Unaj k-tsʼáaik baʼax yantoʼon yéetel kiʼimak óolal bey xan yéetel u jaajil k-óol

APÓSTOL Pabloeʼ tu yaʼalaj baʼax tuukulil unaj u yantaltoʼon ken k-tsʼáa le baʼaxoʼob yantoʼonoʼ: «Cada juntúuleʼ unaj u tsʼáaik jeʼel bix u tukultmaj tu puksiʼikʼaleʼ, maʼ yéetel x-maʼ óoliʼ, mix tumen táan u tsaʼabal tiʼiʼ, tumen Jajal Dioseʼ u yaabiltmaj le máax ku tsʼaa yéetel kiʼimak óolaleʼ» (2 Cor. 9:7). Jéeobaeʼ mix máak ku obligartik utiaʼal ka u tsʼáa baʼaxoʼob yantiʼ utiaʼal maʼ u xuʼulul u beetaʼal le meyajoʼob kʼaʼabéet ichil u kaajaloʼ. Baʼaxeʼ ku chaʼik tiʼ le máaxoʼob meyajtik ka u chʼaʼatukultoʼob tu juunaloʼob u tsʼáaikoʼob yéetel kiʼimak óolal le bajux ku síijil tu puksiʼikʼaloʼoboʼ. Desde úuchjeakileʼ, le máaxoʼob meyajtik Jéeobaoʼ ku tsʼáaik u siibaloʼob yéetel kiʼimak óolal. Koʼox ilik óoxpʼéel bix úuchik u beetkoʼob.

Le ka tsʼoʼok u jáalkʼabtaʼal le israelitaʼob tumen Jéeoba tu kaajil Egiptoeʼ, tu yaʼalajtiʼob ka u beetoʼob upʼéel tabernáculo. Tsʼoʼoleʼ tu yaʼalaj xan tiʼob ka u tsʼaʼob le baʼaxoʼob kun kʼaʼabéetchajal utiaʼal u beetaʼaloʼ. «Tuláakal [túun] le máaxoʼob [...] péeknaj u puksiʼikʼaloʼob yéetel jaaj óolal[oʼ]» tu síijoʼob oro,  plata yéetel uláakʼ baʼaloʼob. Jach yaʼabchaj le baʼax tu tsʼáajoʼoboʼ ka kʼaʼabéetchaj tak u yaʼalaʼaltiʼob maʼ u seguer u taaskoʼob u maasil (Éxo. 35:5, 21; 36:6, 7).

Ka beetaʼab xan le templooʼ, le máaxoʼob meyajtik Diosoʼ kaʼa yanchaj u páajtalil u tsʼáaikoʼob baʼaxoʼob yantiʼob utiaʼal u beetaʼal le meyajoʼ. Rey Davideʼ jach yaʼab baʼaxoʼob tu tsʼáaj utiaʼal le meyajoʼ yéetel tu yaʼalaj tiʼ u maasil israelitaʼob ka u tsʼaʼob xan le bukaʼaj ku síijil tu puksiʼikʼaloʼobeʼ. Letiʼobeʼ tu beetoʼob beyoʼ, chéen le oro yéetel le plata tu tsʼáajoʼoboʼ, bejlaʼeʼ jeʼel u tojoltik maas tiʼ 100 mil millones dolaroʼobeʼ. ¿Baʼax túun úuch ka tsʼoʼoki? Le Bibliaoʼ ku yaʼalikeʼ le israelitaʼoboʼ jach kiʼimakchaj u yóoloʼob úuchik u tsʼáaikoʼob le bukaʼaj síij tu puksiʼikʼaloʼobeʼ (1 Cró. 29:3-9; 2 Cró. 5:1).

Le disipuloʼob teʼ yáax siglooʼ láayliʼ tu tsʼáajoʼob yéetel kiʼimak óolal le baʼaxoʼob yantiʼoboʼ. Teʼ Pentecostés tiʼ u jaʼabil 33 okjaʼanaj kex tres mil máakoʼob, yaʼab tiʼ letiʼobeʼ maʼ Jerusalén kajaʼanoʼob kaʼachi. Utiaʼal u yáantaʼaloʼob yéetel baʼaxoʼob kʼaʼabéettiʼob teʼ kʼiinoʼob táan u kaʼansaʼaloʼoboʼ, le disipuloʼoboʼ tu konoʼob u luʼumoʼob yéetel uláakʼ baʼaxoʼob yantiʼobeʼ ka tu bisoʼob u tojol tiʼ le apostoloʼoboʼ. Le baʼax tu beetoʼobaʼ tu jach kiʼimakkúuntaj u yóol Jéeoba (Hch. 2:41-47).

Le máaxoʼob xan meyajtik Dios bejlaʼaʼ láayliʼ táan u tsʼáaikoʼob baʼaxoʼob yantiʼob, jeʼex u tiempoʼob, u muukʼoʼob yéetel u taakʼinoʼob utiaʼal u maas kʼaʼaytaʼal le Reinooʼ. Le cuadro yaan kabaloʼ ku yeʼesik jujumpʼéel bix jeʼel u páajtal k-beetkeʼ.

[U tsolajil le oochel teʼ táan juʼun 18]

Jejeláas Bix Jeʼel K-tsʼáaik Baʼaxoʼob Yantoʼoneʼ

SIIBALOʼOB UTIAʼAL LE MEEYJIL KʼAʼAYTAJOʼ

Yaʼab sukuʼunoʼobeʼ ku jóoʼskoʼob u jaats tiʼ le taakʼin ku náajalkoʼob utiaʼal u tsʼáaikoʼob teʼ caja ku kʼaabaʼtik «Utiaʼal le meeyjil kʼaʼaytajoʼ» (Obra mundial).

Cada meseʼ le múuchʼuliloʼoboʼ ku túuxtikoʼob tu najil Betel le taakʼin ku siʼibiloʼ. Le taakʼinaʼ jeʼel xan u páajtal u túuxtaʼal teʼ direccionaʼ: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, wa teʼ tu najil Betel nuʼuktik le kʼaʼaytaj tuʼux kajaʼanechoʼ. (Le siibaloʼob ku beetik máak, jeʼex le ku yaʼalaʼal maas kabaloʼ, jeʼel xan u páajtal u túuxtaʼal tu najil Betel nuʼuktik le kʼaʼaytaj tuʼux kajaʼanechoʼ.) Teʼ chequeʼoboʼ unaj u tsʼaʼabal «Watchtower», lelaʼ unaj u tsʼaʼabal teʼ tuʼux ku yaʼalik tiʼ máax kun boʼotbiloʼ. Jeʼel xan u páajtal u siʼibil alhajaʼob wa uláakʼ baʼaloʼob yaan u tojoloʼob, baʼaleʼ ken túuxtaʼakeʼ unaj xan u túuxtaʼal upʼéel carta tuʼux ku yaʼalik siibil u beetaʼal.

TAAKʼIN MAJÁANTAʼAN

Jeʼel u páajtal u yoksaʼal taakʼin teʼ banco utiaʼal ka cobrartaʼak u interés (fideicomiso) tumen le Watch Tower Bible and Tract Society of Pennsylvania, lelaʼ yaan u meyaj utiaʼal u maas kʼaʼaytaʼal le maʼalob péektsiloʼ. Baʼaleʼ wa le u yuumil le taakʼin u kʼáatoʼ, jeʼel páajtal u jóoʼsik u taakʼin teʼ bancooʼ. Utiaʼal a wojéeltik u maasileʼ, tʼaanen teʼ Tesorería (Treasurerʼs Office) teʼ teléfonoaʼ (718) 560-7500, wa tsʼíibnen teʼ dirección t-yáax aʼaloʼ.

SIIBALOʼOB KU CHʼAʼATUKULTAʼAL BIX KUN TSʼAABIL

Leloʼobaʼ uláakʼ bix jeʼel u yúuchul áantaj utiaʼal u maas kʼaʼaytaʼal le maʼalob péektsiloʼ:

Seguroʼob. Jeʼel u páajtal u yaʼalaʼal ka cobrartaʼak upʼéel seguro de vida wa upʼéel pensión tumen le Watch Tower Bible and Tract Society of Pennsylvania.

Taakʼin oksaʼan banco. Le taakʼin ku tsʼaʼabal tiʼ máak ken jubilartaʼakoʼ jeʼel u páajtal u yoksaʼal banco utiaʼal ka cobrartaʼak u interesi tumen le Watch Tower Bible and Tract Society of Pennsylvania. Bey xan jeʼel u páajtal u beetaʼal yéetel u reciboi le taakʼin oksaʼan bancooʼ (certificado de depósito) utiaʼal ka cobrartaʼak u interesi. Tsʼoʼoleʼ jeʼel xan u páajtal u cobrartaʼal le taakʼin tumen u najil Betel wa ku kíimil u yuumiloʼ, baʼaleʼ unaj u beetaʼal jeʼex u yaʼalik le bancooʼ.

Le reciboʼob ku tsʼáaik upʼéel empresa úuchik u majáantaʼal taakʼin tiʼoʼ. Leloʼobaʼ jeʼel xan u páajtal u pʼaʼatal tiʼ le Watch Tower Bible and Tract Society of Pennsylvania, utiaʼal ka meyajnak jeʼel bix kʼaʼabéeteʼ. Tsʼoʼoleʼ jeʼel xan u páajtal u tsʼaʼabal u páajtalil tiʼ u cobrartik le taakʼin ken kíimik u yuumiloʼ.

Terrenoʼob yéetel najoʼob. Jeʼel u páajtal u pʼaʼatal tiʼ u najil Betel terrenoʼob wa najoʼob utiaʼal ka meyajnak jeʼel bix kʼaʼabéeteʼ. Baʼaleʼ wa yaan máax kajakbaleʼ jeʼel u páajtal u pʼáatal kajtal tak ken kíimikeʼ. Utiaʼal u beetaʼal le siibaloʼobaʼ, táanil unaj u tʼaan máak tu najil Betel.

Áantaj ku tsʼaʼabal yoʼolal upʼéel nojoch siibal. Jeʼel u páajtal u pʼaʼatal yaʼabach taakʼin wa upʼéel baʼal jach yaʼab u tojol utiaʼal ka meyajnak tiʼ u najil Beteleʼ, baʼaleʼ cada jaʼabeʼ ku tsʼaʼabal áantaj tiʼ le máax tsʼáaoʼ (wa tiʼ le máax ken u yaʼal ka tsʼaʼabak) tak ken kíimkoʼ. Le máaxoʼob beetik le siibaloʼob beyaʼ, maʼ yaʼab impuesto ku boʼotkoʼob teʼ jaʼab jeʼeloʼ.

Testamentoʼob yéetel u cobrartaʼal interés. Jeʼel u páajtal u pʼaʼatal taakʼin, terrenoʼob wa uláakʼ baʼaloʼob tiʼ le Watch Tower Bible and Tract Society of Pennsylvania, baʼaleʼ leloʼ unaj u beetaʼal yéetel upʼéel testamento tu táan utúul notario. Tsʼoʼoleʼ jeʼel xan u páajtal u yoksaʼal taakʼin teʼ banco utiaʼal ka u cobrart u interesoʼ (fideicomiso). Le máaxoʼob beetik le siibaloʼob beyaʼ maʼ yaʼab impuesto ku boʼotkoʼobiʼ.

Jeʼex u yaʼalik le jaats «siibaloʼob ku chʼaʼatukultaʼal bix kun tsʼaabiloʼ», le siibaloʼob tsʼoʼok aʼalikaʼ unaj u chʼaʼatuklaʼal tubeel. Le máaxoʼob u kʼáat u yojéeltoʼob u maasil yoʼolal bix jeʼel u maas áantajoʼob utiaʼal ka kʼaʼaytaʼak le maʼalob péektsiloʼ, jeʼel u páajtal u xakʼaltkoʼob le folleto Donaciones planificadas para favorecer el servicio del Reino en todo el mundo. Le folletoaʼ ku tsolik bix jejeláas jeʼel u páajtal u siʼibil taakʼin wa uláakʼ baʼaloʼob tiʼ u najil Beteleʼ. Le folletoaʼ tsʼoʼok u péeksik yaʼab máakoʼob u tsʼaʼob nojoch áantaj utiaʼal u kaʼansaʼal yéetel u yáantaʼal yaʼab máakoʼob, yéetel tsʼoʼok xan u jóoʼskoʼob yaʼab utsiloʼob yoʼolal le baʼaxoʼob tsʼoʼok u beetkoʼoboʼ. Wa a kʼáat le folletoaʼ jeʼel u páajtal a kʼáatik teʼ Oficina de Donaciones Planificadas (Charitable Planning Office).

Wa a kʼáat a wojéelt u maasileʼ tsʼíibnen wa tʼaanen teʼ Oficina de Donaciones Planificadas, teʼ dirección yaan kabaloʼ wa jeʼel xan u páajtal a tʼaan tu najil Beteleʼ.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707