MODO RÚNINU XHIIÑAʼ DIOS
Cayaca defender ne legalizar dxiiñaʼ ni cayaca para gaca predicar ca noticia galán
Ora gucalaʼdxiʼ ca enemigu stiʼ Dios nucueezacaʼ dxiiñaʼ de cuiʼ templu que, ca ni cayuni dxiiñaʼ raqué bíʼnicaʼ guiráʼ ni nuu lu nacaʼ para guihuinni nápacaʼ derechu gucuicaʼ templu que (Esd 5:11-16). Ne laaca ngaca runi ca xpinni Cristu de tiempu riʼ, rúnicaʼ guiráʼ ni nuu lu nacaʼ para gaca defender ne legalizar dxiiñaʼ ni cayaca para gaca predicar ca noticia galán (Flp 1:7). Para ganda gaca ndiʼ la? lu iza 1936 ra central mundial guca ti departamentu para guni tender ca asuntu legal stiʼ xquidxi Dios. Ca dxi stinu riʼ, Departamento de Asuntos Legales ni nuu ra Central Mundial ruuyaʼ gaca defender dxiiñaʼ ni cayaca para gaca predicar lu guidubi Guidxilayú. ¿Ximodo raca dxiiñaʼ lu departamentu riʼ ne ximodo racané ni laanu yaʼ?
DESPUÉ DE GÚʼYALUʼ VIDEU NI LÁʼ BIIYAʼ XIMODO RACA DXIIÑAʼ LU DEPARTAMENTO DE ASUNTOS LEGALES NI NUU RA CENTRAL MUNDIAL, ZANDA GUICÁBILUʼ CA PREGUNTA RIʼ:
-
¿Xi asuntu legal huadxaagalú ca testigu stiʼ Jehová?
-
¿Xi ca juiciu maʼ biʼniʼ ganar xquidxi Dios? Bizeeteʼ ti ejemplu.
-
¿Xi zanda gúninu para guireeche ca noticia galán stiʼ Reinu?
-
¿Ximodo zanda guidxélaluʼ lu sitiu jw.org ca noticia ni caníʼ de ca juiciu legal ni huayapa xquidxi Dios ne lista ra zeeda lá ca Testigu ni nuu cárcel pur ni runi crecaʼ?
