我哋​每​個​人​都​好想​過​快樂​嘅​生活。不過​喺​最後​嘅​日子，人人​都​會​面對“難以​應付”嘅​考驗。（提摩太後書​3:1）失業、唔​公平、健康​問題、痛​失​親友，或者​其他​原因​造成​嘅​壓力​同​悲痛​都​會​使​人​慢慢​失去​喜樂。上帝​嘅​僕人​都​有​可能​變​得​灰心，失去​喜樂。如果​呢啲​情況​發生​喺​你​身上，你​可以​點樣​再次​得到​喜樂？

如果​想​知道​呢個​問題​嘅​答案，我哋​首先​需要​明白​真正​嘅​喜樂​係​乜嘢​意思，了解​其他​人​喺​考驗​下​點樣​保持​喜樂。跟住，我哋​會​討論​可以​點樣​保持，甚至​增加​自己​嘅​喜樂。

喜樂​唔​係​只係​開心​興奮​嘅​意思。例如，一​個​人​飲​醉酒​嗰時​睇​起嚟​好​開心，不過​清醒​之後，佢​仲係​會​因​生活​嘅​難題​而​憂慮。呢​種​短暫​嘅​開心​興奮​唔​係​真正​嘅​喜樂。（箴言​14:13）

相反，喜樂​係​我哋​得到​或者​期待​得到​美好​事物​嘅​時候，喺​内心​産生​嘅​一​種​强烈​感覺。一​個​喜樂​嘅​人，無論​情況​好​壞，都​能够​保持​快樂。（帖撒羅尼迦前書​1:6）就算​佢​因​某​啲​事​煩惱，内心​依然​能够​保持​喜樂。例如，使徒​曾經​因為​傳講​基督​而​俾​人​鞭打。不過，“佢哋​離開​公議會，因為​有​榮幸​配​得​為​主​嘅​名​受​辱，就​歡​歡喜​喜”。（使徒行傳​5:41）當然，佢哋​唔​係​因為​俾​人​鞭打​而​開心，而係​因為​自己​對​上帝​保持​忠貞​而​享有​真正​嘅​喜樂。

喜樂​唔​係​與​生​俱​來​嘅，亦​都​唔​係​自然​就​有​嘅。點解？因為​真正​嘅​喜樂​係​聖靈​果實​嘅​一​部分。喺​上帝​聖靈​嘅​幫助​下，我哋​可以​培養“新​品格”，而“新​品格”亦​都​包括​喜樂。（以弗所書​4:24；加拉太書​5:22）我哋​努力​培養​喜樂​呢​種​特質，就​可以​用​更加​積極​嘅​態度​嚟​應付​生活​嘅​壓力。

耶和華​希望​地上​充滿​美好​嘅​事，而​唔​係​今日​我哋​常​見​嘅​壞事。雖然​有​人​做​壞事，但係​呢個​都​冇​令​耶和華​失去​喜樂。聖經​話：“能力​同​喜樂​喺​佢​嘅​聖​所​當中。”（歷代志上​16:27）上帝​嘅​僕人​成就​咗​好多“使［耶和華］嘅​心​歡喜”嘅​事。（箴言​27:11）

有時​事情​嘅​發展​唔​係​我哋​所​期望​嘅​噉，不過​我哋​都​可以​效法​耶和華，保持​喜樂。與其​過度​憂慮，我哋​不如​多​啲​諗​吓​而 家​得到​嘅​福分，同時​耐心​等候​前頭​更​美好​嘅​事。 *

聖經​記載​咗​好多​例子，表明​人​喺​艱難​嘅​情況​下​仍然​能够​保持​喜樂。亞伯拉罕​就係​其中​一​個​例子。佢​因為​其他​人​嘅​緣故​而​面​臨​生命​危險，不過​喺​咁​大​嘅​壓力​下，佢​依然​保持​喜樂。（創世記​12:10-20;14:8-16;16:4,5;20:1-18;21:8,9）點解​佢​做​得到？佢​清楚​知道​自己​嘅​希望​係​喺​彌賽亞​統治​下​嘅​新世界​生活。（創世記​22:15-18；希伯來書​11:10）耶穌​話：“你哋​嘅​父​亞伯拉罕​歡​歡喜​喜​噉​希望​睇見​我​嘅​日子”。（約翰福音​8:56）我哋​可以​效法​亞伯拉罕，細​想​前頭​嘅​喜樂。（羅馬書​8:21）

好似​亞伯拉罕​一樣，使徒​保羅​同​佢​嘅​同伴​西拉​亦​都​將​注意力​集中​喺​上帝​嘅​應許​之​上。雖然​經歷​咗​好多​困難，但係​佢哋​堅强​嘅​信心​可以​使​佢哋​保持​喜樂。例如，保羅​同​西拉​俾​人​鞭打​完，韞​咗​入​監​之後，喺“半夜，［佢哋］禱告，唱​歌​讚美​上帝”。（使徒行傳​16:23-25）保羅​同​西拉​從​將來​嘅​希望​得到​力量，亦​都​因​自己​可以​為​基督​嘅​名​受苦​而​感到​喜樂。如果​我哋​緊記​自己​對​耶和華​保持​忠貞​所​得到​嘅​美好​結果，就係​效法​保羅​同​西拉​嘞。（腓立比書​1:12-14）

今日，有​好多​弟兄​姊妹​喺​考驗​之下​仍然​保持​喜樂，係​我哋​嘅​好​榜樣。例如，2013​年​11​月，超​强​颱風​海燕​吹襲​菲律賓​中部，摧毁​咗​超過​一千​個​見證人​家庭​嘅​房屋。喬治​喺​塔克洛班​市​嘅​房屋​俾​颱風​完全​摧毁。佢​話：“雖然​係​噉，弟兄​姊妹​仲係​保持​喜樂。呢​種​喜樂​好​難​用​言語​嚟​形容。”喺​遇​到​艱難​情況​嘅​時候，如果​我哋​懷​住​感激​之​心​去​沉思​耶和華​為​我哋​所​做​嘅，就​可以​繼續​保持​喜樂。耶和華​賜​俾​我哋​乜嘢​福分，使​我哋​感到​喜樂？

我哋​同​耶和華​享有​親密​嘅​關係，係​我哋​感到​喜樂​嘅​最​主要​原因。請​諗​吓：我哋​有​機會​認識​宇宙​嘅​至高​主宰；佢​係​我哋​嘅​父親、上帝，仲係​我哋​嘅​朋友！（詩篇​71:17,18）

我哋​亦​都​好​感激​耶和華​賜​俾​我哋​永生，而且​使​我哋​能够​享受​生命。（傳道書​3:12,13）耶和華​俾​機會​我哋​親近​佢，使​我哋​明白​佢​對​我哋​嘅​旨意。（歌羅西書​1:9,10）所以，我哋​知道​人生​真正​嘅​意義​同​方向。但係，世上​大多數​人​都​唔​清楚​人生​有​乜嘢​意義。對於​呢​種​情況，保羅​話：“‘上帝​為​愛​佢​嘅​人​所​預備​嘅，係​眼睛​冇​見​過，耳朵​冇​聽​過，連​人心​裏​諗​都​冇​諗​過​嘅。’但係​上帝​就​用​聖靈​向​我哋​啟示​呢​一切”。（哥林多前書​2:9,10）能够​明白​上帝​嘅​旨意，唔​係​令​我哋​感到​非常​喜樂​咩？

耶和華​仲​為​我哋​做​咗​好多​事。佢​使​我哋​嘅​罪​得到​寬恕。（約翰一書​2:12）佢​使​我哋​有​希望​喺​即將​到​來​嘅​新世界​生活。（羅馬書​12:12）而家，耶和華​使​我哋​可以​同​全球​嘅​弟兄​姊妹​一齊​並肩​事奉​佢。（詩篇​133:1）耶和華​亦​都​保護​佢​嘅​子民​免​受​撒但​同​邪靈​嘅​傷害。（詩篇​91:11）如果​我哋​沉思​上帝​所​賜​嘅​呢啲​福分，我哋​就​會​感到​更加​喜樂。（腓立比書​4:4）

一​個​喜樂​嘅​基督徒​可唔可以​有​更​多​喜樂​呢？耶穌​話：“我​將​呢啲​事​話​俾​你哋​知，係​要​你哋​心​入面​有​我​噉樣​嘅​喜樂，噉​你哋​嘅​喜樂​就係​完​完全​全​嘅。”（約翰福音​15:11）呢​句​話​表明​我哋​嘅​喜樂​能够​不斷​增加。我哋​可以​將​喜樂​比喻​成​一​團​火。只要​加​柴，火​就​會​燒​得​更​旺。同樣，添加​屬靈​嘅​燃​料​就​可以​增加​我哋​嘅​喜樂。要​記住，上帝​嘅​聖靈​就係​促進​喜樂​嘅​燃​料。所以，我哋​經常​懇切​祈求​上帝​賜​我哋​聖靈，而且​沉思​受​聖靈​啟示​嘅​聖經，就​可以​更加​喜樂。（詩篇​1:1,2；路加福音​11:13）

我哋​可以​得到​更​多​喜樂​嘅​另​一​個​方法​係，積極​去​做​耶和華​喜悦​嘅​事。（詩篇​35:27;112:1）點解？因為​耶和華​創造​我哋，要​我哋​遵行​佢​嘅​旨意。聖經​話，我哋​被​設計​成“要​敬畏​上帝，謹守​佢​嘅​誡命。人​嘅​義務​全​在​乎​呢​一​點”。（傳道書​12:13）所以，我哋​事奉​耶和華，就​會​得到​人生​最​大​嘅​喜樂。 *

隨​住​喜樂​不斷​增加，我哋​會​體驗​到​越來越​多​嘅​益處。例如，我哋​喺​任何​困境​下​都​依然​喜樂​噉​事奉​耶和華，就​可以​令​天父​喜悦。（申命記​16:15；帖撒羅尼迦前書​5:16-18）由於​有​真正​嘅​喜樂，我哋​棄絶​屬​肉體​嘅​生活​方式，更​願意​作出​犧牲​支持​上帝​王國。（馬太福音​13:44）呢啲​犧牲​所​帶​嚟​嘅​成果，會​使​我哋​感到​更加​喜樂、心滿意足，亦​都​會​使​其他​人​更加​快樂。（使徒行傳​20:35；腓立比書​1:3-5）

美國​内布拉斯加​大學​嘅​一​位​研究​人員，睇​咗​大量​同​健康​研究​有關​嘅​數據​之後​話：“如果​而家​你​嘅​生活​既​快樂​又​滿足，噉​你​就​會​更​容易​保持​健康。”呢​點​同​聖經​所​講​嘅​一致。聖經​話：“喜樂​嘅​心​係​治​病​良藥”。（箴言​17:22）冇錯，一​個​人​越​喜樂，佢​嘅​身體​可能​就​會​越​健康。

所以，即使​我哋​生活​喺​壓力​重重​嘅​時期，我哋​都​可以​通過​禱告、研讀​同埋​沉思​耶和華​嘅​話語​得到​聖靈，培養​出​真正​同​恆久​嘅​喜樂。我哋​沉思​而家​享有​嘅​福分，效法​其他​忠心​嘅​人​以及​遵行​上帝​嘅​旨意，就​可以​更加​喜樂，仲​會​體驗​到​詩篇​64:10​嘅​話​幾​咁​真實。呢​節​經文​話：“義人​要​因​耶和華​而​歡喜，向​佢​尋求​庇護”。