Maʼ xaaneʼ maases kʼaj óolaʼanoʼon yoʼolal le kʼaʼaytaj k-beetkoʼ. K-kʼaʼaytaj joonaj joonajil bey xan tuʼux yaʼab u máan máak. ¿Baʼaxten k-beetik?

Toʼon u j-jaajkunajoʼon Jéeobaeʼ k-kʼaʼaytaj utiaʼal k-alabartik Dios bey xan utiaʼal k-tsʼáaik kʼaj óoltbil u kʼaabaʼ (Hebreoʼob 13:15). Tsʼoʼoleʼ bey tu yaʼalil Jesús ka k-beetoʼ: «Xeeneʼex tu yiknal u máakiloʼob tuláakal kaajoʼobeʼ ka a beeteʼexoʼob disipuloʼob, [...] táan a kaʼanskeʼexoʼob u tsʼoʼokbesoʼob tuláakal le baʼaxoʼob tsʼoʼok in waʼalikteʼex ka a beeteʼexoʼ» (Mateo 28:19, 20).

K-kʼaʼaytaj xan tumen k-yaabiltmaj k-éet máakil (Mateo 22:39). K-ojel u maas yaʼabil le máakoʼoboʼ yaan u religionoʼob yéetel k-ojel xaneʼ yaan máakoʼob maʼ uts tu tʼaan u yuʼubikoʼob baʼax k-tsikbaltkiʼ. Pero le baʼaxoʼob ku yaʼalik le Bibliaoʼ jeʼel u yáantaj utiaʼal u salvarkuba máakeʼ, le oʼolal ‹maʼ tu xuʼul k-kaʼansik yéetel k-kʼaʼaytik le maʼalob péektsil yaan yil yéetel Jesucristo› jeʼex tu beetil le cristianoʼob teʼ yáax siglooʼ (Baʼaxoʼob [Hechos] 5:41, 42).

U maas yaʼabil le máaxoʼob xokik k-publicacionoʼoboʼ maʼ j-Jaajkunajoʼobiʼ. Tsʼoʼoleʼ u millonesil máakoʼobeʼ kex yaanal u religionoʼobeʼ ku xokikoʼob le Biblia t-éeteloʼ yéetel kiʼimak u yóoloʼob ikil u yáantaʼaloʼob.

Maʼ xaaneʼ yaan uláakʼ baʼax a kʼáat a wojéelt t-oʼolal. Jejeláas bix jeʼel u páajtal a wojéeltikeʼ:

• Tʼaanen yéetel juntúul u j-jaajkunaj Jéeoba.

• Ooken Internet teʼ www.dan124.com/yua.

• Koʼoten teʼ tuʼux k-muchʼikbaoʼ. Gratis. Jeʼel máaxak jeʼel u páajtal u taaleʼ.