¿Ñee bizáʼ Dios universu ne guendanabani la? o málasi guyáʼ ca ni? Gadxé nga ni ruzeeteʼ ca físicu ni riete ra ruzulú artículo riʼ ne gadxé nga ni ricabi Biblia. Nuu tu laa runi apoyar ni riníʼ ca físicu ca, ne xcaadxi runi apoyarcaʼ ni ná Biblia. Dede nuu binni runi cré ne runi defender ni ná ca libru ne ni riete lu programa de televisión. Ne nuu tu laa qué ganna xi guni cré.

Zándaca huayabi ca maestru stiluʼ lii málasi guyáʼ universu ne guendanabani, ne cadi dxandíʼ nuu tuuxa ni bizáʼ guiráʼ ni nuu. Peru ¿ñee biluíʼcabe lii prueba ni rusihuinni ni la? O zándaca huayunadiágaluʼ riníʼ ca xaíque yuʼduʼ ca nuu tuuxa ni bizáʼ guiráʼ ni nuu. Peru ¿ñee biluíʼcabe lii prueba ni ná dxandíʼ ni la? ¿O gudxisícabe lii naquiiñeʼ gápaluʼ fe ti gánnaluʼ dxandíʼ ni?

Zándaca maʼ huaníʼ íqueluʼ guiráʼ ni bizéʼtenu riʼ ne zándaca riníʼ íqueluʼ nagana nga chuʼ tuuxa ni bizáʼ guiráʼ ni nuu. Zándaca riníʼ íqueluʼ pa risaca gánnaluʼ respuesta ca.

Lu revista riʼ zadxélaluʼ caadxi prueba ni huayacané stale binni gánnacaʼ dxandíʼ nuu tuuxa ni bizáʼ guiráʼ ni nuu. Laaca zaziidiluʼ xiñee nabé risaca gánnaluʼ ximodo bizulú guendanabani.