Ti carta ni bicaa Grupu ni zaniruʼ

Grupu ni zaniruʼ cayuni invitar laanu gúʼndanu libru riʼ stúbinu o né ca binnilídxinu para cueendunu stale ni galán.

Ca diidxaʼ ruzuluneni

Lu Biblia zadxélanu stale historia stiʼ hombre ne gunaa ni gúpacaʼ fe Jiobá. Xi zanda cueendunu pa chinándanu ejemplu stícabe yaʼ.

ABEL

«Neca maʼ gútibe, dede yanna caniʼbe»

Xi zanda guizíʼdinu de ejemplu stiʼ Abel ne de fe ni gúpabe neca huaxiéʼ ni ruzeeteʼ Biblia de laabe

NOÉ

Guzanebe Dios ni dxandíʼ

Guca nagana para Noé ne xheelaʼ gusiniisicaʼ xiiñicaʼ. Ximodo bisihuínnicabe nápacabe fe ra bíʼnicabe arca que.

ABRAHÁN

Bixhoze guiráʼ cani napa fe

Ximodo bisihuinni Abrahán gupa fe. Ximodo ñuuláʼdxiluʼ ninándaluʼ ejemplu stiʼ Abrahán

RUT

«Naa ziaaʼ ratiica cheluʼ»

Xiñee guná Rut gusaana ca binnilidxi ne xquidxi. Xi guenda bisihuinni Rut ne ngue biʼniʼ guisácabe nezalú Jiobá.

RUT

«Ti gunaa nabé nachaʼhuiʼ»

Xiñee galán guca xquendaxheelaʼ Rut ne Boaz. Ejemplu stiʼ Rut ne Noemí rusihuínnini naquiiñeʼ gusisácanu binnilídxinu.

ANA

Bixhélebe ladxidoʼbe nezalú Jiobá

Fe gupa Ana Jiobá que gucaneni laabe gudxiilube guendanagana ni gúpabe que.

SAMUEL

Biniisibe ralidxi Dios

Xiñee zanda guininu gadxepeʼ modo biniisi Samuel que xcaadxi baʼduhuiiniʼ. Xi gucané laabe para guiroobaʼ fe stibe ndaaniʼ tabernáculo que.

SAMUEL

Qué nireebe gana neca bidxaagalube guendanagana

Guiranu nga ridxaagalunu guendanagana ne nuu cosa ni rucaa laanu guirá fe stinu. Peru xi zanda guizíʼdinu de ejemplu stiʼ Samuel yaʼ.

ABIGAIL

Ti gunaa nuu xpiaaniʼ

Xi zanda guizíʼdinu de modo bidxiilú Abigail ca guendanagana ni gupa lu xquendaxheelaʼ.

ELÍAS

Bisihuínnibe Jiobá si nga naquiiñeʼ gaca adorar

Ximodo zanda chinándanu ejemplu stiʼ Elías ora chuʼ tu gabi laanu cadi jneza cani cusiidiʼ Biblia

ELÍAS

Gutanabe ne biʼniʼ crebe zaca ni gunábabe

Xi bisihuinni profeta Elías lu oración ni biʼniʼ laga cabézabe guni Jiobá ni maʼ bidii stiidxaʼ

ELÍAS

Gupa Dios laabe ne gudixhedxí ladxidoʼbe

Xi bicaa Elías guiree gana dede guinabaʼ gatiʼ.

JONÁS

Biziidibe guzuubabe diidxaʼ

Cásica Jonás, ñee huayuudxí guidxíbiluʼ gúniluʼ xiixa ni ribeza Jiobá gúniluʼ la? Xi rusiidiʼ ejemplu stiʼ Jonás laanu de modo bisihuinni Jiobá qué nixhacalaʼdxiʼ laabe dxi qué nuzuubabe diidxaʼ ne bilaselaʼdxiʼ laabe.

JONÁS

Biziidibe guiabe binni

Ximodo racané historia stiʼ Jonás laanu gudiʼnu cuenta modo ridúʼyanu xcaadxi binni

ESTER

Guniʼbe pur xquidxi Dios

Xiñee gupa xidé guca Ester nadxibalú ne gupa stale fe, para bisihuinni nadxii xquidxi.

ESTER

Bisihuínnibe nuu xpiaanibe, nadxibalube ne gucanebe binni

Ximodo bisihuinni Ester cadi cabeza guicaa xiixa pur ni chiguni pur xquidxi Jiobá.

MARÍA

«Rarí nuaa para gune ni na Dios»

Ximodo bidii ángel que cuenta pabiáʼ fe napa María ora gúdxibe laa ca diidxaʼ ni zinebe que. Xiruʼ bisihuinni María pur modo bicabi que.

MARÍA

Gúpabe cani ndaaniʼ ladxidoʼbe ne guníʼ íquebe cani

Cani bizaaca María ndaaniʼ guidxi Belén que gucané cani laabe para iguidxi fe stibe ne guni crebe cani maca bidii stiidxaʼ Dios laabe chiguni.

JOSÉ

Gúpabe binnilídxibe ne bidiibe ni caquiiñecaʼ

Ximodo gupa José ca binnilidxi. Xiñee guleebe María ne Jesús de Egipto.

MARTA

«Ma bine cre»

Ximodo bisihuinni Marta napa fe neca cadiʼdiʼ lu ti yuubaʼ naroʼbaʼ.

PEDRU

Biziidibe gácabe ti hombre nadxibalú

Nabé nadipaʼ dxiibi ca ne zándaca dede guniná ni binni. Peru Pedru biziidiʼ gaca nadxibalú ra guzanebe Jesús.

PEDRU

Qué ñuu dxi nusaanabe Jesús

Ximodo gucané fe stiʼ Pedru que laa para cadi gusaana Jesús despué de bilidxe laabe.

PEDRU

Biziidibe pabiáʼ risaca guni perdonar binni

Xi bisiidiʼ Jesús Pedru de modo guni perdonar. Ximodo bisihuinni Jesús maʼ biʼniʼ perdonar Pedru.