Bíʼnicabe ca altar stiʼ tabernáculo que modo peʼ guníʼ Jehová gácacani ne nuu xi riníʼcani.
-
Cásica guyuulaʼdxiʼ Jehová xhoʼ stiʼ inciensu ni zicá guí ni biʼniʼ preparárcabe dxiqué, zacaca riuuladxiʼ Jehová ca oración ni runi ca xpinni.
-
Gucuaa Jehová guiráʼ sacrificiu ni bíʼnicabe lu altar stiʼ ofrenda ni ricá guí. Runi representar altar riʼ nuu Dios dispuestu guicaa sacrificiu stiʼ Xiiñiʼ. Guyuu altar riʼ frente de santuariu que ne ndiʼ riʼniʼ caquiiñeʼ gápanu fe lu sacrificiu stiʼ Jesús ti chuulaʼdxiʼ Dios ni rúninu (Jn 3:16-18; Heb 10:5-10).
Cásica maca nuu modo guni preparárcabe inciensu dxiqué, ¿ximodo zanda guni prepararnu ca oración stinu? (Sl 141:2).
