Úuchjeakileʼ u kaajal Dioseʼ ku yaʼalikeʼ u kʼasaʼan kaajil Jerusaléneʼ ku chíikbesik kaʼach le cristiandadoʼ. Jeʼex u beetaʼal kaʼach ichil u kaajil Jerusaléneʼ bejlaʼa xaneʼ ichil le cristiandadoʼ láayliʼ ku adorartaʼal yaanal diosoʼobeʼ, yéetel ku beetaʼal uláakʼ baʼaloʼob kʼaastak. Chéen baʼaleʼ teʼ kʼiinoʼobaʼ u kaajal Dioseʼ maʼatech u kaxtik baʼax ku chíikbesik cada junpʼéel tiʼ le baʼax ku yaʼalik le profecíaʼoboʼ, chéen ku yaʼalik baʼax ku chíikbesik wa jach bey u yeʼesik le Bibliaoʼ. ¿Yaan wa baʼax eʼesik Jerusaléneʼ ku chíikbesik le cristiandadoʼ? Minaʼan.

Tukult lelaʼ: Tu kaajil Jerusaléneʼ chéen Jéeoba ku adorartaʼal kaʼachiʼ, chéen baʼaleʼ u kajnáaliloʼobeʼ tu xúumpʼattoʼob Jéeoba. Baʼaleʼ le cristiandadoʼ mix juntéen u adorart chéen Jéeoba. Desde le ka káaj u yantal teʼ siglo cuarto tsʼoʼokok u taal Jesúsoʼ, chéen tuusoʼob ku kaʼansik.

Tsʼoʼoleʼ kex xuʼulsaʼab u kaajil Jerusalén tumen le babilonioʼoboʼ, ka máan kʼiineʼ kʼaʼam tu kaʼatéen tumen Jéeoba, ka joʼopʼ u adorarkoʼob chéen letiʼ. Chéen baʼaleʼ le cristiandadoʼ mix juntéen kʼaʼamak tumen Jéeoba. Tsʼoʼoleʼ maʼ kun xáantaleʼ yaan u xuʼulsaʼal utiaʼal mantatsʼ teʼ nojoch muʼyajiloʼ.

¿Baʼax túun jeʼel u páajtal k-aʼalik yoʼolal le cristiandadoʼ? Maʼ xaaneʼ le kéen k-xakʼalt jujunpʼéel profecíaʼob béeychajoʼob tiʼ le kʼasaʼan Jerusalénoʼ jeʼel k-jáan tuklikeʼ: «Lelaʼ jach chíikaʼan tiʼ le baʼax ku beetik le cristiandad bejlaʼoʼ». Kex beyoʼ, kʼaʼajaktoʼoneʼ le Bibliaoʼ maʼatech u yeʼesik wa Jerusaléneʼ ku chíikbesik le cristiandadoʼ.