你睇过呢本册子所讲嘅基本道理之后，系唔系加深咗对上帝嘅爱呢？不过，你要继续努力培养呢种爱。（彼得前书2:2）你有冇希望永远快乐噉生活落去，就视乎你系唔系继续学习圣经，继续同上帝做朋友嘞。 请读约翰福音17:3；犹大书21

你加深对上帝嘅认识，对佢嘅信心就会更强。信心会推动你做上帝悦纳嘅事。（希伯来书11:1,6）你嘅信心会促使你悔改，喺生活上作出好嘅改变。 请读使徒行传3:19

人人都想将好消息分享俾其他人知。你学咗圣经嘅宝贵真理，自然好想同其他人分享。你继续学习圣经，就能够学识用圣经向人解释呢个好消息，解释点解你相信上帝。 请读罗马书10:13-15

好多人会先同亲戚朋友分享圣经嘅好消息，不过要机巧一啲，唔好批评佢哋所信嘅系错嘅，应该话俾佢哋知上帝有乜嘢应许；亦都要留意你嘅行为，因为人哋通常留意嘅，往往系你嘅好行为，多过你讲嘅嘢。 请读提摩太后书2:24,25

学习圣经能够帮助你喺灵性上进步，做上帝喜欢嘅事。噉你就能够加入上帝嘅大家庭，而且同上帝有亲密嘅关系。 请读哥林多后书6:18

你继续学习圣经，就能够学识点样按圣经嘅话去生活。（希伯来书5:13,14）耶和华见证人好乐意帮助你学习圣经，通常佢哋会用《圣经点讲？》作为课本。你对圣经嘅认识越深，生活就会越幸福快乐。 请读诗篇1:1-3；73:27,28

圣经嘅好消息嚟自快乐嘅上帝耶和华。你同崇拜上帝嘅人做朋友，同上帝嘅关系就会更亲密。（希伯来书10:24,25）你继续努力令上帝欢喜，就有希望永远快乐噉生活落去。毫无疑问，同上帝做朋友系最有价值嘅！ 请读提摩太前书1:11；6:19