Wa ta xokaj u revistailoʼob Le Máax ku Kananoʼ, ¿jeʼel wa u páajtal a núukik le kʼáatchiʼobaʼ?

¿Bix u tratartik Jéeoba le koʼoleloʼoboʼ?

Igual u tratartik xiib yéetel koʼolel. Maʼatech u rebajartik le koʼoleloʼoboʼ, ku chʼenxikintikoʼob yéetel jach ku chʼaʼik en cuenta bix u yuʼubikubaʼob bey xan le problemas ku aktáantkoʼoboʼ. Jéeobaeʼ ku confiar tiʼ le kiikoʼoboʼ yéetel ku kʼubéentik xan meyajtiʼob (w24.01, pág. 15, 16).

¿Bix jeʼel k-tsʼáaik ichil k-kuxtal Efesios 5:7 tuʼux ku yaʼalik: «Maʼ a beetkeʼex jeʼex u beetkoʼoboʼ»?

Apóstol Pabloeʼ tu yaʼalaj maʼ unaj k-bisikba yéetel máaxoʼob ku beetkoʼob baʼaloʼob ku bin tu contra Jéeobaiʼ. Le oʼolal unaj k-kanáantik máax yéetel k-bisikba tak teʼ redes socialesoʼ (w24.03, pág. 22, 23).

¿Baʼax unaj a beetik wa ka wuʼuyik junpʼéel baʼal maʼ jaajiʼ?

Kʼaʼabéet k-kanáantikba tiʼ le baʼaloʼob maʼ ojéelaʼan wa jaajtakoʼ. Lelaʼ maʼ xaaneʼ jeʼel u túuxtaʼaltoʼon tumen máaxoʼob maʼ k-kʼaj óoloʼob tiʼ mensaje wa tiʼ correo bey xan tumen juntúul k-amigo. Kʼaʼabéet xan k-kanáantikba tiʼ le baʼax ku yaʼalik le apóstataʼob ku beetkoʼob bey jach taak u kaanbaloʼob tiʼ le Bibliaoʼ (w24.04, pág. 12).

¿Baʼax k-ojel yéetel baʼax maʼ k-ojel yoʼolal bix ken u juzgartil Jéeoba rey Salomón, le máaxoʼob kíimoʼob Sodoma yéetel Gomorraoʼ bey xan teʼ Búulkabaloʼ?

U jaajileʼ le Bibliaoʼ maʼ tu jach aʼalik wa Jéeobaeʼ tu xuʼulsaj utiaʼal mantatsʼ le máakoʼobaʼ. Baʼax k-ojleʼ Jéeobaeʼ u yojel tuláakal baʼal yéetel jach ku chʼaʼik óotsilil (w24.05, pág. 3, 4).

¿Baʼax ku kaʼansiktoʼon ikil u yaʼalaʼal tiʼ Jéeoba «le Nojoch Tuunichoʼ»? (Deu. 32:4).

Jeʼel u páajtal k-bin k-taʼakba yiknal Jéeobaeʼ. K-confiar yaan u béeykuntik u promesaʼob. Tsʼoʼoleʼ maʼatech u kʼexpajal u modos mix u promesaʼob (w24.06, pág. 26-28).

¿Bix jeʼel a suuktal ta túumben múuchʼulileʼ?

Confiarnen yaan u yáantkech Jéeoba jeʼex tu beetil yéetel le máaxoʼob meyajt úuchjeakiloʼ. Maʼ a comparartik a úuchben múuchʼulil yéetel le túumbenoʼ. Múul meyajnen yéetel le múuchʼuliloʼ yéetel ilawil a kaxtik túumben amigoʼob (w24.07, pág. 26-28).

¿Baʼax k-kanik tiʼ le óoxpʼéel tsikbaliloʼob ku chíikpajal teʼ Mateo capítulo 25?

U tsikbalil le tamanoʼob yéetel le chivoʼoboʼ ku yeʼesikeʼ kʼaʼabéet u chúukpajal k-óol. U tsikbalil le diez x-chʼúupalaloʼoboʼ ku yeʼesikeʼ kʼaʼabéet k-líiʼsikba tubeel yéetel maʼ u náayal k-óol. Le ku tʼaan tiʼ u bolsasil le taakʼinoʼ ku yeʼesikeʼ kʼaʼabéet j-meeyjiloʼon (w24.09, pág. 20-24).

¿Bukaʼaj u kaʼanlil le pórtico yaan teʼ templo tu beetaj Salomónoʼ?

Jujunpʼéel úuchben tsʼíiboʼobeʼ teʼ 2 Crónicas 3:​4, ku yaʼalikoʼobeʼ «120 codos» u kaʼanlil, leloʼ u kʼáat u yaʼaleʼ junpʼéel nuxiʼ torre de 53 metros u kaʼanlil. Pero yaan uláakʼ úuchben tsʼíiboʼobeʼ ku yaʼalikoʼobeʼ «20 codos» wa óoliʼ 9 metros. Wa k-chʼaʼik en cuenta bukaʼaj u piimil le pakʼoʼoboʼ yaan k-tsʼáaik cuentaeʼ u kaʼanlil le pórticooʼ maʼ tu páajtal u medirtik 120 codos (w24.10, pág. 31).

¿Baʼax u kʼáat u yaʼal juntúul siervo ministerialeʼ «chéen juntúul u yatan» yaan? (1 Tim. 3:12).

Le siervo ministerial tsʼokaʼan u beeloʼ chéen juntúul u yatan unaj u yantal yéetel maʼ unaj u núupkʼebantaliʼ. Tsʼoʼoleʼ maʼ unaj u paktik yaanal koʼolel utiaʼal u tsʼíiboltikiʼ (w24.11, pág. 19).

¿Baʼaxten k-aʼalikeʼ Juan 6:​53, maʼ táan u yaʼalik baʼax unaj u beetaʼal tiʼ u Cena Yuumtsiliʼ?

Teʼ Juan 6:​53, Jesúseʼ tu yaʼaleʼ kʼaʼabéet u jaantaʼal u bakʼel yéetel yuʼukʼul u kʼiʼikʼel. Lelaʼ tu yaʼalaj teʼ año 32 tiʼ le judíoʼob u muchʼmubaʼob Galilea minaʼan u fejoʼob tiʼ Jesúsoʼ. Chéen baʼaleʼ ka máan junpʼéel año, le ka tu káajsaj u Cena Yuumtsiloʼ, tʼaanaj tu táan le máaxoʼob kun reinar tu yéetel teʼ kaʼanoʼ (w24.12, pág. 10, 11).