Pregunta: Ñee raʼbuʼ zadxiña dxi chuʼ paz lu guidubi Guidxilayú riʼ la?

Textu: Sl 72:7

Publicación: Zedané Dios paz lu Guidxilayú riʼ ne puru si binni ni maʼ biziidiʼ de laabe nga guibani luni. Maʼ gucané libru riʼ stale binni para guiziidiʼ de Dios. Cumu cadi nagana ca diidxaʼ zeeda luni la? nannaʼ dxicheʼ laaca zacané ni lii.

Pregunta: Pabiáʼ tiempu cayaadxaʼ para guinitilú guidxilayú riʼ.

Textu: Mt 24:3, 7, 14

Ni dxandíʼ: Ca profecía zeeda lu Biblia cayábicaʼ laanu maʼ nabáninu lu ca últimu dxi, peru rusiecheʼ noticia riʼ laanu purtiʼ rusihuinni ni maʼ cadxiña dxi guibáninu jma galán.

Pregunta: Biluíʼ binni dibuju ni zeeda lu yaza 2 ne 3 stiʼ folletu riʼ, de racá gunabadiidxaʼ: «Ñuuláʼdxiluʼ nibániluʼ ti lugar casi rihuinni lu dibuju riʼ la?» [Guleza guicábibe].

Publicación: Lu guionna yaza stiʼ folletu riʼ zeeda textu stiʼ Juan 10:27, 28, ne cayabi ni laanu naquiiñeʼ gucaʼdiáganu Dios. Peru, ximodo zanda gucaʼdiáganu Dios pa qué ridúʼyanu laa yaʼ.