1. Jéeoba Dioseʼ ku kanáantken

tumen jach u yaabiltmen.

Jeʼel bix juntúul j-kanan tamaneʼ

ku tsʼáaik baʼax kʼaʼabéet tiʼ teen.

Maʼ tu pʼatken chéen tin juunal;

ku yeʼesik yutsil tiʼ teen.

Táan u nuʼuktiken yéetel yaabilaj;

jach maʼalob in wuʼuykinba.

Ku nuʼuktiken yéetel yaabilaj;

jach maʼalob in wuʼuykinba.

2. Yiknal Jéeoba Dios kin xíimbal;

jach maʼalob u nuʼuktiken.

Maʼ saajken kex táan in muʼyajiʼ

tumen ku kanáantiken.

Kex ka yanak talmiloʼobeʼ

letiʼeʼ maʼatech u pʼatken.

In wojel letiʼeʼ yaan u yáantiken

tumen jach u yaabiltmen.

Letiʼeʼ mantatsʼ yaan u yáantiken

tumen jach u yaabiltmen.

 3. Jéeoba, chéen teech a kʼaj óolen,

le oʼolal in yaabiltmech.

Ka líiʼskin wóol, maʼatech a pʼatken;

mix baʼal chiʼichnakkúunsiken.

Tumen ku yáantken a Tʼaaneʼ

in kʼubmaj in wóol tiʼ teech.

Táan a weʼesikten yaabilaj, Jéeoba.

Kin tsʼáaik in kuxtal ta kʼab.

Ka weʼesikten yaabilaj, Jéeoba.

Kin tsʼáaik in kuxtal ta kʼab.