Cásica xcaadxi reunión ni rápanu, reunión ni raca ante chiguni predicarnu laaca nácani ti regalu ni rudii Jehová laanu para gannaxhiisaanu ne gúninu cosa galán (Heb 10:24, 25). Guidubi reunión ca, dede ora gaca organizar ca grupu ca, gaca asignar territorio ne gaca oración naquiiñeʼ guindaani biaʼ gaayuʼ o gadxe minutu. Ne pa gácani despué de ti reunión jma huaxiéʼ tiempu naquiiñeʼ guindaani. Hermanu ni cuee grupu naquiiñeʼ guni preparar xiixa tema para ca hermanu ni chiguni predicar dxi ca. Ca sábadu ca, dxi riree ca hermanu ni qué ñanda ñuni predicar ndaaniʼ semana, zándaca jma galán guzéʼtenu xi zanda guininu lu predicación. ¿Xi xcaadxi tema zanda guzéʼtenu yaʼ?

• Iquiiñenu sección ni láʼ Modo guinínenu binni, ni zeeda lu Ni chigaca lu reunión Xhiiñaʼ Dios ne modo nabáninu.

• Guzéʼtenu ti noticia ni bizaaca lu territorio stinu para guzulú guinínenu binni.

• Ximodo zanda guicábinu tuuxa ni gabi laanu xiixa ni cadi cabézanu.

• Ximodo zanda guicábinu ti binni ni qué runi cré Dios, ni runi cré evolución, ti binni ni riníʼ sti idioma o ti binni ni napa ti religión ni qué rihuinni lu territorio stinu.

• Ximodo iquiiñenu sitiu jw.org, aplicación JW Library^® o Biblia.

• Ximodo iquiiñenu tobi de ca herramienta ni nuu lu de kit de enseñanza.

• Guzéʼtenu xiixa tema ni zacané laanu guni predicarnu pur teléfono, pur carta, ca lugar ra ridiʼdiʼ stale binni, para gúninu revisita o estudiu.

• Guzéʼtenu ximodo gápanu laanu ora maʼ cayuni predicarnu, ximodo guchaʼnu tema ni zinenu para gucaadiaga binni laanu, gápanu respetu, ximodo chuʼnu nayecheʼ, o xcaadxi tema.

• Guzéʼtenu ni ná ti lección o ti videu ni zeeda lu folletu Gusíʼdinu ne guidúʼndanu jma jneza.

• Ximodo cuʼnu gana ne gacanenu hermanu ni zinenu predicación.

• Iquiiñenu ti textu ni caníʼ de predicación o guzéʼtenu ti experiencia ni cuʼ gana.