Éemse:

• Yéetel notaʼob

1. 1. Anchaj máaxoʼob utsoʼob

   tu yeʼesoʼobtech u fejoʼob.

   Tu tsʼáaj u yóoloʼob, Jéeoba,

   tiaʼal u beetkoʼob chéen baʼax a kʼáat.

   Ta tsʼáaj muukʼ tiʼ letiʼob

   yéetel a nuʼuktaj utiaʼal

   u tsʼíibtkoʼob baʼaxoʼob a kʼáat

   yéetel u traducirkoʼob a Tʼaan.

   Tuláakle meyajaʼ

   tu beetoʼob yéetel yaabilaj.

   Teʼ kʼiinoʼobaʼ táan k-xokik a Tʼaan

   tumen chúukpaj yóoloʼob mantatsʼ.

   (CORO)

   A yaabiltmoʼon, Jéeoba Dios,

   úucha síik tiʼ toʼon a Tʼaan.

   Yaan u yáantkoʼon mantatsʼ, maʼ tun xuʼulsbil, Jéeoba.

   K-tsʼáaiktech gracias tu yoʼolal a Tʼaan.

2. 2. Le máaxoʼob jach pʼekmilechoʼ

   tu tsʼáaj u yóoloʼob tiaʼal

   u xuʼulsikoʼob a Tʼaan, Jéeoba,

   chéen baʼaleʼ maʼ béeychajo’obi’.

   Anchaj yaʼab máakoʼob tiaʼal kanáantik,

   tu kʼubaj tak u kuxtaloʼob.

   Kex pʼektaʼaboʼob xaneʼ, chúukpaj yóoloʼob tiʼ teech,

   tu yeʼesoʼob u yaabiltmechoʼob.

   (CORO)

   Jach a sen yaabiltmoʼon, Jéeoba Dios,

   úucha síik tiʼ toʼon a Tʼaan.

   Yaan u yáantkoʼon mantatsʼ, maʼ tun xuʼulsbil, Jéeoba.

   K-tsʼáaiktech gracias tu yoʼolal a Tʼaan.

3. 3. Ich a tʼaaneʼ k-kanik bix a kʼaabaʼ

   yéetel baʼaxoʼob uts ta tʼaan.

   Ichileʼ k-kanik xan

   yaan u béeytal a tʼaan

   yéetel yaan a tsʼáaiktoʼon kuxtal.

   (CORO)

   Jach a yaabiltmoʼon, Jéeoba Dios,

   úuchik a síik tiʼ toʼon a Tʼaan.

   Yaan u yáantkoʼon mantatsʼ, maʼ tun xuʼulsbil, Jéeoba.

   K-tsʼáaiktech gracias tu yoʼolal a Tʼaan,

   Yuumtsil Jéeoba.