NDAA 3
Ximodo bibánicabe ndaaniʼ jardín ni guyuu Edén
Nabé sicarú guiráʼ ni bidii Dios Adán ne Eva (Génesis 1:28)
Primé gunaa ni bizáʼ Jiobá nga Eva, ne laabe beeda gácabe xheelaʼ Adán (Génesis 2:21, 22).
Dios bizáʼ Adán ne Eva sin donda. Biáʼsipeʼ modo bizaʼbe xquendabiaanicaʼ ne xcuérpucaʼ.
Bibánicabe ndaaniʼ jardín ni guyuu Edén: ti lugar nabé sicarú ra guyuu ti guiiguʼ, stale yaga ne stale maniʼ. Lugar que nga beeda gaca ti paraísu.
Dxiqué guniʼné Jiobá laacabe ne bisiidiʼ laacabe stale cosa. Naquiiñeʼ nucaadiágacabe Dios ne nuzuubacabe stiidxabe ti cadi liica nireecabe de ndaaniʼ paraísu que.
Dios biʼniʼ mandar laacabe cadi gócabe cuananaxhi stiʼ tobi de ca yaga que (Génesis 2:16, 17)
Dios gudxi Adán ne Eva cadi gocaʼ cuananaxhi stiʼ ti yaga ni bizuhuaa ndaaniʼ jardín que. Ne záticabe pa gócabe cuananaxhi stini.
Ti ángel bicaalú Dios. Ángel malu ca nga Binidxabaʼ.
Qué niná Binidxabaʼ nuzuubacabe stiidxaʼ Jiobá. Laabe biquiiñebe ti beendaʼ para gabi Eva qué zati pa gó cuananaxhi stiʼ yaga que. Bisiguiibe laa ora guniʼbe zeeda gaca casi Dios pa gó cuananaxhi stini (Génesis 3:1-5).
Laaca zándaca ziuuláʼdxiluʼ ca ndiʼ
ESSENTIAL BIBLE TEACHINGS
¿Xiñee bizáʼ Dios Guidxilayú?
Dede zadxagayaaluʼ ora gúʼyaluʼ planeta stinu tantu sicarú ni. Biaʼsi distancia napa ni de ra nuu Gubidxa, biáʼsipeʼ inclinación napa ni, ne biaʼsi velocidad de rotación napa ni. ¿Xiñee biʼniʼ Dios dxiiñaʼ nadipaʼ para bizáʼ planeta sicarú riʼ yaʼ?
CANI ZEEDA LU BIBLIA
Dios bizáʼ ti paraísu para guibani binni ndaaniʼ
Ximodo rusiene Biblia bizáʼ Dios binni. Xi biʼniʼ mandar Dios primé hombre ne primé gunaa.
