxtal Jesús t-oʼolal?

Como tuláakloʼon kʼebanoʼoneʼ yaan horaeʼ k-beetik baʼaloʼob maʼ uts tu tʼaan Jéeobaiʼ. Chéen baʼaleʼ jeʼel u páajtal k-bisikba yéetel Jéeoba wa k-arrepentir yoʼolal le baʼaloʼob kʼaastak k-beetkoʼ yéetel k-kʼáatiktiʼ tu kʼaabaʼ Jesús ka u perdonartoʼon. Utiaʼal k-perdonartaʼaleʼ kʼaʼabéet k-ilik maʼ k-kaʼa lúubul tiʼ le kʼebanoʼob k-yáax beetmoʼ (1 Juan 2:1). Le Bibliaoʼ ku yaʼalik: «Cristoeʼ kíim juntéeniliʼ tu yoʼolal u kʼebanoʼob wíinik. Bey túunoʼ juntúul máak toj u kuxtaleʼ kíim tu yoʼolal máakoʼob maʼ toj u kuxtaloʼobiʼ utiaʼal beyoʼ ka u natsʼoʼob tu yiknal Dios» (1 Pedro 3:18).

2. ¿Baʼax utsil ken k-kʼam yoʼolal u kuxtal Jesús tu kʼuboʼ?

Jéeobaeʼ tu túuxtaj u Hijo utiaʼal u kʼubik u kuxtal, «utiaʼal beyoʼ maʼ u xuʼulsaʼal tiʼ le máaxoʼob ken u tsʼáa u fejoʼob tiʼ letiʼoʼ, baʼaxeʼ ka yanaktiʼob kuxtal minaʼan u xuul» (Juan 3:16). Yoʼolal le baʼax tu beetaj Jesúsoʼ maʼ kun xáantaleʼ Jéeobaeʼ yaan u láaj luʼsik tuláakal le baʼaloʼob kʼaastak anchaj yoʼolal u culpa Adánoʼ. Bey túunoʼ wa k-tsʼáaik k-fe tiʼ u kuxtal Jesús tu kʼuboʼ jeʼel u páajtal k-kuxtal utiaʼal minaʼan u xúul way Luʼum tiʼ junpʼéel jatsʼuts paraísoeʼ (Isaías 65:21-23).

 UTIAʼAL A MAAS NAʼATIK

3. U kuxtal Jesús tu kʼuboʼ ku jáalkʼabtikoʼon tiʼ le kʼeban yéetel tiʼ le kíimiloʼ

1. Kex Adán perfecto kaʼacheʼ maʼ tu yuʼubaj u tʼaan Diosiʼ, le oʼolal u paalaleʼ kʼebanoʼob yéetel ku kíimloʼob

2. Jesúseʼ perfecto kaʼachi yéetel tu yuʼubaj u tʼaan Dios, yoʼolal leloʼ wíinikeʼ jeʼel u pʼáatal perfectoil yéetel u kuxtal utiaʼal mantatsʼeʼ

4. Yaʼab máak jeʼel u salvarkuba úuchik u kíimil Jesúseʼ

 5. Le boʼol tsʼaʼaboʼ junpʼéel regalo tu tsʼáajtoʼon Jéeoba

Le máaxoʼob ku biskubaʼob yéetel Jéeobaoʼ ku yilkoʼob le boʼol bey junpʼéel jatsʼuts siibal ku tsʼaʼabaltiʼobeʼ. Koʼox ilik junpʼéel ejemplo, xokeʼex Gálatas 2:20, kéen tsʼoʼokkeʼ ka tsikbaltikeʼex lelaʼ:

• ¿Baʼax eʼesik apóstol Pabloeʼ nojoch baʼal tu yilil le boʼol tu tsʼáaj Jéeobaoʼ?

Úuchik u kʼebantal Adáneʼ tuláakal u paalaloʼob ku kíimloʼob. Chéen baʼaleʼ Jéeobaeʼ tu túuxtaj u Hijo utiaʼal u kíimil t-oʼolal, beyoʼ tuláakloʼon jeʼel u páajtal k-kuxtal utiaʼal minaʼan u xuuleʼ.

Le kéen a xok le versículoʼobaʼ máans ta tuukul bix tu yuʼubiluba Jéeoba úuchik u yilik u sufrir u Hijo. Xokeʼex Juan 19:1-7 yéetel 16-18, kéen tsʼoʼokkeʼ ka tsikbaltikeʼex lelaʼ:

• ¿Bix a wuʼuyikaba yoʼolal le baʼax tu beetaj Jéeoba yéetel Jesús ta woʼolaloʼ?

 BAʼAX TSOʼOLI

Yoʼolal u kuxtal Jesús tu kʼuboʼ ku perdonartaʼal k-kʼebanoʼob yéetel ku páajtal k-kuxtal minaʼan u xuul.

Baʼax ta kanaj

• ¿Baʼaxten kíim Jesús?

• ¿Baʼaxten le u kuxtal Jesús tu kʼuboʼ jach letiʼe boʼol kʼaʼabéet utiaʼal u salvartaʼal tuláakal máakoʼ?

• ¿Baʼax utsil ka kʼamik úuchik u kʼubik u kuxtal Jesús?