Dioseʼ minaʼan u yatan utiaʼal ka yanak u paalal yéetel. Baʼaleʼ Dios beetmil tuláakal baʼal kuxaʼan. Le ka beetaʼab wíinikeʼ tsʼaʼab páajtalil tiʼ utiaʼal u yeʼesik le jatsʼuts modos yaan tiʼ Diosoʼ. Le oʼolal ku yaʼalaʼaleʼ Adán, le yáax wíinik beetaʼaboʼ, «u paal Dios». Tiʼ Jesús xaneʼ ku yaʼalaʼal «u Paal Dios», tumen ku páajtal u yeʼesik le modos yaan tiʼ u Taataoʼ. (Xok Lucas 3:38; Juan 1:14, 49.)

Dioseʼ tu beetaj Jesús táanil tiʼ u beetik Adán. Tsʼoʼoleʼ Jesuseʼ múul meyajnaj yéetel u Taata utiaʼal u beetkoʼob le angeloʼob yéetel le uláakʼ baʼaloʼoboʼ. Le oʼolal le Bibliaoʼ ku yaʼalikeʼ Jesuseʼ «u yáaxil tiʼ tuláakal baʼax yaan». (Xok Colosailoʼob 1:15, 16.)

Le maʼ síijik Jesús tu kaajil Belenoʼ kuxaʼan bey juntúul ángel teʼ kaʼanoʼ. Ka kʼuch u kʼiinileʼ Dioseʼ tu máansaj u kuxtal Jesús tu jobnel María utiaʼal síijil bey wíinikeʼ. (Xok Lucas 1:30-32; Juan 6:38; 8:23.)

¿Baʼaxten Dioseʼ tu beetaj u síijil Jesús bey wíinik way Luʼumeʼ? ¿Baʼax meeyjil jach kʼaʼanaʼan tsʼaʼab tiʼ Jesús? Teʼ Bibliaoʼ jeʼel u páajtal a kaxtik u núukil le kʼáatchiʼobaʼ. Wa ka beetik beyoʼ yaan a maas naʼatik le jatsʼuts baʼal tu beetaj Dios yéetel Jesús ta woʼolaloʼ.