Ka tu beetaj wíinikeʼ, Dioseʼ úuchiliʼ u beet u millonesil angeloʼobeʼ (Job 38:4, 7). Kex maʼ tu páajtal k-ilkoʼobeʼ le angeloʼoboʼ yaan u páajtaliloʼob. U meyajoʼobeʼ u beetkoʼob baʼax ku yaʼalik Dios. Yaan kʼiineʼ ku túuxtaʼaloʼob u yáant wa u kanáant le utsul wíinikoʼoboʼ (Salmo 91:10, 11). Bejlaʼeʼ táan u yáantkoʼob máak utiaʼal u yuʼubik le maʼalob péektsil táan u kʼaʼaytaʼaloʼ (Xok Apocalipsis 14:6, 7.)

¿Unaj wa k-orar tiʼ le angeloʼob utiaʼal u yáantkoʼonoʼoboʼ? Maʼ, tumen le oracionoʼ táakaʼan ichil le adoracionoʼ, tsʼoʼoleʼ chéen Dios unaj k-adorartik (Apocalipsis 19:10). Le angeloʼoboʼ u j-meyajoʼob Dios; chéen ku yuʼubikoʼob u tʼaan Dios, maʼ u tʼaan wíinikoʼobiʼ. Le oʼolaleʼ unaj k-orar chéen tiʼ Dios tu kʼaabaʼ Jesús. (Xok Salmo 103:20, 21; Mateo 26:53.)

Jeʼex wíinikeʼ, le angeloʼoboʼ beetaʼanoʼob yéetel u páajtalil u yéeyikoʼob baʼax uts wa baʼax kʼaas. Baʼaleʼ yaʼab tiʼ letiʼobeʼ tu sutubaʼob tu contra Dios (2 Pedro 2:4). Le yáax juntúul kʼaschajoʼ Satanás; le uláakʼ angeloʼob binoʼob tu paachoʼ suunajoʼob demonioʼob. Maʼ sen úucheʼ jóoʼsaʼab Satanás yéetel u demonioʼob teʼ kaʼanoʼ ka puʼuloʼob way Luʼumeʼ. (Xok Apocalipsis 12:7-9.)

Le kʼasaʼanil yéetel le loobil tsʼoʼok u yaʼabtal desde 1914, ku yeʼesik jach taʼaytak u luʼsaʼal u páajtalil Satanás yéetel le demonioʼoboʼ. Dios túuneʼ yaan u yutskíintik yéetel u jatsʼutskíintik le Luʼumaʼ. (Xok Apocalipsis 12:12; 21:3, 4.)