¿Baʼaxten u testigoʼob Jéeobaeʼ maʼ tu adorarkoʼob le cruzoʼ?
Yaʼab máak tuklikeʼ le cruzoʼ letiʼe baʼax eʼesik ku creertik máak Jesúsoʼ. U testigoʼob Jéeobaeʼ ku creerkoʼob Jesús. Chéen baʼaleʼ, ¿baʼaxten túun maʼ tu adorarkoʼob le cruzoʼ?
Le Bibliaoʼ maʼatech u yaʼalik wa Jesúseʼ chʼuykíintaʼab tiʼ junpʼéel cruz le ka kíimoʼ, baʼaxeʼ tiʼ junpʼéel cheʼ. Jach claro xan u yaʼalik tiʼ le máaxoʼob creertik Jesúsoʼ: «Maʼ a adorarkeʼex imagenoʼob». Tsʼoʼoleʼ u adorartaʼal le cruzoʼ láayliʼ bey ka adorartaʼak imagenoʼobeʼ (1 Corintios 10:14; 1 Juan 5:21).
Jesúseʼ tu yaʼalaj bix kun kʼaj óoltbil u discípuloʼob. Letiʼeʼ tu yaʼalaj : «Wa ka paklan yaabiltikabaʼexeʼ tuláakal máak ken u yojéelteʼ teʼexeʼ in discípuloʼex» (Juan 13:34, 35). Jeʼex túun k-ilkoʼ u discípuloʼob Jesúseʼ yaan u kʼaj óoltaʼaloʼob tumen ku yeʼeskoʼob yaabilaj, maʼ tumen ku adorarkoʼob le cruzoʼ wa uláakʼ imagenoʼobiʼ.
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Kíim wa Jesús tiʼ junpʼéel cruz?
Utiaʼal yaʼab máakoʼobeʼ le cruzoʼ junpʼéel baʼal jach importante tumen ku yeʼesik yaan u fejoʼob tiʼ Jesús. ¿Unaj wa túun u meyajtoʼon utiaʼal k-adorartik Dios?
BAʼALOʼOB KʼAʼANAʼANTAK KU KAʼANSIK LE BIBLIAOʼ
¿Unaj wa u meyajtoʼon imágenoʼob utiaʼal k-adorartik Dios?
¿Yaan wa baʼax jeʼel u yáantkoʼon utiaʼal k-náatsʼal tiʼ juntúul Dios maʼ tu páajtal u yilaʼaleʼ?
U KAʼANSAJ LE BIBLIAOʼ
Kʼáat ka tsʼaʼabaktech xook
Kʼáat ka tsʼaʼabaktech xook yéetel le Bibliaoʼ, ilawil bix jeʼel a beetik le baʼax ka kanikoʼ.