Según ti encuesta ni bi’ni’ Centros para el Control y la Prevención de Enfermedades, stiʼ guidxi Estados Unidos, biaʼ galaa de ca joven ni napa entre 15 ne 19 iza guni’ca’ maʼ gúpacaʼ sexo oral. a Sharlene Azam, ni bicaa libru Oral Sex Is the New Goodnight Kiss (Sexo oral: el nuevo beso de buenas noches), guníʼ: «Pa guiní’nelu’ tuuxa adolescente de sexo oral la? zaniʼbe normal ni para binni». Laaca guniʼbe: «Ni dxandíʼ la? riníʼ íquecabe cadi relación sexual ni».

•  ¿Xi riníʼ íqueluʼ?

•  ¿Xi peʼ nga laani yaʼ?

•  ¿Ñee risaca peʼ ni la?

 Bicabi ya o coʼ.

1.   ¿Ñee zanda gacaxiiñiʼ ti baʼdudxaapaʼ pa gapa sexo oral la?

   1.   Ya

   2.   Coʼ

2.   ¿Ñee zanda gaca huará binni pa gapa sexo oral la?

   1.   Ya

   2.   Coʼ

3.   ¿Ñee laaca relación sexual nga gapa binni sexo oral la?

   1.   Ya

   2.   Coʼ

 Bichaaga respuesta stiluʼ né ca ni zeeda xagueteʼ riʼ.

1.   ¿Ñee zanda gacaxiiñiʼ ti baʼdudxaapaʼ pa gapa sexo oral la?

    Respuesta: Coʼ. Ne ndiʼ nga tobi de ca razón ni rucaa stale binni guiníʼ ique cadi malu sexo oral.

2.   ¿Ñee zanda gaca huará binni pa gapa sexo oral la?

    Respuesta: Ya. Tu gapa sexo oral zanda gaca huará de hepatitis A o B, guiree verruga lu genital stiʼ, gonorrea, herpes, sida o sífilis.

3.   ¿Ñee laaca relación sexual nga gapa binni sexo oral la?

    Respuesta: Ya. Ra canaʼ o iquiiñeʼ tuuxa ca organo genital stiʼ sti binni maʼ relación sexual ni, dede né gápacaʼ sexo oral o anal ne guni masturbarcaʼ sti binni.

 Guidúʼyanu xi cayabi Biblia laanu de sexo oral.

 Biblia ná: «Ndiʼ nga ni racalaʼdxiʼ Dios [...] guni rechazartu pecadu sexual» (1 Tesalonicenses 4:3).

 Diidxaʼ ni biquiiñeʼ para «pecadu sexual» riníʼ ni intiica modo gapa tuuxa relación sexual né tuuxa ni cadi xheelaʼ, casi sexo oral, sexo anal ne guni masturbar sti binni. Tu laa guni cometer pecadu sexual guizáʼ zacaná; ne ni jma triste nga zuxheleʼ ni laa de Dios (1 Pedro 3:12).

 Biblia ná: «Ni runi practicar pecadu sexual la? cayuni biidiʼ cuerpu stiʼ» (1 Corintios 6:18).

 Tu gapa sexo oral zanda guniná ni laa en sentido físicu ne espiritual. Ne laaca runiná ni laa emocionalmente. Libru ni láʼ Cómo hablar de sexo con los adolescentes para que te escuchen ná: «Cadi ora rapa si tuuxa relación sexual nga runi sentir caguitesícabe laa, raca arrepentir ne runi sentir guirutiʼ runi respetar laa. Guiráʼ ca sentimientu negativu ni rapa tobi ora rapa relación sexual né ti binni ni cadi xheelaʼ la? laaca ngaca nga runi sentir binni ora rapa xcaadxi modo de relación sexual, casi sexo oral o anal, guiráʼ ca ni naca ca ni relación sexual».

 Biblia ná: «Naa, Jehová, naa nga Dios stiluʼ, ni cusiidiʼ lii para cheʼ ni lii galán» (Isaías 48:17).

 ¿Ñee rábiluʼ zanda gacané ca ley stiʼ Dios lii ni caníʼ de relación sexual la? ¿O runi sentirluʼ cucueeza ca ni lii? Guníʼ ique zeluʼ lu ti carretera ra nabé ridiʼdiʼ carru ne napa ni señal de transitu ra cayabi lii pabiáʼ velocidad naquiiñeʼ cheluʼ ne paraa guiaanadxiluʼ. ¿Ñee niníʼ íqueluʼ cucueeza ca ni lii la? o culá ca ni lii? ¿Xi rábiluʼ zazaaca pa qué gulábiluʼ ca ni yaʼ?

 Ngaca nga rizaaca né ca ley stiʼ Dios. Pa qué gulábiluʼ ca ni la? zacanaluʼ (Gálatas 6:7). Sicaríʼ ná libru Sex Smart (Sexo inteligente): «Ora qué rinándaluʼ ca ni runi creluʼ ne ca norma moral stiluʼ ne rúniluʼ cosa ni nánnaluʼ cadi jneza, qué zusihuínniluʼ cayuni respetarluʼ laaca lii». Peru pa chinándaluʼ ca ley stiʼ Dios zusihuínniluʼ nácaluʼ ti binni ni dxandíʼ peʼ napa valor moral. Ne ni jma galán, zápaluʼ ti conciencia nayá (1 Pedro 3:16).