«Gueeda Reinu stiluʼ ra nuudu», caadxi diidxaʼ ni maʼ guníʼ millón de binni stale biaje
¿Ñee huanábaluʼ lu oración stiluʼ gueeda Reinu stiʼ Dios la? Lu ca iza ni maʼ gudiʼdiʼ ca, millón de binni maʼ gunabaʼ gueeda Reinu stiʼ Dios. ¿Xiñee yaʼ? Purtiʼ bisiidiʼ Jesús ca discípulo stiʼ guinábacaʼ «gueeda Reinu» stiʼ Dios.
Qué ñenegá ca discípulo stiʼ Jesús guiráʼ ni gúdxibe laacaʼ de Reinu stiʼ Dios. Ti biaje gunabadiidxacabe Jesús: «Señor, ¿ñee cudxiguétaluʼ reinu que lu náʼ Israel tiempu riʼ la?». Zándaca bidxagayaacabe purtiʼ qué ñabi Jesús laacabe ni cabézacabe ñunadiágacabe (Hechos 1:6, 7). Yanna laanu yaʼ, ¿ñee zanda gánnanu xii nga Reinu stiʼ Dios ne padxí gueeda ni la? Zanda pue.
Lu revista riʼ zacábinu ca pregunta riʼ:
¿Xiñee caquiiñenu gueeda Reinu stiʼ Dios?
¿Tuu nga Rey stiʼ Reinu ca yaʼ?
¿Padxí guni mandar ni binni guidxilayú?
¿Xi chiguni Reinu stiʼ Dios pur binni?
¿Xiñee caquiiñeʼ guni apoyarnu Reinu stiʼ Dios tiempu riʼ?
¿Xii nga Reinu stiʼ Dios?
Laaca zándaca ziuuláʼdxiluʼ ca ndiʼ
TORRE STIʼ NI RAPA
Xiñee naquiiñeʼ guinábanu Dios gueeda Reinu stiʼ
Xii nga ca cosa chiguni Reinu stiʼ Dios ni que huayanda guni nin ti gobiernu ni nuu lu Guidxilayú yaʼ
ESSENTIAL BIBLE TEACHINGS
Xii nga Reinu stiʼ Dios
Ca dxi bicheeche Jesús diidxaʼ, jma guníʼ de Reinu stiʼ Dios que de sti tema. Maʼ stale iza huanabaʼ binni gueeda Reinu ca.
