LE PAALALOʼOBOʼ TAAK U YOJÉELTIKOʼOB
¿Bix in wilaʼal tumen u maasil?
¿Baʼaxten kʼaʼabéet u kanáantik máak bix u vestirkuba? Tumen ku kʼaj óoltaʼal máak yoʼolal bix u vestirkuba. ¿Kux túun teech bix kʼaj óoltaʼanilech?
Óoxpʼéel baʼax maʼ unaj a beetik kéen a wil baʼax nookʼil ken a tsʼáae
Maʼ a beetik lelaʼ #1: Maʼ a manik le nookʼ chéen tumen tu sen anunciartaʼaloʼ.
Juntúul x-chʼúupal ku kʼaabaʼtik Teresaeʼ ku yaʼalik: «Yaan kʼiineʼ ku taaktal a manik junpʼéel nookʼ chéen tumen tu sen anunciartaʼal. Como tuláakal tuʼux táan u anunciartaʼaleʼ ku yokol tu tuukul máak u manik».
Le jeʼeloʼ maʼ chéen tiʼ le x-chʼúupalaloʼob ku yúuchloʼ. Junpʼéel libroeʼ ku yaʼalik: «Le xiʼipalaloʼob xanoʼ láayliʼ uts tu tʼaan u vestirkubaʼob yéetel le nookʼ de moda yaniloʼ. Le anuncioʼoboʼ desde tu chichnil le paalaloʼoboʼ ku beetkoʼob u taaktal u manikoʼob le baʼaxoʼob ku koʼonoloʼ» (The Everything Guide to Raising Adolescent Boys).
Lelaʼ jeʼel u yáantkecheʼ: Le Bibliaoʼ ku yaʼalik: «Le máax maʼ jach yaan u naʼatoʼ ku creertik tuláakal baʼax ku yaʼalaʼal, pero le máax yaan u naʼatoʼ ku jach ilik tuʼux ku tsʼáaik u yook» (Proverbios 14:15). Jeʼex u yaʼalik le tekstooʼ maʼalob ka a tukult baʼaxten táan u anunciartaʼal wa baʼax. Por ejemploeʼ le kéen a wil táan u anunciartaʼal junpʼéel nookʼ jach tetepʼkil yéetel kóomeʼ maʼalob ka tuukulnakech tiʼ lelaʼ:
«¿Máax ken u jóoʼs u yutsil wa kin manik le nookʼaʼ?»
«¿Baʼax ken u tukult u maasil wa kin tsʼáaik le clase nookʼaʼ?»
«¿Yaan wa u yeʼesik jach bix in modos le nookʼaʼ?»
Jeʼel u páajtal a beetik lelaʼ: Ichil junpʼéel semanaeʼ ilawil bix le anuncioʼob tuʼux ku koʼonol nookʼoʼ. Kéen tsʼoʼokkeʼ tuukulnen tiʼ lelaʼ: «¿Bix le clase nookʼ ku anunciartaʼaloʼ? Le anuncioʼoboʼ, ¿chéen wa u kʼáatoʼob ka in tsʼíibolt in manik junpʼéel clase nookʼ de moda yanil?». Juntúul x-chʼúupal ku kʼaabaʼtik Kereneʼ ku yaʼalik: «Le máaxoʼob beetik le anuncioʼoboʼ u yojloʼobeʼ le paalaloʼoboʼ jach séeb jeʼel u manikoʼob le nookʼ ku sen anunciarkoʼoboʼ. Letiʼobeʼ u yojloʼobeʼ le paalaloʼoboʼ u kʼáatoʼob ka ilaʼak maʼalob u vestirmilubaʼob, u tsʼaamoʼob nookʼ de moda yéetel jach u kanáantmaj u wíinkliloʼob».
Maʼ a beetik lelaʼ #2: Maʼ a tsʼáaik junpʼéel nookʼ de moda yanil chéen utiaʼal maʼ u yaʼalaʼaltech baʼal.
Juntúul xiʼipal ku kʼaabaʼtik Manueleʼ ku yaʼalik: «Wa junpʼéel nookʼ de moda yanileʼ óoliʼ tuláakal máak tsʼáaik. Wa maʼ ta tsʼáaik xaneʼ ku yaʼalaʼaltech baʼal». Juntúul x-chʼúupal ku kʼaabaʼtik Anaeʼ ku yaʼalik xan: «Teneʼ kin tsʼáaik le nookʼ de modaoʼ tumen jach importante in wilik ka u bisuba u maasil tin wéeteloʼ».
Lelaʼ jeʼel u yáantkecheʼ: Le Bibliaoʼ ku yaʼalik: «Xuʼuluk xan a kuxtaleʼex jeʼex u máakiloʼob le yóokʼol kaabaʼ» (Romanos 12:2). Yoʼolal le baʼax ku yaʼalik le tekstoaʼ ilawil bix le clase nookʼ suuk a tsʼáaikoʼ yéetel tuukulnen tiʼ lelaʼ:
«¿Baʼaxten letiʼe clase nookʼ suuk in tsʼáaikaʼ?»
«¿Jach wa importante in wilik in tsʼáaik nookʼ de marca?»
«¿Kin tsʼáaik wa chéen utiaʼal in presumirtik tiʼ u maasil?»
Jeʼel u páajtal a beetik lelaʼ: Maʼ a tsʼáaik junpʼéel nookʼ de moda chéen utiaʼal u biskuba u maasil ta wéetel. Baʼaxeʼ tsʼáa junpʼéel nookʼ uts ta wich yéetel ku yeʼesik jach bix a modos. Wa jatsʼuts a wilik le nookʼ ka tsʼáaik yéetel kiʼimak a wóol tu yéeteleʼ maʼ kan sen tuukul tiʼ baʼax ken u yaʼal u maasil.
Maʼ a beetik lelaʼ #3: Maʼ tuklik wa tumen maas tetepʼkil yéetel kóomeʼ maas maʼalob.
Juntúul x-chʼúupal ku kʼaabaʼtik Jennifereʼ ku yaʼalik: «Yaan horaeʼ ku taaktal in tsʼáaik junpʼéel nookʼ jach tetepʼkil yéetel kóom».
Lelaʼ jeʼel u yáantkecheʼ: Le Bibliaoʼ ku yaʼalik: «A jatsʼutsileʼexeʼ maʼ u yantal yóoʼkabil, [...] baʼaxeʼ a jatsʼutsileʼexeʼ unaj u yantal tu tsʼuʼ a puksiʼikʼaleʼex» (1 Pedro 3:3, 4). Jeʼex u yaʼalik le tekstooʼ baʼax maas maʼalob, ¿a kʼaj óoltaʼal yoʼolal le clase nookʼ ka tsʼáaikoʼ wa yoʼolal bix a modos?
Jeʼel u páajtal a beetik lelaʼ: Le baʼax jach tu jaajil jatsʼutskíintik máakoʼ letiʼe maʼ u creerkubaoʼ. Bejlaʼe óoliʼ tuláakal máak ku creerkuba, chéen baʼaleʼ tuukulnen tiʼ lelaʼ:
¿Tsʼoʼok wa u tocar a tsikbal yéetel máax maʼ tu xuʼulul u tsikbal chéen tu yoʼolal? Maʼ xaaneʼ tsʼoʼokiʼ, chéen baʼaleʼ le máaxoʼob beetik beyoʼ maʼ tu tsʼáaikoʼob cuenta chéen ku náachkuntkoʼob u maasil tiʼ letiʼob.
Le nookʼ ka tsʼáaikoʼ bey jeʼex ka tsikbalnakech chéen ta woʼolaleʼ tumen jeʼel u beetik u náachtal u maasil tiʼ techeʼ
Bey xan u yúuchul yéetel le nookʼ ka tsʼáaikoʼ. Wa ka tsʼáaik nookʼ jach tetepʼkil yéetel jach kóomeʼ yaan u tuklaʼal jach ka creerkaba wa chéen a kʼáat ka ilaʼakech. Tsʼoʼoleʼ jeʼel xan a beetik u tuklaʼal yaanal baʼaleʼ.
Wa maʼ a kʼáat ka tuukulnak kʼaas u maasil ta woʼolaleʼ kanáant bix a vestirkaba. Juntúul x-chʼúupal ku kʼaabaʼtik Monicaeʼ ku yaʼalik: «A kanáantik bix a vestirkabaeʼ maʼ u kʼáat u yaʼal wa yaan a vestirkaba jeʼex a abuelaeʼ. Baʼaxeʼ u kʼáat u yaʼal ka kanáantkaba yéetel ka respetartik u maasil».
Maʼ xaaneʼ jeʼel u yutstal xan ta wicheʼ
BAʼAX KU YAʼALIK ULÁAKʼ PAALALOʼOB
¿Baʼaxten maʼ unaj a sen tuukul yoʼolal bix a wilaʼaliʼ?
Ojéelt bix jeʼel a controlartik bix a wuʼuyikabaeʼ.
BAʼAX KU YAʼALIK ULÁAKʼ PAALALOʼOB
Baʼax ku yaʼalik uláakʼ paalaloʼob teʼ video, bix a wilaʼal
¿Baʼaxten jach ku preocupar le paalaloʼob yoʼolal bix u yilaʼaloʼob tumen u maasiloʼ? ¿Baʼax jeʼel u yáantkoʼobeʼ?
