KʼAAY 75
¡Túuxteniʼ, jeʼel in bineʼ!
-
1. Teʼ kʼiinoʼobaʼ le máakoʼoboʼ
jach u pʼekmoʼob u kʼaabaʼ Dios.
Ku yaʼalikoʼobeʼ: «¿Máax Jéeoba?
Mu yaabiltmoʼoniʼ, jach kʼasaʼan».
¿Máax ken u yaʼal u jaajil tiʼob?
¿Máax ken u kaʼans u kʼaabaʼ Dios?
(CORO 1)
Teneʼ way yaneneʼ, Jéeoba,
jin kaʼansiktiʼob u jaajileʼ.
Kin kʼáatiktech in Yuum, Jéeoba Dios:
«¡Túuxteniʼ, jeʼel in bineʼ!».
-
2. Yaʼab máakoʼobeʼ ku yaʼalikoʼob
chéen táan u tuus bin Jéeoba Dios.
Le oʼolaleʼ ku meyajtkoʼob
chéen diosoʼob naʼan u biilaloʼob.
¿Máax ken u yáant le máakoʼobaʼ?
Tumen jach naatsʼ le xuʼulsajoʼ.
(CORO 2)
Teneʼ way yaneneʼ, Jéeoba,
jin tsʼáaik in wóol in wáantoʼobeʼ.
Kin kʼáatiktech in Yuum, Jéeoba Dios:
«¡Túuxteniʼ, jeʼel in bineʼ!».
-
3. Tsʼu láaj kʼaskúuntaʼal yóokʼol kaab;
yaʼab máakoʼob táan u muʼyajoʼob.
Le oʼolaleʼ táan u kaxkoʼob
le jaajil kiʼimak óolaloʼ.
¿Máax ken u yeʼes tiʼe wíinikoʼob
tuʼux yaan le kiʼimak óolaloʼ?
(CORO 3)
Teneʼ way yaneneʼ, Jéeoba,
jach jeʼel in bin in kaʼansoʼobeʼ.
Kin kʼáatiktech in Yuum, Jéeoba Dios:
«¡Túuxteniʼ, jeʼel in bineʼ!».
(Ilaʼak xan Sal. 10:4; Eze. 9:4.)
