Génesis 10:1-32
10 Ndi’ nga historia sti’ Sem, Cam ne Jafet, ca xiiñi’ Noé.
Gudi’di’ si Diluvio que gúpacabe xiiñicabe.
2 Ca xiiñi’ Jafet nga Gómer, Magog, Madái, Javán, Tubal, Mesec ne Tirás.
3 Ca xiiñi’ Gómer nga Askenaz, Rifat ne Togarmá.
4 Ca xiiñi’ Javán nga Elisá, Tarsis, Kitim ne Dodanim.
5 Guleza ca xiiñi’ hombre ri’ lu isla ne biaanaca’ luni pur diidxa’ ni rini’ca’, pur familia ne pur nación sticaʼ.
6 Ca xiiñi’ Cam nga Cus, Mizraim, Put ne Canaán.
7 Ca xiiñi’ Cus nga Sebá, Havilá, Sabtá, Raamá ne Sabtecá.
Ca xiiñi’ Raamá nga Seba ne Dedán.
8 Laaca Cus nga bixhoze Nemrod, primé hombre nadipa’ ni guyuu lu guidxilayú.
9 Gúcabe ti hombre nadipaʼ ni ruuti mani’* ne ni rucaalú Jehová. Nga runi nuu ti dichu ni ná: «Nácabe casi Nemrod, ti hombre nadipaʼ ni ruuti mani’ ne ni rucaalú Jehová».
10 Ca primé guidxi ni biʼniʼ mandarbe nga* Babel, Erec, Akkad ne Calné, lu región stiʼ Sinar.
11 Dede región que bireebe zebe Asiria ne bicuibe Nínive, Rehobot-Ir, Cálah
12 ne Resen, ni nuu entre Nínive ne Cálah. Laani nga guidxi naroʼbaʼ que.*
13 Mizraim nga bixhoze Ludim, Anamim, Lehabim, Naftuhim,
14 Patrusim, Casluhim —de laabe nga biree ca filisteu— ne Caftorim.
15 Baʼduʼ primé stiʼ Canaán nga Sidón. Laaca xiiñibe nga Het,
16 ca jebuseu, ca amorreu, ca guirgaseu,
17 ca heveu, ca arqueu, ca sineu,
18 ca arvadeu, ca zemareu ne ca hamateu. Gudiʼdiʼ si tiempu, bireeche familia stiʼ ca cananeu.
19 Ngue runi ruzulú región stiʼ ca cananeu Sidón ne rindani hasta Guerar, ni riaana gaxha de Gaza, ne hasta Sodoma, Gomorra, Admá ne Zeboyim, gaxha de Lasa.
20 Laacabe nga ca xiiñiʼ Cam ne zeeda lácabe pur familia, pur diidxa’ ni riní’cabe, pur región ne pur nación stícabe.
21 Laaca gupa Sem xiiñiʼ. Laabe nga bixhozebiidaʼ guiráʼ ca xiiñiʼ Éber ne biʼchiʼ Sem nga Jafet, ni huaniisi.*
22 Ca xiiñiʼ Sem nga Elam, Asur, Arpaksad, Lud ne Aram.
23 Ca xiiñiʼ Aram nga Uz, Hul, Guéter ne Mas.
24 Arpaksad nga bixhoze Selá, ne Selá nga bixhoze Éber.
25 Gupa Éber chupa xiiñiʼ. Primé que biree lá Péleg,* purtiʼ tiempu que bireeche binni lu guidxilayú, ne bíʼchibe biree lá Joctán.
26 Joctán nga bixhoze Almodad, Sélef, Hazarmávet, Jérah,
27 Hadoram, Uzal, Diclá,
28 Obal, Abimael, Seba,
29 Ofir, Havilá ne Jobab. Guirácabe nga xiiñiʼ Joctán.
30 Gulézacabe dede Mesá hasta Sefar, región ra nuu stale dani, neza rindani gubidxa.
31 Laacabe nga ca xiiñiʼ Sem ne zeeda lácabe pur familia, pur diidxa’ ni riní’cabe, pur región ne pur nación stícabe.
32 Laacabe nga ca familia stiʼ ca xiiñiʼ Noé, ne zeeda lácabe pur familia ne pur nación. De ca familia riʼ nga biree guiráʼ nación ni nabeza lu guidxilayú despué de Diluvio que.
Nota
^ O «ni ruuti binni».
^ O «Ra bizulú biʼniʼ mandarbe nga».
^ Zándaca «laacani nga guidxi naroʼbaʼ que».
^ Zándaca «laabe nga jma huaniisibe que Jafet».
^ Riníʼ lá riʼ “ni rireeche”, o “división”.
