1. Toʼoneʼ taak k-eʼesik mantatsʼ ichil k-kuxtal

junpʼéel jach maʼalob kʼaabaʼ tu táan Jéeoba.

Le oʼolal sáamsamal táan k-beetik baʼax u kʼáat.

Yaan k-kiʼimakkúunsik u yóol mantatsʼ.

2. Le yóokʼol kaabaʼ táan u sen túulchʼintkoʼon

ka chʼíikik k-paakat chéen tiʼ le taakʼinoʼ.

U beetik máak leloʼ junpʼéel baʼal chéen kunel

tumen jeʼel k-náachtal tiʼ Jéeobaeʼ.

3. Jach yaan k-kanáantik le kʼaabaʼ táan k-biskoʼ,

beyoʼ yaan k-pʼáatal tu tuukul Jéeoba Dios.

Yaan k-kʼáatik sáamsamal ku yáantoʼon ich k-kuxtal.

K-kʼáat pʼáatal maʼalob tu táan Jéeoba.