Racalaʼdxiʼ Jehová guibáninu nayecheʼ ne gatigá zanda gúninu ti saa para guiéchenu. Peru ¿ñee riuulaʼdxiʼ Dios guirá saa ni runi binni la? ¿Ximodo zanda gusihuínninu nadxiinu laabe ne rizaláʼdxinu ni runi sentirbe?

1. ¿Xiñee cadi guiráʼ saa nga riuulaʼdxiʼ Jehová?

Zándaca de zadxagayaaluʼ ora gánnaluʼ cadi zeeda diʼ stale de ca saa ni runi binni lu Biblia ne maʼ binni si nga gudixhe gaca ca ni. Zándaca zeeda ca saa riʼ de ca religión ni qué rusiidiʼ ni dxandíʼ, ne nuu de laacani zeeda ca ni de espiritismo o rúnicabe ni purtiʼ runi crécabe napa binni ti alma ni qué rati. Ne stale de ca costumbre napa binni la? rúnicaʼ ni pur superstición o para gápacaʼ suerte (Isaías 65:​11). Nga runi cadi guendaridxagayaa diʼ nga cayabi Jehová laanu ca diidxaʼ riʼ: «Laguixeleʼ de laacabe [...] ne maʼ cadi cánatu ca cosa ni nabiidiʼ» (2 Corintios 6:​17). a

2. ¿Ximodo ruuyaʼ Jehová ca saa ra rusisácacabe binni guidxilayú?

Jehová cayabi laanu cadi gácanu casi «binni ni napa confianza binni guidxilayú», purtiʼ nácani ti trampa (biindaʼ Jeremías 17:5). Nuu caadxi saa rúnicabe ni para gusisácacabe tuuxa gobernante, tuuxa ni bilá xquídxicabe, gusisácabe bandera o para guni celebrárcabe independencia stiʼ xiixa guidxi (1 Juan 5:​21). Ne laaca nuu ca saa ni rúnicabe pur xiixa partidu políticu o xiixa organización social. Pa gusisácanu tuuxa binni o ti organización, ne jmaruʼ si ca ni rucaa binni cadi guni ni ná Dios, ¿ximodo rábiluʼ zuni sentir Dios yaʼ?

3. ¿Xii nga ca cosa qué riuulaʼdxiʼ Jehová ni raca lu ca saa runi binni?

Biblia ná cadi jneza nga tidisú binni «lu guendarixudxi», guni «saa ra runi binni ni cadi jneza» ne gaca reunircaʼ para si xhúdxicaʼ (1 Pedro 4:3). Lu stale saa runi binni cosa ni cadi jneza. Nga runi, para cadi gusaana de gaca xhamígunu Jehová, naquiiñeʼ guixélenu de ca cosa ni cadi jneza runi binni.

 GUIZÍʼDIRUNU JMA

 5. Gucané binni guni respetar ni runi creluʼ

6. Racalaʼdxiʼ Jehová chuʼnu nayecheʼ

Riuulaʼdxiʼ Jehová chuʼnu nayecheʼ né ca xhamígunu ne familia stinu. Laguundaʼ Eclesiastés 8:​15 ne laiquiiñeʼ pregunta riʼ para güitu diidxaʼ:

• ¿Ximodo rusihuinni versículo riʼ racalaʼdxiʼ Jehová chuʼnu nayecheʼ?

Laaca racalaʼdxiʼ Jehová chuʼ ca xpinni tobi si ne nayecheʼ. Laguyaʼ VIDEU riʼ. Luni rihuinni pabiáʼ nayecheʼ nuu ca hermanu ni guyé asamblea internacional.

Laguundaʼ Gálatas 6:​10 ne laiquiiñeʼ ca pregunta riʼ para güitu diidxaʼ:

• Para «gacanenu guiráʼ binni», ¿ñee caquiiñeʼ peʼ gúninu guiráʼ ca saa ni rúnicabe la?

• ¿Xi tipu regalu riuuláʼdxiluʼ gudiiluʼ? ¿Ñee ni guiale de lii gudiiluʼ la? o ni guni obligárcabe lii gudiiluʼ, casi rúnicabe lu ca saa ca?

• Stale de ca Testigu rúnicaʼ xiixa para xiiñicaʼ, dede rudiicaʼ laacabe ti regalu. Pa nápaluʼ xiiñiluʼ, ¿xi zanda gúniluʼ para laacabe?

 XI BIZÍʼDINU

Racalaʼdxiʼ Jehová guiechenenu familia stinu ne ca xhamígunu, peru qué racaláʼdxibe chuʼnu lu ca saa ni qué riuuláʼdxibe.

Xi biziidiluʼ

• ¿Xi caquiiñeʼ guidúʼyanu para gánnanu pa riuulaʼdxiʼ Jehová xiixa saa?

• ¿Ximodo zanda gacanenu ca familia stinu ne xhamígunu guiénecaʼ xiñee qué rúninu ca saa ca?

• ¿Ximodo nánnanu racalaʼdxiʼ Jehová chuʼnu nayecheʼ ne gaca divertirnu?