Génesis 36:1-43
36 Ndiʼ nga historia stiʼ Esaú, o Edom.
2 Bichaganá’ Esaú gunaa de Canaán. Bichaganabe Adá xiiñiʼ Elón, hitita que, ne Oholibamá xiiñi’ Aná, xnieta Zibeón, heveu que.
3 Laaca bichaganabe Basemat xiiñiʼ Ismael, bizaʼnaʼ Nebayot.
4 Gupa Adá ti xiiñiʼ Esaú ni láʼ Elifaz ne Basemat gupa ti xiiñibe ni láʼ Reuel
5 ne Oholibamá gupa Jeús, Jalam ne Coré.
Laacabe nga ca xiiñiʼ Esaú ni gule Canaán.
6 Despué, biree Esaú zeʼ sti lugar cadi tan zitu de ra nuu bíʼchibe Jacob ne zinebe ca xheelabe, ca xiiñibe, ca xiiñidxaapabe ne guiráʼ ca ni nabeza ra lídxibe ne laaca zinebe ca yuze stibe ne guiráʼ maniʼ ni nápabe ne guiráʼ cosa risaca ni bidale stibe lu región stiʼ Canaán.
7 Cumu guirópacabe maʼ nápacabe stale cosa la? maʼ qué ganda cuézacabe ti lugar si. Guizáʼ maʼ stale maniʼ nápacabe ne maʼ cadi cugaanda guixi stiʼ ca layú ra nabézacabe* para gócame.
8 Ngue runi yendeza Esaú lu región ra nuu stale dani stiʼ Seír. Esaú nga Edom.
9 Ndiʼ nga historia stiʼ Esaú, bixhoze ca edomita, ca ni nabeza lu región ra nuu stale dani stiʼ Seír.
10 Ndiʼ nga lá ca xiiñiʼ Esaú, Elifaz xiiñiʼ Adá, xheelaʼ Esaú, ne Reuel xiiñiʼ Basemat, sti xheelaʼ Esaú.
11 Ca xiiñiʼ Elifaz nga Temán, Omar, Zefó, Gatam ne Quenaz.
12 Ne Elifaz xiiñiʼ Esaú, gupa sti xheelaʼ* ni láʼ Timná. Gudiʼdiʼ si tiempu gupa Timná ti xiiñiʼ Elifaz ni láʼ Amalec. Laacabe nga ca xiiñiʼ Adá, xheelaʼ Esaú.
13 Ca xiiñiʼ Reuel nga Náhat, Zérah, Samá ne Mizá. Laacabe nga ca xiiñiʼ Basemat, xheelaʼ Esaú.
14 Ne Oholibamá xheelaʼ Esaú, xiiñidxaapaʼ Aná, xnieta Zibeón, gúpabe Jeús, Jalam ne Coré, ca xiiñiʼ Esaú.
15 Ndiʼ nga ca hombre ni guca xaíque* ni biree lade ca xiiñiʼ Esaú. De lade ca xiiñiʼ Elifaz —baʼduʼ primé stiʼ Esaú— biree ca xaíque riʼ: Temán, Omar, Zefó, Quenaz,
16 Coré, Gatam ne Amalec. Laacabe nga ca ni guca xaíque stiʼ familia stiʼ Elifaz lu región stiʼ Edom. Laacabe nga ca xiiñiʼ Adá.
17 De lade ca xiiñiʼ Reuel —xiiñiʼ Esaú— biree ca xaíque riʼ: Náhat, Zérah, Samá ne Mizá. Laacabe nga ca ni guca xaíque stiʼ familia stiʼ Reuel lu región stiʼ Edom. Laacabe nga ca xiiñiʼ Basemat, xheelaʼ Esaú.
18 Ne últimu la? de lade ca xiiñiʼ Oholibamá —xheelaʼ Esaú— biree ca xaíque riʼ: Jeús, Jalam ne Coré. Laacabe nga ca ni guca xaíque ni gupa Oholibamá xiiñidxaapaʼ Aná, xheelaʼ Esaú.
19 Ndiʼ nga ca xiiñiʼ Esaú —o Edom— ne ca ni guca xaíque stícabe.
20 Ndiʼ nga ca xiiñiʼ Seír, horeu que —ca primé ni guleza ndaaniʼ guidxi ca— Lotán, Sobal, Zibeón, Aná,
21 Disón, Ézer ne Disán. Laacabe nga ca ni guca xaíque stiʼ ca horeu —ca xiiñiʼ Seír— lu región stiʼ Edom.
22 Ca xiiñiʼ Lotán nga Horí ne Hemam. Ne Timná nga bizaʼnaʼ Lotán.
23 Ca xiiñiʼ Sobal nga Alván, Manáhat, Ebal, Sefó ne Onam.
24 Ca xiiñiʼ Zibeón nga Ayá ne Aná. Laabe nga Aná ni bidxela ra cadá nisa ndáʼ* lu desiertu, ra cayápabe ca burru stiʼ bixhózebe Zibeón.
25 Gupa Aná ti xiiñiʼ ni láʼ Disón ne ti xiiñidxaapaʼ ni láʼ Oholibamá.
26 Ca xiiñiʼ Disón nga Hemdán, Esbán, Itrán ne Kerán.
27 Ca xiiñiʼ Ézer nga Bilhán, Zaaván ne Acán.
28 Ca xiiñiʼ Disán nga Uz ne Arán.
29 Ndiʼ nga ca hombre ni guca xaíque stiʼ ca horeu: Lotán, Sobal, Zibeón, Aná,
30 Disón, Ézer ne Disán. Laacabe nga ca ni guca xaíque stiʼ ca horeu lu región stiʼ Seír.
31 Yanna, ndiʼ nga ca rey ni biʼniʼ mandar lu región stiʼ Edom ante gapa ca israelita* ti rey.
32 Bela xiiñiʼ Beor, biʼniʼ mandarbe Edom, ne biree lá guidxi stibe Dinhabá.
33 Dxi gutiʼ Bela, biʼniʼ mandar Jobab lugar stibe, Jobab nga xiiñiʼ Zérah de guidxi Bozrá.
34 Dxi gutiʼ Jobab, biʼniʼ mandar Husam lugar stibe, de guidxi stiʼ ca temanita nga Husam.
35 Dxi gutiʼ Husam, biʼniʼ mandar Hadad xiiñiʼ Bedad lugar stibe, ne biree lá guidxi stibe Avit. Laabe nga biʼniʼ ganarbe ca madianita lu región* stiʼ Moab.
36 Dxi gutiʼ Hadad, biʼniʼ mandar Samlá lugar stibe, de guidxi Masrecá nga Samlá.
37 Dxi gutiʼ Samlá, biʼniʼ mandar Shaúl lugar stibe, de guidxi Rehobot ni nuu gaxha de ti guiiguʼ nga Shaúl.
38 Dxi gutiʼ Shaúl, biʼniʼ mandar Baal-Hanán xiiñiʼ Acbor, lugar stibe.
39 Dxi gutiʼ Baal-Hanán xiiñiʼ Acbor, biʼniʼ mandar Hadar lugar stibe. Biree lá guidxi stibe Paú ne xheelabe biree lá Mehetabel, xiiñidxaapaʼ Matred, ne xiiñidxaapaʼ Mezahab nga Matred.
40 Ndiʼ nga ca xaíque ni zá de Esaú —nexhechaahuiʼ lácabe pur familia ne pur región stícabe— xaíque Timná, Alvá, Jetet,
41 Oholibamá, Elá, Pinón,
42 Quenaz, Temán, Mibzar,
43 Magdiel ne Iram. Laacabe nga ca ni gucaʼ xaíque stiʼ Edom, nexhechaahuiʼ lácabe pur ca región ra gulézacabe ndaaniʼ ca guidxi stícabe. Ndiʼ nga Esaú, bixhoze ca edomita.
Nota
^ O «ra nabézacabe casi binni de sti guidxi».
^ O «xaíque stiʼ ti tribu».
^ O «nisa termal».
^ Lit. «ca xiiñiʼ Israel».
^ Lit. «layú».
