KʼAAY 55
Maʼ a chʼaʼik saajkil
-
1. Ma sen jeʼelel, xeen a tsʼoʼokbes
le meyaj maas kʼaʼanaʼanoʼ.
Tsʼáa ojéeltbil sáamsamal
Jesuseʼ táan u reinar.
Maʼ u tuʼubultech yaʼab máakoʼob
u pʼekmoʼob le kʼaʼaytajoʼ,
baʼaleʼ kex beyoʼ mun jeʼelskoʼob
le meyaj ka beetikoʼ.
(CORO)
Ma chʼaʼik saajkil, yaan in wáantkech,
mix bikʼin ken in pʼatech.
A wojel yaan in kanáantkech
jeʼex u neekʼil in wicheʼ.
-
2. Yoʼolal baʼaxoʼob táan a beetkeʼ
yaʼab máax jeʼel u pʼaʼastkecheʼ.
Yaʼabeʼ yaan u cheʼejtikech,
yéetel yaan u pʼektikech.
Kex beyoʼ, in paal, ma tuʼubsik
tiaʼanen ta tséel mantatsʼeʼ.
Yaan in wáantkech tiaʼal ka béeyak
a kʼamik le kuxtaloʼ.
(CORO)
Ma chʼaʼik saajkil, yaan in wáantkech,
mix bikʼin ken in pʼatech.
A wojel yaan in kanáantkech
jeʼex u neekʼil in wicheʼ.
-
3. Ma tuklik wa chéen ta juunal
yanilech teʼ kʼiinoʼobaʼ.
Kex ka chʼaʼpachtaʼakecheʼ
mix bikʼin ken in pʼatech.
Ma chʼaʼik saajkil tiʼ le máaxoʼob
jeʼel u kíimskechoʼob xanoʼ.
Wa ku chúukpajal a wóoleʼ
jeʼel in kaʼa kuxkíintkecheʼ.
(CORO)
Ma chʼaʼik saajkil, yaan in wáantkech,
mix bikʼin ken in pʼatech.
A wojel yaan in kanáantkech
jeʼex u neekʼil in wicheʼ.
(Ilaʼak xan Deu. 32:10; Neh. 4:14; Sal. 59:1; 83:2, 3.)
