Le baʼaxoʼob tu kaʼansaj Jesús tu yoʼolaloʼ

«Jesuseʼ jach u yojel máaxiʼ, tuʼux u taal, baʼaxten taal way Luʼumeʼ yéetel baʼax kun úuchul kaʼach tiʼ.» (HERBERT LOCKYER, ESCRITOR)

UTIAʼAL k-tsʼáaik k-fe tiʼ Jesús yéetel tiʼ le baʼaxoʼob tu kaʼansoʼ, kʼaʼabéet k-kʼaj óoltik maʼalob. Kʼaʼabéet k-ojéeltik máaxiʼ, tuʼux u taal yéetel baʼaxten taali. Lelaʼ tiʼ ku tsoʼolol tu Evangelioiloʼob Mateo, Marcos, Lucas yéetel Juan. Le baʼaxoʼob ku chíikpajal teʼ Evangelioʼobaʼ Jesús aʼalmil.

Jesuseʼ yaniliʼi táanil tiʼ u taal way Luʼumeʼ Utéenjeakileʼ, Jesuseʼ tu yaʼalaj: «Maʼiliʼ síijik Abrahameʼ, yaniliʼen teneʼ» (Juan 8:58). Wa Jesús síij dos mil jaʼaboʼob tsʼoʼokok u kíimil Abrahameʼ, ¿jach wa tu jaajil yaniliʼi Jesús teʼ kaʼanoʼ? Letiʼeʼ tu yaʼalaj: «Tsʼoʼok in wéemel teʼ kaʼan[oʼ]» (Juan 6:38, LTN).

U Hijo Dios Kex yaʼab u paalaloʼob Jéeoba yaan teʼ kaʼanoʼ Jesuseʼ maʼ jeʼex u maasileʼ. Tak letiʼ aʼaleʼ, letiʼeʼ: «U juntúuliliʼ [...] Paal Jajal Dios» (Juan 3:18). Tumen tu juunal Jéeoba beet Jesuseʼ, jeʼel u páajtal k-aʼalikeʼ u juntúuliliʼ Paal Dios. Ka tsʼoʼok túun u beetaʼal Jesuseʼ tu yáantaj u Taata u beet tuláakal le uláakʼ baʼaloʼoboʼ (Colosailoʼob 1:16).

«U Paal Máak» Le tʼaanaʼ yaʼab utéenel meyajnaj tiʼ Jesús utiaʼal u tʼaan tiʼ letiʼ (Mateo 8:20). Yéetel lelaʼ tu yeʼeseʼ letiʼeʼ utúul máak jeʼex toʼoneʼ maʼ utúul angeliʼ mix Dios tu sutuba máakiliʼ. Dioseʼ yéetel u espíritu santoeʼ tu máansaj u kuxtal u Hijo tu jobnel María. Bey túunoʼ Jesuseʼ lukʼ teʼ kaʼan tuʼux kajaʼan kaʼach utiaʼal ka taalak síijil way Luʼum bey utúul máak minaʼan u kʼebaneʼ (Mateo 1:18; Lucas 1:35; Juan 8:46).

Letiʼe Mesías aʼalaʼan u taaloʼ Utéenjeakeʼ utúul samaritanaeʼ tu yaʼalaj tiʼ Jesús: «Teneʼ in wojel yaan u taal le Mesíasoʼ», Jesús túuneʼ tu núukajtiʼ: «Teen, le máax ku tʼaan ta wéetel[aʼ]» (Juan 4:25, 26, LTN). Le tʼaan mesías yéetel cristooʼ u kʼáat u yaʼaloʼob: «le máax yéeyaʼanoʼ». Lelaʼ u kʼáat u yaʼaleʼ Jesuseʼ yéeyaʼab tumen Dios utiaʼal u tsʼoʼokbesik le baʼaxoʼob u yaʼalmaj Dios u beetikoʼ.

Le meyaj túuxtaʼab u beetoʼ Letiʼeʼ tu yaʼalaj baʼax meyajil taal u beete: «Kʼaʼabéet in tsʼáaik u maʼalob péektsilil u [reino] Jajal Dios tiʼ uláakʼ kaajoʼob xan, tumen le u biilal túuxtaʼabilaken» (Lucas 4:43). Kex tu beetaj yaʼab baʼaloʼob maʼalobtak tu yoʼolal le máakoʼoboʼ, utiaʼal letiʼeʼ maas kʼaʼanan u yilik u kʼaʼaytik u maʼalob péektsilil u Reino Dios. Baʼaleʼ maas táanileʼ yaan u tsoʼolol baʼaxoʼob tu kaʼansaj Jesús yoʼolal le Reinoaʼ.

Le baʼaxoʼob tsʼoʼok ilik tak beoraaʼ ku yeʼesikeʼ Jesuseʼ maʼ chéen utúul wíinikiʼ. * Jeʼex ken k-il teʼ tuláakʼ xookoʼoboʼ le baʼaxoʼob tu kanaj teʼ kaʼanoʼ áantajnaj utiaʼal u maas maʼalobkíintik u kaʼansaj way Luʼumeʼ. Le baʼaxoʼob tu kaʼansaj Jesusoʼ tsʼoʼok u beetik u kʼexik u kuxtal u millonesi máakoʼob tiʼ tuláakal yóokʼol kaab.

[Tsolajiloʼob]