«Mápeca ñanda nusiidi tu stobi» (Heb. 5:12). ¡Bixuiʼlú! Jiobá, Maestru ni jma nanna gusiidiʼ lu guidubi naca universu, cayuni invitar laanu gusíʼdinu binni ni nánnanu de laa. Gusíʼdinu ni dxandíʼ de Jiobá —familia stinu, ndaaniʼ congregación o lu predicación— ti ndaayaʼ ne ti responsabilidad naroʼbaʼ ni. Peru ¿ximodo zanda gusíʼdinu jma jneza yaʼ?

Zadxélanu respuesta ca lu ca diidxaʼ ni bicaa apóstol Pablo ra nuu Timoteo: «Biinda né laaca stiidxa Dios, bisiidi chaahui ca hermanu ne ucané laaca udxii lú ca lu xhiiña Dios». Ne despué guniʼbe: «Pa chi nanda lu irá ni cayabe lii ri la? zalá luʼ ne laca zulá lu cani cusiidi luʼ» (1 Tim. 4:13, 16). Mensaje ni rinenu ra nuu binni rulá ni xquendanabánicaʼ. Nga runi, risaca stale gúninu stipa pur guidúʼndanu ne gusíʼdinu jneza. Folletu riʼ zacané lii gúniluʼ ni. Guidúʼyanu caadxi cosa ni zeeda luni.

Jiobá nga Maestru ni jma nanna gusiidiʼ (Is. 30:20). Folletu riʼ zacané ni lii guni mejorarluʼ modo ruundaluʼ ne modo rusiidiluʼ, peru cadi guiaandaʼ lii, Jiobá nga ruchiña binni ra nuu (Juan 6:44). Nga runi, cadi gusaana de guinábaluʼ espíritu santu. Biquiiñeʼ Stiidxaʼ Dios biaʼ gándatiʼ. Biʼniʼ stipa pur guni sentir ca binni cucaadiaga lii, Jiobá nga caniʼné laacaʼ ti ganda gannaxhiicaʼ Jiobá de guidubi ladxidoʼcaʼ.

Dios nga cayuni invitar lii para gudiiluʼ mensaje jma risaca ni qué huayuu dxi gudiicabe lu Guidxilayú riʼ. Nuudu seguru pa gápaluʼ confianza lu «stipa ni bidii Dios» lii laa? zanda gúniluʼ ni (1 Ped. 4:11).

Ca compañeru ni runiné laatu dxiiñaʼ risaca riʼ,

Grupu ni Zaniruʼ stiʼ ca Testigu stiʼ Jiobá