Kéen k-xok le Bibliaoʼ maʼalob ka k-kaxt u maasil información yoʼolal le baʼax táan k-xokikoʼ. Pero maʼ unaj k-beetik chéen utiaʼal k-kanik yaʼab baʼaloʼobiʼ, baʼaxeʼ unaj k-beetik utiaʼal k-maas kʼaj óoltik Jéeoba tumen leloʼ yaan u yáantkoʼon utiaʼal ka k-maas yaabilte. Utiaʼal leloʼ kéen xooknakoʼoneʼ maʼalob ka k-tukle: «¿Baʼax ku kaʼansikten yoʼolal Jéeoba le baʼax kin xokikaʼ?».

Por ejemploeʼ jeʼel u páajtal a kaxtik u maasil yoʼolal le modos maas ku yeʼesik Jéeobaoʼ jeʼex u yaabilaj, u naʼat, u justicia yéetel u poder. Chéen baʼaleʼ Jéeobaeʼ yaan uláakʼ jatsʼuts modos ku yeʼesik. ¿Tuʼux jeʼel a kaxtik u maasil información yoʼolal le jatsʼuts modosaʼ?

Teʼ Índice de las publicaciones Watch Tower ich españoloʼ yaan junpʼéel lista tuʼux ku tsoʼolol maas tiʼ 50 u jatsʼuts modos Jéeoba. Xeen teʼ tuʼux ku yaʼalik «Jehová», kéen tsʼoʼokkeʼ ka bin teʼ subtítulo «Cualidades por nombre». Kaxt le jatsʼuts modos taak a maas kaanbal tu yoʼolaloʼ, tsʼoʼoleʼ ka xokik (wa chéen yaantech le Áantaj utiaʼal u xakʼalxook u j-jaajkunajoʼob Jéeobaoʼ, xeen teʼ jaats ku kʼaabaʼtik «Jéeoba Dios», kéen tsʼoʼokkeʼ ka kaxtik «U modos Jéeoba»).