Eʼes yaabilaj
Baʼax ku yúuchul
Maʼ chéen chʼaʼabil u xuʼulul u pʼektik máak wa máaxiʼ. Kéen kʼojaʼanchajkoʼoneʼ ku bisik tiempo u yutstal máak. Láayliʼ ku bisik tiempo xan u xuʼulul k-pʼektik wa máaxeʼ. ¿Baʼax jeʼel u yáantkoʼoneʼ?
Baʼax ku yaʼalik le Bibliaoʼ
«Unaj a búukbeskabaʼex yéetel yaabilaj, tumen le yaabilajoʼ jach tu jaajil ku muchʼik máak» (COLOSENSES 3:14).
¿Baʼax u kʼáat u yaʼale? Kéen k-áant u maasileʼ k-maas bisikba tu yéeteloʼob. Wa k-eʼesik tiʼ u maasil k-yaabiltmoʼobeʼ yaan u xuʼulul k-pʼektikoʼob yéetel maʼ tun antal baʼax kʼaas ichil k-puksiʼikʼal.
Baʼax jeʼel a beetkeʼ
Ilawil bix jeʼel a weʼesik a yaabiltmaj le máaxoʼob maʼatech u jach lúubultech utsiloʼ. Maʼ tsaaj ka a beet baʼaloʼob nuuktak tu yoʼolaloʼobiʼ. Maʼ xaaneʼ jeʼel u páajtal a beetik le baʼaloʼobaʼ:
Wa maas k-eʼesik yaabilaj tiʼ u maasileʼ maas maʼ ken k-pʼektoʼob
eʼes jatsʼuts modos tiʼob, jeʼex a jeʼekʼabtik le joonaj kéen jóokʼkoʼoboʼ wa a chaʼik u kutaloʼob ta lugar kéen viajarnakech
ilawil a tsikbal tu yéeteloʼob kex maʼ u jach yojloʼob a idiomaiʼ
maʼ a tsʼíikil wa yaan baʼax jelaʼan u beetkoʼob
chʼenxikintoʼob yéetel ilawil a naʼatik baʼax ku yúuchultiʼob
Maʼ xaaneʼ jeʼel u yutstal xan ta wicheʼ
¡AAJKECH!
Bix jeʼel a biskaba maʼalob yéetel u maasileʼ
Ilawil máakalmáak le modos jeʼel u yáantik máak u bisuba maʼalob yéetel u maasileʼ.
